幫個fd解脫果陣真係好驚
事情係咁既
請大家小心呢個髮型師
佢話自己幫人染頭染左十幾年，但我地之前傾好染粉紅色佢冇經我同意就染左做紫色，仲要d色一日我冇洗過頭就掉，後尾我啦啦臨搵佢補色(仲要係俾錢補色，佢死話我係洗頭先掉色），諗住染深粉紅冇咁易掉，染完先知佢又冇經我同意染左做灰色，我心諗：wtf？！
仲有，上次我漂頭，佢d漂髮劑就好似唔洗錢咁pat落我頭頂到，話左好痛佢都話係正常,最後發現染到我成個頭留血仲要勁多疤痕，原來咁叫正常？我之前染咁多次都冇試過咁既？
琴日染頭我同佢講上次染到好多疤可能有d疤硬化左留係頭發度，佢話個d唔係疤係頭皮🌝🌝你有見過紅色既頭皮？？
琴日話染深粉紅你話冇問題，染完變灰色我問唔係染粉色咩？佢話我個頭唔夠白上唔到？？（其實我個頭超白加上d色掉曬一定上到lo）仲要後尾先話冇紅色染料what？？你唔可以早講？？
後尾話一齊係附近買染料再返黎salon染，好，但出左去又話附近d店關曬要去佐敦，話買完一係上返salon染一係上佢朋友係附近既salon染
點知買完佢話驚打攪到原先salon同事同佢第二間salon既朋友,就話要上時鐘酒店染
我不停話唔得，佢又話我唔信任佢，又威脅我話我講左染粉色唔可以中途轉色同埋浪費佢時間
咁我一聽到去時鐘酒店我就不停話唔可以，我原則問題
佢係咁話我當佢係個種人，我話唔係係我自己唔上得時鐘酒店，但其實我心裡面係霖：係呀我係當你係個種人呀點呀
後尾經過我地1個鐘既糾纏同埋我拒絕我終於走到，佢臨走仲要問我識唔識人影大尺度既相，後尾問返佢係指裸體相同內衣相🌝🌝🌝
*此人已blok希望看到的大家要小心此人，此人最近經常出po招髮型model
