做咗旅遊業（領隊/導遊）五年，你問我或者識答

原來咁好揾

Ching好波，條撚樣on9既，唔洗理佢

可以指定飛去歐美加嫁，岩唔岩你心水，收錢去歐洲玩呀

想知道如何俾說話d 西客聽而又不會令氣氛尷尬

真心覺得呢份工會訓練到口才 樓主可唔可以分享下心得

當見識下㗎咋， 正職多假又唔難請

唔使口才好,初初入行個個都會驚同唔熟
出得團多跟得多上邊師傅同大陸導遊,自自然就識串人,
做依行口才唔係最重要,我認為最緊要唔好怕醜,
唔驚比人話同一定要問.
因為成團有咩問題所以團友或者公司第一個搵你,
出團前要起碼望望你去個個地方酒店,
酒店附近有無便利店有無宵野食你都要知,
試過剛剛出團有個客問個個地方有咩特產,有咩地方有夜生活,比個客問到咩都唔識咩都唔知,比人覺得唔夠專業,到時收小費你就知過分別係邊.
有FD成日覺得做領隊好似就係免費旅遊,其實唔係囉,唔好抱住依隻心態入行.

巴打做領隊之前好多旅行經驗？

啱啱做新仔有冇咩蝦碌嘢分享吓， 我imagine係會好多程序嘢唔熟， 我指同guide/酒店/ 餐廳 / 景點/ 主題公園 接頭係會一頭霧水同自己旅行又唔同， 有時有d突發嘢會唔會有個contact俾你問

無咩經驗架，個陣時做緊 IVE仔搵兼職，陪屋企人去左轉旅行，毒毒注定單丁香港領隊同房，吹吹下水問下佢工作野，個時心態就同大家初初一樣覺得免費去旅行未返到香港去考個牌囉⋯
我記得我第一團去盤龍峽（唔知邊屆港姐去個到取外景），旅行社話搵個有經驗大陸導遊跟我，比我熟識下流程，點知去到見到個導遊同我一樣都係PT同我同年。
佢比我好係佢係第三團
未出發架車已經有問題，首先我個團接近三十人，當時復活節上邊唔夠車用，比架剛剛好夠咁多個位架車比我，我同個導遊一個坐司機位隔離一個坐最後個排中間個位
之後架車中途係山路又壞左一次
最後返廣州長隆個師傅外省人唔識路，又趕住去睇馬戲，嚇死
不過都係一個幾好經驗，其他團都有大把搞笑野，有時班客搵我都會想起個團做個咩

酒店機票主題公園都係跟名跟飛拎，唔算話特別難，有時個導遊做埋都唔使理

分享多一團
試過出韓國，個導遊係香港人黎，不過唔識講韓文
問佢原本佢係日本導遊，個時福島核電廠個單野所有日本團死晒，係日本無野做走左去帶韓國團
一句都唔識講，所以同餐廳地方聯絡係搵佢個日本留學個個朋友用日文講完幫佢打電話同餐廳個邊講，驚到我死
介紹景點明明講韓國講講下變左講日本
好在佢好鬼風趣，講到班客鬼咁開心，無咩事返返香港

咁個導遊真係可有可無喎

又唔可以咁講,你有無信心全程幾鐘頭唔會DEAD AIR不停講野比班客聽而班客係唔瞓
個導遊價值就係依到,佢個個景點都係睇書識少少,不過又可以比佢講講下講番佢強項日本其他野,最後都自己都講唔好意思公司唔夠人臨時拉夫,班客又受

我又唔否認佢係呢d天生嘅演講者， 會氹到人好開心 唔悶

但會唔會欠缺咗少少導遊介紹當地嘅function


當然百貨應百客啦

建唔建議人入行。同埋作為終身職業一直上？

領隊係自己一個一間房定要同當地導遊/司機share

如果有單人，就要夾房，導遊唔同性別，自己一個一間，不過通常如果係男仔，大機會都要夾司機或導游，司機通常都係男

導遊嘅價值就係首咪

當地人駛乜同你一間酒店啊.........

首先考慮家庭

好耐之前報過團
個領隊 (阿叔) 自稱個老婆係佢之前既團友黎
不過最令我反感係佢成日係巴士上面宣揚佢啲政治睇法
又話而家啲後生點點點
我即刻反晒白眼
此後我就唔想再報任何呢啲旅行團

你估個個國家都好似香港咁細咩...有時你自己一個訓, 但間酒店同導遊屋企距離成兩個鐘車, 咁佢就會話同你一齊訓

家陣無乜野撈 都考慮緊好唔好考返個牌 傍身

有興趣可以一齊

【on.cc東網專訊】內地嚴打零團費訪港的旅行團，但禁之不絕。天文台前台長林超英今日(4日)在其Facebook撰文，透露其內地朋友參加訪港旅行團時遭導遊取消原定行程，變成強迫購物，其朋友拒絕後被扣起身份證。林形容「香港旅遊業墮落到令人震驚的地步」，他促當局要徹底打擊此類不良旅行團及導遊。


林在文中直指「香港的旅遊業真的要不得」，稱其朋友向他求助，被導遊強迫每名旅客必須最少花費3000港元，若不從就扣起身份證索取贖款。林為了友人，花整個下午打電話給旅遊發展局及旅遊業議會，但「一點用都沒有」，最後要警察出手才能取回證件。

好似冇辦法改變行業生態

想問下依家旅行社邊間高質d
除左東XX日本團較好
其他都好似差唔多