今屆DSE英文Reading

啱啱貪得意做咗B2 之後搵唔到答案
其實篇野係講緊啲學生只有做刷鞋仔先可以提升老師眼中既地位，同時反映緊社會
之後又講佢老母周圍同佢啲鄰居講佢有幾好 搞到佢好大壓力 要扮有佢老母所講既優點
但同時對佢老母讚佢又有虛榮感 呢個就係所謂既conflict

睇完最後面嗰段 個故事豐富左

作者以前做班上面既叻仔乖仔
雖則內心有啲小百厭(燒死螞蟻)
但其實總體而言係個好人(蝦完人見到人地唔開心，自己就唔覺得爽)
後來開始反叛期 嚮往做衰仔
甚至三番四次嘗試做衰仔既滋味(喺課室點火，被懲罰之後覺得成為班中英雄)
之不過 內心既好人乖仔特質一直驅之不去
同媽咪鬥氣 作勢離家出走 俾老母拋返轉頭 次次都走唔遠
知道媽咪心目中自己係個乖仔 媽咪對自己品學兼優好驕傲
不過最後嗰句 始終認為自己做乖仔「冇用」
做衰仔先好
充滿內心矛盾同埋plot twist既空間
唔知之後點twist 唔關個考試事

利申個人解讀，篇文啲難字一隻都唔識，全部靠上文下理理解

篇文係就係冇咩高深哲學，只係一個同考生差唔多年紀既後生仔既心理角力
冇先正常，一向HKEAA都係中文閱讀有大道理
英文閱讀就傾向係小品，只求你睇得通睇得明，冇需要你get到咩大道理