有感而發之老人家插胃喉

如果唔係完完全全吞唔到野/無左食道
強烈唔建議老人家插胃喉
即使營養唔夠/唔肯食
但只要慢慢餵 比佢慢慢食 食少少都好過插胃喉
插左胃喉無得食野咁生存好痛苦
大家點睇？

家人肯自己用心餵
又明白背後死亡嘅風險就係囉

見唔少家人唔肯插胃喉又唔嚟餵
想夾生餓死老人家

去到要插喉 其實只係延長老人家嘅痛苦
希望各位同自己屋企關係唔錯嘅話，可以問下家人萬一將來對方真係要插喉 希望你地點幫佢決定

爺爺之前中過兩次風，又有嚴重老人癡呆
淨係認得自己老婆

見到爺爺插住胃喉成日想掹出嚟真係好sad
有次真係畀佢掹到出黎，然後屋企人就決定畀佢試下食返野，點知過咗兩個月之後又故態復萌又要插返

睇得出佢真係好唔想咁樣生活落去，但係做孫嘅又唔知有咩可以幫到佢，畢竟佢又唔係我老豆，幫唔到佢做啲咩決定，唯有多啲探吓佢⋯⋯

睇住一個人一路掙扎但係有心無力真係好大感觸，第時一定講定老咗唔插胃喉同埋入侵性急救，希望各位巴絲珍惜仲健康同有魄力嘅親人

利申：屋企夠錢畀到爺爺住啲護老院半私家房，但係好似只係畀錢去延長佢嘅痛苦

跟本人唔應該咁老

你爺爺情況係點？
唔肯食野？定係有吞咽困難？

我呀婆80幾歲 之前都肯食野 而加唔肯食/含住啖飯
試過因爲唔食野入院 入院都係食得小小
姑娘即刻打黎問會唔會考慮幫婆婆插胃喉
我即刻say no
呀婆唔係食唔到 係食得慢 同埋要人氹
一定唔洗去到插喉階段

真係無人會鍾意插喉
正所謂：民以食為天

有心 次次探期個段時間都買野去比佢食
佢食得幾好 係成日食到訓著左
其實我都明呀 我都做哩行
真係好難等個老人家食成粒鐘

咁應該點

之前唔肯食，而家有埋吞咽困難
日日喺張床渾渾噩噩咁

可以試吓加凝固粉 同埋氹下佢食
我總係覺得 佢哋雖然渾渾噩噩
但一定聽到我哋講咩 所以多啲同佢傾計
哪怕是自言自語

係呀 我唔敢評倫姑娘有冇愛心 但確實見到好多都好冇耐性 插左喉就方便佢地做野好多

嗰陣有言語治療師叫我地整啲甜啲既野或者佢本身鐘意食既野試下刺激佢食慾，買左奇異果變果蓉，係有願意開少少口

記住跟番你老人家既呑嚥能力：原粒/細粒/切丁/榨汁/溝凝固粉

個人睇法係如果去到老到一個位係吞野能力退化既話就唔應該插，舒服咁過剩返日子

插喉吊住條命又唔郁得真係好慘.
所以預設醫療指示真係好緊要...
自己條命,自己話事.

單計工作，我寧願佢唔插好過插，方便d 咩？

如果係吞嚥困難，睇完言語治療，話not fit for oral feeding 咁我地會suggest 插，但家人唔肯，我就就唔會餵野食，比盡都係餵藥，仲一定要醫生寫明，因為真係high risk of choking,會死人，如家人屋持要餵竟要自己黎餵，個risk 唔可能由姐姐/護士去take, 因為已經醫學上講明佢唔fit.

插左胃喉既case , 藥又dup 碎，餵之前又要test, 又要怕你拔，出院又要refer 人幫你定期換。 方便係邊

如果係老人家唔肯食野，check 過哂無話因為medical cause eg 發燒，細菌感染搞到佢deconditoning 而唔食，一般都係比d 耐性餵同家人黎餵，呢d case 出院就睇下家人幾有耐性。

我呀婆都係揀野黎食 可能醫院啲餐無味
所以佢成日唔肯食
有時我哋拎啲 重口味啲嘅嘢食比佢
佢都會食 雖然食少少就飽
但食少少都好過完全唔食

我都係咁話 成日覺得插喉就好似吊命咁

係囉正常都要有speech therapist 睇過
先會決定插唔插
我就好奇怪 個時speech therapist睇過我呀婆
無話佢吞嚥有困難個啲
但姑娘都會成日問我地婆婆插唔插胃喉

可惜香港無乜聽過ACP
好想可以推廣出去多啲人做
一發現係未期病患就可以做好打算