同男朋友拍咗拖年幾,佢上次拍拖已經係七、八年前(佢大學嘅時候)。我有時會問下佢ex係點,會問下邊個靚啲呀,有冇親密行為等等,佢都會答啲無謂嘢帶過就算,咁我又冇話好想要知道,所以就算數。我一直都以為係女人。
我不嬲都唔會check男朋友,不過尋晚幫佢申請啲嘢,要入佢email,整完之後八卦睇下,睇到佢以前send啲email,發現原來佢個ex係男人......仲有閃卡,互含互打嘅片,我男朋友仲要係零仔嚟
我好驚訝,亦有啲接受唔到。究竟佢而家係咪真係真心鍾意我?定因爲到咁上下年紀要搵個人?我對呢份關係係認真的,亦希望同佢白頭到老。
我好亂,佢未知我知,我應唔應該問佢?定扮唔知?