VAR（視像裁判系統）近年於球壇興起，去幫助球證作出正確執法。今季英超仲未有VAR嘅時候，中超甚至中甲已經全面應用。但有VAR，唔代表判決就會正確無誤，估唔到最後仲瘀出國際。日前一場中甲賽事採用VAR，國內裁判人員竟然用張白紙去度涉事球員有冇越位，睇咗成分鐘仲要判錯。正所謂醜事傳千里，連西班牙《馬卡報》都寸「最獨特的VAR在中國」，今次堅要搵窿捐。
去年中國足總為中超引入VAR，去到今季連次級中甲都有得用，相比起世界球壇，中國足總的確走得幾前。但始終系統都係由人用，如果處理人員質素唔夠，最後都係枉然。呢場賽事上海申鑫對黑龍江，黑龍江右路出波，禁區球員頭槌攻門被門將擋出，另一球員補中，旁證舉旗示意越位。
球證依例利用VAR再睇當時情況，只見VAR助理裁判睇片時，竟然搵張白紙去睇涉事球員有冇凸出身位。其實只要睇番慢鏡，一眼就睇到無論係傳中嗰位，抑或係頭槌攻明嗰位都冇越位；但佢哋用晒白紙輔助，最後都覺得係有越位，令黑龍江合法入波變食詐胡，最後輸1:2完場。
呢件醜事好快傳遍國際，無論西班牙《馬卡報》同《阿斯報》都有報道，《阿斯報》就話「VAR在中國難以解釋的運用，用一張白紙決定越位與否」，《El Larguero》就直接用「VAR，中國製造」去寸爆國內兒戲做法，真係好肉酸。
白紙都得，不如用賓周啦
