[開心速遞]熊若水龔燁 供水線集中討論區（34）

睇完預告就更加期待聽日嗰集, 愛面子嘅水水衝動成咁, 唔知驚聞分手嘅阿龔要點自救呢?

其實Peter諗埋呢啲橋嚟玩人真係幾衰, 以前覺得佢老婆走佬又炒燶股, 真係幾慘, 但宜家覺得佢老婆飛佢飛得好啱~ (或者我黑心啦~ )

愛回家Style FF唔跟劇情走係好正常
不過只要阿龔個心跟本係想用呢件事嚟公告天下就一定會比佢兜得返

其實驚又好唔驚又好，期待又好擔心又好心痛都好，都係重視對cp同套劇嘅心情嚟，係咪唔需要太過糾正其他人嘅諗法同感受呢，多元啲幾好吖，新朋友仔都容易啲發聲，多啲人入黎一齊傾

蟹蟹啲唔開心戲做得咁有感染力，我係有啲期待睇水水被虐 等聽日心痛佢

咁又連返信任問題，究竟有幾嬲，火遮眼到唔信阿龔，嬲到解釋都唔聽？

阿水係衝動，但之前群姐屈阿龔去一樓一，阿水都無不分青紅皂白，但今次搵到張紙就直接判死刑？

Terpe等人此時既OS:好慘，好兄弟!!辛苦你啦!!!陣間餐茶我既!!!
龔燁此時既OS:好爽，好兄弟!!多謝哂你地!!可以避過鐵面陳大條道理係電梯談情～

我估張紙係寫晒阿龔要做乜做乜(lift+尋寶圖)
阿水係未知道真相開心咁以為阿龔公告天下好窩心
最後見到張紙以為阿龔玩佢上天台掟返紮花俾佢嬲爆話分手
然後阿龔嚟個終極反cup

但我總係覺得應該係天台之後先到尋寶圖嗰一幕?

最大問題係好玩唔玩玩感情

我睇過一單新聞有個外國男人扮車禍死咗呃女朋友去現場，個女仔以為男人真係死咗喊得好傷心，個男人突然彈起身原來係求婚驚喜，但女仔知道後無應承反而即刻分手...個女仔話就算事後知道係假，被人呃當下所受嘅傷都係真，佢唔可以忍受自己嘅未來老公專登令自己傷心

雖然未到扮死咁極端，但明知會hurt到水水何苦要咁做呢

我始終相信龔燁唔會同流合污
否則之前係果兩個藥房女sales 面幫女朋友出聲屌就顯得唔make sense

聽日嗰一集應該係講阿龔因為好多原因，
所以被逼執係呢個計劃之類，同埋可能邊執行已經邊諗計拆，但一時之間仲未諗到。
最後想提水水，但又因為好多原因而猶疑，結果造成呢一個局面。

不過從水水角度睇，因為佢唔知道背後既原因，
可能當時只會覺得佢有份同人一起玩自己，因為要面又貪玩，想睇自己出醜，所以先咁做。
以佢咁火爆既性格，真係爆句＂分手＂都好理解既。
有時火遮眼既野真係好難講。

其實睇文字劇透都知道阿龔無可能同流合污啦。
答應做死士應該都只係因為一時諗唔到計拆，
所以由自己親自做追佢既嗰位，諗住頂住先，再見步行步。
後尾想通水俾女朋友知，
但又因為好多原因（文字劇透話驚打擊佢自信之類）而卻步，
最後未拆完個彈就俾水水發現左咁解。

未到真係播都唔知 可能真係尋寶圖放後都唔定

我認為係尋寶圖先因為阿水句：而家全公司都以為係你啃咗我呀
要咁嬲咁講呢句除咗係lift度壁咚應該似會有示埋愛所以先hurt得金啲然後嬲爆講分手

同埋硬係覺得最甜嘅位係唔會咁快放出嚟

×2，我都估有機會跪地認衰仔兼公開

現實總是計劃趕不上變化.
我諗水水衝動到講分手都係阿龔始料未及嘅情況. 情侶之間有啲小風波都好嘅, 促進彼此了解嘅方法之一.
希望阿龔拆彈拆得靚啦~ 等大家學吓嘢嘛~

有諗過係龔水兩個夾埋做戲玩返佢哋

跟住就整個深情告白作反cup

龔燁，落重注買你贏㗎，咪令人失望啊

佢地係最快嗌交既cp

無嗌交，係阿龔俾阿水鬧啫

想睇垂頭喪氣柴犬樣扮可憐同媽呢空道歉

今次佢有計劃自殺啦
等睇自殺完滿血原地復活

嗱今次我先撐佢
拍拖後嘅龔生好愛惜水水
今次我信佢㗎