女仔通常知唔知道男仔溝緊佢

屈個女仔請食飯？
似搵笨多d

係掛我都唔知
我由頭到尾都唔知

佢成日都話我係男人 咁多異性入面只係同佢打(目測佢對其他女仔好似正常小小) 會捉手 箍勁 起腳 踩 彈頭 搣手腳 好似係用盡全身打咁 有時真係瘀左

我同我啲friend 都係咁...
成日俾佢地打，但好明顯大家當對方係兄弟
真係有興趣，啲身體接觸唔會太多，佢亦都唔會捨得咁大力打你
最多輕輕拍下面、摸頭、打下手臂
通常我俾人打瘀都係同啲「兄弟」玩先會打瘀

再重申多次我係絲先

真心...係咁串，睇見你就想走唔想re

清楚晒 感謝絲

女人眼中所有男人都溝緊佢，睇佢簡邊個咁解

應該我呢啲男仔好少有，講到咁岀面我都get唔到

一定極傷心

A0?
點解你會get唔到

但都唔可以根據哩啲位睇佢鐘唔鐘意你
始終個個人都唔同，但唔好踩咁深住啦
免得發現佢真係唔係鐘意你，你出唔返黎

近排有個男同事唔知係咪對我有啲野定係照顧妹妹咁....
佢有時會話掛住我 成班同事有活動 都會睇下我去唔去先再決定join唔join
知我驚凍成日借外套比我 又會幫我頂酒
但唔會幫其他女同事
不過佢又唔會點whatsapp我 唔明佢想點

掛住你都講到出面喇

一係就個人flirty一係就對你有意思
你睇下佢個人本身似唔似flirty嘅人
同埋仲有冇講過其他曖味嘅說話
如果佢冇講其他曖味說話，掛住你呢句就似忍唔住衝口而出

唔點whatsapp你可能係想追你但驚太突兀/太chur

佢本身係有啲flirty ge
只係對住我 好似特別flirty
成日講到我好重要咁
除左把口 佢平時都對我好好
成日幫我買飯 又唔肯收返我錢
知我唔舒服 會逼我快啲收工返屋企
有日做野好唔開心 佢勁快注意到 問我做咩事
氹左我勁耐



但其實 佢有女朋友

本身都冇野 哩種相處方式就黎一年 好似慣左 知道唔想踩咁深 但有時又好似自欺欺人咁

狗公喎

係我最近既經歷，係一撚定知，但係扮唔知

問多個
以前上網識過一個男仔
初時就約過一次睇戲wtsapp傾下計咁
跟住我跑開步 佢成日就問我幾時跑 又話一齊跑
其中有次荃灣跑入深井
會行到好埋 又成日嗚低身聽我講野
又問我有冇女仔介紹比佢
但有時又話未想開始住

到中後段講野都flirty 話去公幹叫我唔使掛住
成日good morning good night都不在話下
又問我返工未收工未食野未訓覺未
又幫我改花名
佢知我有人追 就叫我要保護自己相處多啲先
又話對我又信心咁

但因為佢做保險 我分唔到佢目的係咩
我男朋友就話佢一定係追 我fd就話唔會 可能係想開單
大家覺得點

係嗰陣中學雞，自問未係好靚仔，人地又係品學兼優女神，邊估到自己咁易追到

有毒仔暗中幫我做左唔少野，問返佢點解咁做既時候會有時會衝口而出話要照顧我又話為左我先咁做。我病會主動關心，睇到我唔開心又會問下我。平時除左對我會笑住咁講野之外，對其他人都唔太會。
但係又唔太覆我message，whatsapp有時會已讀不回，雖然有時會一回回好多。佢又唔太講自己既野，又唔會問太多我既私人野。

究竟佢想點，佢真係好識玩

咁唔怪得你啦，你話拍過拖咁都get唔到就難說服啲

我覺得佢係追你，又係嗰種鍾意你又扮唔係嗰種傲嬌男 (因為佢問有冇女仔介紹俾佢同話未想開始住，但佢嘅行為係對你有意思)

佢追你嗰陣你未有男朋友？