公務員房屋討論區

我照申請，但係想知入紙申請係咪要做滿兩年先可以

係

幫人問
本身住緊公屋有名
想排公務員係咪要除左本身個名先？

無錯，要除左名先

咁排綠表洗唔洗除名？

公務員公屋其實係咪計年資排隊？定係點計？

但我打去問過 話2樣都唔洗喎 拎到先除都可以

無錯
所以如果你頂薪係超過point 22
買私樓再拎房津抵玩d

條友放流料

假設如果本身已經上左車, 仲有冇資格排公屋/綠表?

冇

咁調返轉, 攞左公屋後買樓就要交返間屋出黎?

無錯
所以如果你頂薪係超過point 22
買私樓再拎房津抵玩d

頂薪高過pt 25或現時人工pt 22以上先冇得申請公屋/綠表

如果只係頂薪高過pt 22係可以申請公屋/綠表

Pt22 或以上沒有公屋
但照樣可以排綠表呀

早入紙申請有無優勢
eg1 : 兩個人同一日入職，一個夠兩年就申請，一個五年後先申請，係咪前者有優勢 ? 定還是每年重新計?

eg2 : A年資長但遲過年資較短既B 申請，會比邊個先?

申請PRH：
如果你而家住緊間公屋係買嘅，即使你唔係戶主，要除名先可以申請。
如果你住緊間公屋係租緊嘅，成功的話先要除名。

申請HOS：
交申請之前已經唔可以有公屋房藉，要除名先

之前睇鄉土有人無除名，俾人取消左申請

屌 出左信抽唔到

1:每年重新計
2:每年都要申請，今年唔中，下年要再入紙

所以話依個年代白手起家真係唔易

agger

但你拎到間單人公屋，到時有埋小朋友會唔會唔夠住？定到時有得當係濟迫戶，換大屋？

你做政府佬點白手起家

以下係我綜合咗各方面的資料得出的整合，有錯請出聲，一齊研究

公務員服務政府滿兩年便可入紙申請公共房屋福利，申請時要MPS Pt.21或以下，所任職級不能達到MPS Pt.25。分別有公屋及居屋兩種。

每個年度會獨立依據各人年資長短排名，絕非抽籤，愈高年資當然會有較大機會獲得公共房屋福利。

公屋

1. 以家庭申請來排，所需年資比單人申請少很多。以16/17年度為例，東涌新公屋5-6年年資就可獲得公屋。

2. 家庭人數愈多，所派單位呎數更大

3. 可以再拎公屋出黎換居屋，進攻供，退可守

因此，以四人家庭為例，申請公屋是有絕對優勢。單人申請要約三十年年資，即使獲派公屋單位，亦只有一人單位，百幾呎。

居屋

1. 每年申請時會按照你年資長短派綠表，近年較多新居屋將會落成，所以年資較長的同事，空群出動，看最新2017/18年數據，最少都要近十年年資才可穩奪綠表。睇返2013/14年，綠表只要2年6個月年資。每年房屋情況唔同，所以有人會每年入紙搏，搏老鬼果年唔玩

2. 得到綠表後，可在一年內於居屋第二市場購入未補地價單位、綠置居、抽新居屋

3. 抽新居屋 - 都要同街外市民一齊抽，即使抽中了有得揀樓，都係同出面一樣排，綠長>綠核>綠單，所以都係有長者有家庭會比較容易揀到靚同大單位。

4. 如果沒有抽中新居屋，就可買二手居屋，單身人士喜訊，因為你可買不限大小的單位。不過要注意的是，二手居屋有機會按揭年期比較短，首期及每月供款會相應提高。

5. 如果一年內沒有抽中新居屋，又沒有買到二手居屋，來年要停賽一年才可再申請

如果是第一標準薪級MOD，如二級工人，恭喜你！無論是公屋或綠表，都係2-3年年資就會有。所以如果急要樓，做住二級工人拎左樓再內部轉職都唔錯