[開心速遞]熊若水龔燁 供水線集中討論區（35）

曹總追水水記得早在大概十幾集嗰時已經開始，佢真係痴心長情劍

唔滿意今集=只鍾意甜蜜肉麻骨痺劇情係打稻草人
今集主軸"假扮追水攞著數兼公開" 完全冇問題 但劇本執行有好大問題

龔水經歷咗咁多事 阿水點可以輕易講分手 啱
同樣地 經歷咗咁多事 阿龔仲係一個自把自為 唔會站在對方立場思考嘅人 因為自己係聰明人 因為出發點係幫你 所以合理化自己所有行為 你唔滿意就係你蠢你小氣 (見到有人話阿水衰過度自信 excuse me????) 如果條路自己揀 仆街冇得怨 但今集阿水完全冇話語權

為咗戲劇效果無限放大阿水貪小便宜嘅性格 但無視阿水要面嘅性格 無視阿水重視誠信嘅要求

為咗戲劇效果中間有一萬次可以坦誠嘅機會 喺餐廳 喺𨋢 喺尋寶圖 但唔比人踢爆都唔識死

為咗最後"講分手"嘅戲劇效果 角色嘅行為完全唔合理 處處矛盾
阿龔諗到win win win win最後衰喺張送貨單 on9
餐廳提到車位同tiramisu 阿龔都冇咩反應
睇唔出阿水呻完之後阿龔有煩惱到點解決
最後聽到阿水話分手先衝口而出係為咗阿水想要嘅車位
成個反應似狗急跳牆搵藉口

睇完今集最失望嘅係
原來
兩個角色經歷咗咁多野都冇成長過
中間300幾集好似白寫咁

呢集我比負分
以上個人意見

所以覺得編劇為左戲劇效果用力過猛，其實龔水cls之前唔係冇拍過，麻雀王豔照同選戰我都好鐘意，但最近522 547我都麻麻哋，有啲位會睇到忟

不過細細聲講句，最近其實唔止呢條線用力過猛，整體都去到好盡

自從開心速遞受關注後 要顧及路人/家庭觀眾嘅口味 其實都明白劇組點解要咁做嘅 好似琴晚咁 我睇到忟忟地 但我全家人都笑曬...536我覺得好甜 但佢地又無咩反應...所以 好難就曬兩邊嘅

+1
一般家庭觀眾既目光只係在乎搞唔搞笑。
拍浪漫鏡頭如果拍得多又會俾佢地講得悶。
但係CP粉既目光黎講緊係想佢地多啲表現到對對方既愛，唔好下下踩油踩到咁盡啦。

相信編劇本意真係想話阿龔係為左個車位先咁做(為左水水)
(憑佢天台自白既時候播既背景音樂就知，如果係吹水一定會播埋哂d on9音樂，唔會咁認真，相信嗰一句真係出自佢真心。)
但鋪陳做得太差，完全做唔出呢個效果。
反而令人覺得佢係講緊藉口。

我就係想講依件事
Sorry...講得唔清唔楚

hi A1車位絲

同意劇本執行有問題
橋我覺得係ok
但呢集應該放大寫嘅細節冇寫到（阿龔唔為錢係為車位）
啲小枝節同埋問題癥結就放大嚟寫（阿水欺壓男同事）
性格方面嘅話，可能係因為劇組太追求喜劇效果
冇從宏觀角度睇呢條線

作為普通觀眾，呢集係好笑
但當你代入阿水角度，如果知道自己男朋友喺自己畀人玩嘅時候仲玩埋一份，好似翹埋雙手睇住自己畀人恥笑，作為絲會覺得有啲接受唔到
起碼唔係男朋友講一句為咗車位就可以下啖氣
天台攤牌部分係呢集處理得最差嘅位
不過講真，處境劇就係求輕輕鬆鬆笑一餐，劇組以誇張劇情同營造喜劇效果為本都可以理解
加上處境劇本身就會放大啲嘢嚟講，呢集又明顯唔係認真劇情，唔需要太認真看待嘅
總括嚟講，對呢集無感
係睇多幾次之後覺得阿水原諒得太快
既然要秒速反cup，就唔好去到分手咁盡

我淨係loop到尋寶圖示愛果part同阿水笑router果度...天台果度直接飛

天台既話都有位loop既
loop嗰句"你好賤呀!但我鍾意"就得

Hi~
你最後有冇畀terpe搶走呀？

我等緊編劇話我知啊

最後聽到阿水話分手先衝口而出係為咗阿水想要嘅車位
成個反應似狗急跳牆搵藉口

睇完今集最失望嘅係
原來
兩個角色經歷咗咁多野都冇成長過
中間300幾集好似白寫咁

但呢集應該放大寫嘅細節冇寫到（阿龔唔為錢係為車位）
啲小枝節同埋問題癥結就放大嚟寫（阿水欺壓男同事）

作為普通觀眾，呢集係好笑
但當你代入阿水角度，如果知道自己男朋友喺自己畀人玩嘅時候仲玩埋一份，好似翹埋雙手睇住自己畀人恥笑，作為絲會覺得有啲接受唔到
起碼唔係男朋友講一句為咗車位就可以下啖氣
天台攤牌部分係呢集處理得最差嘅位
不過講真，處境劇就係求輕輕鬆鬆笑一餐，劇組以誇張劇情同營造喜劇效果為本都可以理解
加上處境劇本身就會放大啲嘢嚟講，呢集又明顯唔係認真劇情，唔需要太認真看待嘅
總括嚟講，對呢集無感
係睇多幾次之後覺得阿水原諒得太快
既然要秒速反cup，就唔好去到分手咁盡

阿水去到講分手其實會唔會係想暗指啲港女郁啲就會將分手掛喺口邊，然後畀人氹兩吓就冇事
呢集最大問題都係個鋪排1999

同意，正如428普通觀眾覺好睇好笑

覆埋呢次就唔再loop等週四
我強調多次
話阿水衰係過份自信，係因為阿水呢個特點，係有份導致到之後咁worse 嘅situation，成件事若，佢降翻啲她那過份自信心，龔燁就會真誠咁同佢講，成件事就會發展到好perfect
當然阿龔係負上最大責任

阿龔自把自為係佢特點，但今次出發點真係從女友出發，只不過係present得唔好，同埋比起未拍拖，我覺得佢已經叫做好少少，起碼佢之後再有同水講話咁做其實係為咗你，只不過，又係個句，龔佢present得唔好姐

也許阿龔可以坦白死士們嘅計劃，呢個位我同意嘅，阿龔呢個位應要坦白

但真係有必要咁坦白同阿水講”喂其實班男人好撚唔妥你，亦唔係好似你所言，追你嘅男人多不勝數”
可能就係因為自己女友係度自high，根本唔聽人講，先唔忍心打破佢美夢

呢個位，我個人係可以接受，阿龔呢個小小善意隱暪

因為自己係聰明人 因為出發點係幫你 以此黎合理化自己所有行為 你唔滿意就係你蠢你小氣

呢種人好乞人憎
我唔希望阿龔人設繼續向呢個方向發展

要俾D時間阿龔學識同女朋友相處 佢（睇落）咁少經驗... 今集之後佢應該明白水水發嬲係會衝動到講分手...

講真，我覺得，阿龔算進步咗好多，

以前嘅話，連𨋢度都唔會話做戲，天台度唔會「解釋」，之後更唔會cafe嘅對話。最多食哂你嬲就算啦咁。463之後係多咗肯解釋/同阿水講一啲諗法/事情。可能呢啲位對正常人嚟講好微不足道，但都一個唔信其他人成廿年，依家先正式放低包袱，開始學返打開個心嘅阿龔嚟講，我諗已經好大進步。

同埋，如果阿龔一拍拖，就即刻改哂以前嘅缺點，人設會唔會跳得太快太完美，尋日嗰集唔係好好，但只要唔後退，劇情上寫慢慢學返點同人交心相處（唔止女友）係可以接受。

留名
依家睇返琴日集供水

係要俾時間佢既，
開心速遞仲有排做啦其實。
唔洗咁急既，
阿龔同水水既路仲有好漫長。

係噃，今次重可能可以令大小姐下到小小氣，唔會嬲左水水。因為覺得今次水水做到野

我反而好想知, 究竟龔燁響OFFICE表白嗰幕係真心定係做戲.
如果係做戲, 咁成件事係CLS
啱啱蟹LIVE有人問呢個問題, 佢話係拍愛回家, 所以係做戲. 咁即係龔燁係做戲? 唔係真心表白?
但好搞笑, 龔燁跪嗰幕, 原來阿叔有句: 咦, 你拗柴呀

因為啲人估唔到真係要追咁耐 所以以為佢地已經唔會成事 而啲親蜜位又變左見慣不怪，所以再做到幾親蜜都無感覺了。
所以最後龔生先要去到咁盡，要跪地求愛