由今日起叫返「普通話」/「國語」做「北京話」/「京語」

Pekingese =　北京語／北京人／北京狗 By Wiki

大家都冇留意到呢，
覺唔覺香港同澳門個數好marvelous～

香港人冇哂90s時代嘅骨氣，
班五毛成日話香港人本身就點西，眼中只有錢，
如果真係咁，就唔會果個年代一大埋後生衝去讀同做設計
醫生教師都唔太受推崇，反而工程同設計先係更多人夢想

因為有野創造到呀。
如果講80s係黃金年代
咁香港90s開始就係追夢嘅年代

之後老董同港共政府係咁耍鳩係香港追夢班人，
中藥港、數碼港、乜港物港，人工低都去開荒，
結果抽完水發展完地產就過橋抽板，益哂自己人。
最慘你讀左果科香港跟本冇前途，睇返黃子華就明。
香港人咩野骨氣都俾佢磨哂。

以前香港人都祟外，但會攞返黎自己改，
咩野狗屎垃圾都敢著上身，而家？一式一樣係最好。

又打飛機

支那語

打咩野飛機？
對比一下兩組數字唔發現有咩野問題？

香港：1,106 平方公里 2018年估計人口 7,448,900
新加坡：721.5 平方公里 2016年估計人口 5,607,300
澳門：33平方公里 2018年估計人口 658,900

7448900/1106 = 6735
5607300/721.5 = 7772
658900/33 = 19966.6

都唔覺得好有問題？好marvelous？

Thank you for the support
我叫返做北京話，冇批評過佢，只係講事實。

個講法如果流行左，班走狗同教育署要盲反依點，佢地就好易走入要係公開批評廣東話個死位。當我打飛機啦，如果有一日立法會上面政府請左個北佬教授上去，公開批評廣東話劣於北京話，之後新聞成日播，我信會有人奴到底，不過我敢講更多人係火都黎。

個主要問題係京教中
中國咁大為方便溝通全部人都應該學一種共同語言
揀北京話唔揀唔粵語唔係咩十惡不赦嘅事(雖然個人覺得好難聽)
而香港人學嚟方便同大陸人溝通都有其道理，唔代表要支化
好似香港人學英文都只係方便溝通唔代表佢認同英國文化
不過而家京教中係迫一種方言取代另一種方言
完全係文化侵略

「中國咁大為方便溝通全部人都應該學一種共同語言」
我覺得一定要先討論依個點，因為極其重要。

正正因為中共唔係單一民族國家，而且國土大，
為左文化多元及發展，係唔應該為左所謂方便，
而選擇任何一種已有嘅方言作為全國嘅標準語。

咁已經係貶低其他方言背後所代表嘅文化傳承。
就算中共冇夾硬黎，冇講到明，都有依個效果。

標準語加強只係表層溝通，反之減少深層交流。
去上海唔洗識上海話，會做到真正嘅文化交流？
我跟團去法國，個洋腸導遊係咁同我講廣東語，
個意義係邊度？文化衝擊同差異嘅感受係唔同。

我唔學潮州話嘅，就唔知佢地將木梳叫做柴梳，
就唔知道柴係一個謙稱，唔知道潮州都有文豪，
更唔知粵語柴＝差來源，台灣柴梳餅點樣柴梳。
損失既比想像中更多，而且影響本土語言發展。

如果國家或地區會出現通用語，都係自然產生。
好似粵語四邑話，就係同周邊語言混合嘅粵語，
我地香港話都有受到四邑話影響，好似以下既：
日頭、邊竄(址)、謑落、乜、後生、手甲等等，
本身嘅語源都唔係粵語黎，比架己冷更加交融，
正正就係因為有得比較、交流、學習先有進步。

香港人一定會明我上面所講。

而將標準語法定化更加更加係對非標準語文化，
係交流上，傳承上，文化相互轉化上大大打擊。

就如你上面所講，中共攞北京話取代其他方言，
結果近年大家睇到乜野？就係佢地語言退化中。
已經變成乜野Skr，2B，AWSL，MDZZ，666，
殘體都唔夠，直頭有個音就當係語言當係字咁。

第二
「香港人學嚟方便同大陸人溝通都有其道理」
如果我今日去北京，我唔介意講幾句北京話，
反轉係佢地黎香港，佢地應該講粵語或英文，

而家個教育情況同方向係：
要全港人學定北京話俾佢地落黎香港講北京話

我都好驚去到一個新地方，之後係人生路不熟，
但都唔應該期待對方係會同自己識同一種語言，
當我係咁去諗，其他人去我個地方都會咁去諗，
結果係有眼睇，更何況香港個情況係被洗腦中。

搞清楚翻以下依一件事先
大家去學日文係打算去日本時用，去吃去玩去感受去交流文化。
定係臨接日本人黎香港全程講日文，講得唔好重要好似自己錯。
有條日本仔黎香港要人就佢講日文，講粵語就話你唔識日文咩？

你會唔會想打柒佢？以上日本一例可以置換全世界國家都通。

自己人之後講胡語冇所謂，反正佢退化剩四聲係人都知。
真心我今次針對唔係自己人之間日常用咩野字眼，
而係要消滅'普通話依個經過包裝嘅Term"

最直接簡單難以反駁就係指出佢就係北京話，
佢就係方言，佢地位同上海話，廣州話，潮州話冇分別。

叫開契丹話

巴打，女真唔同契丹架……

Languages of Hong Kong
香港語文

Hong Kong Cantonese
香港廣東語

English
英語

台灣國語 = 北京話 ，無需互相學習能互相溝通就係同一種語言

如果你有接觸過台灣人就會明白：

國語 = 國家語言
國軍 = 國家軍隊
國歌 = 中華民國國歌
國字 = 中華民國寫緊嘅漢字

喺台灣講「唱國歌」，唔會覺得係「唱中華人民共和國國歌」

係以自己國家「中華民國」呢個國家為出發點去講

如果一個台灣人想表達「唱中華人民共和國國歌」，會直接成句講「唱中華人民共和國國歌」

同樣道理，如果香港人想表達台灣人講緊嘅語言，應該成句講「台灣國語」，如果只係講「國語」，其實就指緊香港國語「粵語」


日本都會用「國語」來代表日本語






至於點解香港傳統上會叫「台灣國語」直接做「國語」，我認為係受國民黨影響。

香港老一輩雖然覺得自己係中國人，但個「中國」係指「中華民國」，當時國民黨喺香港好強勢，香港人會掛滿青天白日滿地紅旗去慶祝雙十節。

咁佢地大中華思想覺得自己係中華民國人，咁佢地用國語去稱呼「中華民國國語」都好合理

但現今環境局勢都轉變咗好多，香港同台灣都愈來愈本土化，係咪應該反思吓用字，而唔係停留喺「講開就繼續講」人云亦云就算呢？

其實我都想講
北京話同廣東話，上海話，潮州話無分別都係方言
而普通話係一個4聲拼音既語言
姐係英文，澳洲口音同英國口音

嗯，你講嘅都好正確，我多少冇考慮到。

你最後講到，因為本土化字眼上要有改變，
嗯，你有冇建議？可以慢慢打。

其實ching都講得有道理
共產黨用北京話取代方言當然係唔應該
但我覺得中國作為同一個國家最少要有一個共同嘅表達方法
正如共產黨存在之前中國本身都有"官話"
就係方便不同地區嘅人可以最低限度上明白自己嘅意思
英國人嚟香港都以英文作官方語言之一，共產黨set一個本國共同語言本身亦唔係錯，因為佢地要方便國內溝通，之所以係北京話只係首都係北京，唔關支共陰毛事
正如你上面講，唔同文化逐漸消失，無得交流進步。但如果兩地語言不通咁都好難交流嘅喎，如果普通話唔存在，川菜，京菜，粵菜唔會全國開到成行成市，香港人上支國(你應該唔會)都唔會咁易同本地人交流到
普通話算係外國人嚟了解中國文化既easy mode，唔係你一嚟就要學中國100+種語言點玩(除非香港真係獨到咁當我無講過)
通用語嘅存在本身既然無問題，咁你嘅論調只會令反赤化俾位人入，因為"標準語"嘅存在係有必要，個問題唔係北京話同普通話嘅叫法到，係關支共想取代各地文化唔俾香港人講廣東話事，支共一日係到香港一日都會赤化
利申完全同意樓主對普通話/國語/北京話嘅評價，但我唔覺得北京話唔可以做標準語，亦唔覺得叫返北京話會有咩正面作用

普通話本質就係北平話京調，有哂紀錄。

廣東話，上海話，潮州話、北京話
事實上只係用語源共通的獨立語言，
由用字、發音、到文法都可以唔同，
正如唔可能話日耳曼語族下德語、英語、蘇格蘭語，
只係口音分別掛？日文、越南文同韓文又要變中文？

只係共產黨要屈廣東話係方言，
對等普通話即北京話都係方言。
佢話北京話係語言，咁廣東話，上海話，潮州話都係語言。

其實由依個角度將國、族分離，
一國不止一語，一國不止一族，
由依步開始總比直接去中国化，
容易係香港現時社會令人接受。