有朋友同無朋友，有咩分別？

同班朋友中學識，由中一玩到宜家，不過升左唔同U，無得好似以前咁日日見，一d以前唔會發覺嘅問題出晒黎...

中學嘅時候約佢地出街已經好難，簡單如出去食個飯，佢地都有千百種理由拒絕。差唔多每次都係我開聲約，但佢地大多數都會推。宜家升左大學，想同佢地sem break 去旅行，明明一早講好話6月去（呢個旅行由我地中六畢業講到宜家都未實現），一個就無啦啦甩底，話要同莊員去；另一個又話撞左同屋企人去旅行。

佢地會自己約出黎玩，只不過從來都唔預埋我咁姐

其實如果大家無心交往咪出聲囉，點解同我相處嘅時候好好地，暗地裏又唔點理我咁呢？其實係我太鑽牛角尖定點？？？

我唔想猜度佢地，但每次都俾人reject，其實好難受

唉，但係有時搵佢地傾心事佢地又好似好真心咁...最大問題係我係大學都搵唔到知心人

證明你喺佢地心目中其實冇咩地位 定喺你自己問題/做咗啲咩令人地要排你 亦可能係耐冇見 已經冇以前咁close 所以先唔想理你

以前班中學老死上咗u 感覺大家距離好似愈嚟愈遠咁 又好少見 依家直頭極少約出嚟

同感
我大學係外國讀書 諗起當初要走個陣個個都喊晒
仲話要成日skype 啱啱幾個月係有幾次嘅
但之後係group問有冇人skype 個撚個都已讀晒
得番幾個係仲會keep住skype 而家真係知道邊啲先係真朋友

咁面對寂寞你地會點做？搵新朋友？有咩方法令自己唔好成日因為人際關係唔開心？

講真 人地唔想搵你都冇謂搞到自己咁cheap 冇需要唔開心 返學返工總會會到新朋友 知心朋友兩三個已經夠 始終人會成長 舊嘅去新嘅嚟 呢啲朋友先係陪你一世嘅

明白了...多謝你