台劇《我們與惡的距離 The World Between Us》

其實台灣確實有發生過一件類似既案件，可以上網睇下，係套劇裡面都講左話李曉明係冇任何精神病，佢純粹係有反社會人格，加上覺得自己係社會冇立足之地，所以要做d野去引人注目

都係可以咁講。。
但係最後呢件案因為精神鑑定報告指出個犯係殺人既時候無心神喪失or精神耗弱，所以最後都打唔甩死刑

岩岩睇晒6集 真心高質
無論演技 對白 劇本 鏡頭
最深刻係王律師去海邊搵李媽媽
之後一鏡過係推車仔上斜 李媽媽既情緒起伏 仲要爆喊
如果唔得就要重新黎過

ptt喺批評喬安嘅私刑正義，而且你話嘅冇人去幫助佢逃出喪子之痛喺唔成立嘅，佢阿妹兩公婆，news哥，佢個大肚下屬，甚至佢老公都有嘗試去幫助，喺佢諗埋一邊

請問有冇直播link

如果係王赦個女死左佢仲會唔會幫人辯護 唔係發生係自己身上先講得輕鬆 一直幫加害者家屬 點解唔諗下受害者家屬
成日要搵原因 如果係遺傳 基因突變 可以預防咩

佢既努力咪就係為左改變你呢種社會大眾諗法囉 佢幫殺人犯唔係支持佢殺人 而係想搵出成因對症下藥 先可以防止下一宗隨機殺人案 可能係條友本身精神病易受刺激 咁岩有屋企人/隔離鄰舍講錯野刺激到佢 咁就出事 搵原因咪就係為左知道真相後教下大眾可以點同精神病人相處囉

不過我覺得王赦問題係唔識將呢個角度放大黎講 開口埋口都係人權 身邊唔明白既人唔會因為人權一點就明

王赦太理想主義
又話唔係想幫李曉明打甩死刑
只係想知佢點解要殺人/係咪有精神病患
但其實如果真係確認李曉明有精神病 法院都實唔會判死刑
咁外界睇落去王赦就係幫呢啲殺人犯以精神病患為由 打甩死刑

Agger 同埋最後李曉明都唔覺得自己做錯 佢仍然堅持隨機殺人係佢一定要做既野

如果佢個女係幼稚園死左 你覺得佢仲會咁偉大幫殺人犯辯護？搵到精神病既原因就可以預防？佢係反社會人格點預防點教化？

咁如果劇情做到佢個女真係死左 佢角色自然有相對反應架啦 你自己想像佢到時偉唔偉大做乜 搵到原因唔係100%可以預防 但至少有個機會囉 每次有人殺人就槍決佢就解決到長遠問題？有感冒就次次食藥當冇事 都要有人行出黎研究有咩方法增強抵抗力架嘛

利申我個人未必做到佢咁偉大 但唔應該抹殺社會上呢種人既努力 而呢個角度亦都係套劇想帶出既野

依個劇真係痴線

正

同意
套劇可能想帶出因為有人會因為憤怒而不合理地作出判斷
但事實上都忽略咗其他人本身有嘅權利、家屬嘅感受、辯護律師不被理解嘅無力感
連探討真相嘅機會都冇
好似當年受害者小燈泡媽媽咁，佢都希望有機會了解真相，而唔係急趕執行死刑就當解決咗問題

感恩

套劇講緊都成兩年 李曉明係都唔肯坦白講背後原因 唔通真係等到佢2046？
覺得等左兩年都唔算急 係最後個下套劇寫到李曉明終於肯坦白 點知下一秒就死刑 呢下快
但其實成個過程講緊已經兩年

同埋我覺得唔係因為受害者家屬想佢死
而係佢做錯野係要承擔返個責任
根本就算佢死左受害者家屬都唔會可以過返以前既生活