沈陣營第二百一十五期 － 挾高不能算輸

下一隻啦，冇計，買股票長揸重有一個老散包括我嘅毛病，「隔離飯香啲」，見到人哋嘅股票升自己嘅唔郁就想換馬，之後隻股突然爆發，以前我就中過福壽園，係個銀行佬介紹佢自己都有重貨，結果磨足2年冇郁，我仲蝕放嘅，今日升咗倍幾

股神拍檔Charlie Munger就講咗，「賺大錢嘅秘訣不在於買進賣出、而在於等待」

自己諗吓都係，有息派，冇大蝕水，唔升咪唔升(或升得慢)，基本因素冇改變咪等吓，靠股息利疊利就算唔升，5%長時間回報都可觀

所以本嚟想走咗隻6，諗諗吓穩定派5厘息比我，雖然估計業務增長唔會有乜大進展，數量唔多咪由佢擺，好過買買賣賣

股市從來都係try & error，後悔多過賺錢，我已經習慣咗，錯過就算，機會從來唔缺

Trial & Error **

黃國英: 信報 英眼狙擊

沉迷佛系口水Put 蹉跎歲月食穀種

同樣是著名淡友，一個已經垂頭喪氣，千夫所指，另一個卻氣定神閒，香火鼎盛。Presentation是有少許分別，更關鍵原因是前者一直建議用衍生工具落場造淡，大市升足3個月，信徒財力如何雄厚，也捱不住這種折磨。

反之，後者一味得個講字，永遠強調耐性是美德，頂多建議買些黃金，還要極細注分段進行，雖然大升市無得贏，但不外乎打個和。

經此一役，口水Put應該登堂入室，成為睇淡評論員的王道。睇淡的確可以唔造淡，如果睇中大跌而無買Put，是錯過了逆市贏大錢的機會，問題卻不大，因為手上保留的現金升了值，何況睇人折墮最開心，精神勝利更重要。

以目前形勢發展，口水Put看來會成為一個宗教，正式是無為而治，得個等字，恒指一日未見4位數，也不必心急行動。信徒資金永遠無寸進，實戰經驗值永遠是零，唯一熟練的功夫，是上網搜尋壞消息，以及外國末日主義同道中人的言論，幾十年人生，隨時就在口水中度過。

相反，睇好卻一定要造好，睇中無買，心儀股票大升而無份分，是絕對無法接受的失誤。升市之後，整個社會財富增加，原地踏步，即是比之前相對變得貧窮。淡友是一樣無份贏，但他們從來無意入市，根本無資格去分一杯羹，當然無所謂。

人各有志，選擇作為行動派，抑或半生口水Put，視乎本身的信念，那麼就敬請河水不犯井水，勝負數簿，還是留給當事人處理就算，外人無謂指指點點。作戰經驗值接近零的朋友，是不會明白實戰中必須經歷的痛苦，雖然說當事人理應笑罵由人，但損人不利己的事情就無謂去做。

今年行規要贏兩成半，才勉強叫得做中上，壓力可想而知，口水Put信徒食穀種，依然一派悠然自得。無論肯冒風險的程度，投入感及回報的要求都有天淵之別，怎可能相提並論。

過去十幾個月的最大體會是，道不同不相為謀，資產恐懼症根本是絕症，量化寬鬆製造出超級貧富懸殊，縱然不公平，部分也是個人的選擇使然，放棄戰鬥不設法自保，日復一日等資產大爆破，實在恕難認同。

豐盛金融資產管理董事

6我都有貨
為左避免隔離飯香影響心理
我個倉8成都係etf
揸得好舒服
剩低2成係仲未走得到既蟹貨
當D蟹貨鬆到既時候會再轉埋etf算

直接大巴車埋去師父塊面喥，英國皇帝好撚串，師父落簿遲啲沈判佢

good 簡單啲講，財富揀三兩隻好股之後唔係炒返嚟嘅，係靠坐返嚟嘅，加上利疊利效應就得

只係我叫做上咗岸，對追求更多財富興趣已唔大，只作為遊戲同腦力訓練，喺喥吹吓水

家吓實驗長短倉操作，致富倉唔理佢，就用富途戶口嗰10萬短炒，之前求其買咗2手808壓倉嘅，總之將贏到嘅利潤買埋落去，睇吓咁效果又點?

佛系口水Put

串過碼頭咕喱

大佬們點睇66同12, 地產股仲有無得諗

我覺得呢篇算畀面wo 讚CFU香火鼎盛
只係講道不同不相為謀

“同樣是著名淡友，一個已經垂頭喪氣，千夫所指” 講緊邊個？江湖淨係識CFU一個大淡友

呢喥冇大佬，全部老散嚟嘅

12我核心持股，不設止賺止蝕，除非基本因素大改變，66舊年已走晒，將回籠資金入晒樓寶1

我都想知指邊個?

冇協議內容冇得估，我覺得呢啲消息同肥金17年猛射飛彈一樣，太多次市場麻木咗

4位數
可能dr ng
聽講佢地都有少少過節

芒格奇材來
老畢自認冇佢咁叻
諸葛亮之於劉備

口水put宗教
頂你個肺唔係講沈門掛

3918我又係咁，恨錯難番...
最緊要好似你地話千祈唔好大輸，咁就一日仲有機會

肯定唔係沈門，公海就大把，我好現實嘅，無論分析到飛天又好，講到自己點股神都好，冇事前貼倉冇參考價值，自己都冇落注，分析嚟把撚啊，玩口水不如做其他嘢有益身心，例如跑步，起碼人健康

你話miss咗錯咗唔係重點，二師兄張睇跌大期輸緊嘅，不過無損我認為佢係本門期王嘅稱號，玩嘅係真槍實彈，輸贏總會有，冇問題！有賭未為輸也

贏就贏
輸就輸
不接受現實咪落得幾廿歲人做租租硬掘收老底嘅下場囉

總之一個老散網絡游魂吹到自己神仙一樣，冇事前貼倉支持佢睇法，一律唔睇/買佢對家/唔睇好嗰啲

我買將睇升期指，然後又買張睇跌期指，爆邊拎嗰個倉出嚟，屌你老味嘥氣

我以前請嗰個雜工，好鍾意講馬，經常中頭馬，個個當佢馬神，後嚟有個伙記話投注站見到佢買，一場買9隻win,跑完就拎出嚟同工友認叻，都唔知乜嘢心態