見到有個po屌三番起 真係好撚憨鳩
啲留言仲要喺到屌運氣 旺唔旺 冇技術
以下係我嘅睇法：
1. 成日出銃嘅人唔好覺得係因為自己冇運氣
呢個世界冇嘢唔關運氣事 打麻雀當然冇例外 好多人成日都出統 就屌晒鬼咁話自己冇運 試問有幾多人有反思過自己嘅打法係咪有問題？ 出統多代表你防守出咗問題 如果你話人哋都會自摸 咁我都冇得駁住 但係如果係你下家自摸 其實你自己都有責任 香港牌計 好少情況係會門清食清一色 甚至混一色 所以當有人自摸大牌 好大機會係因為上家供得太多章 返返去出統嗰到 其實有好多人唔睇人哋打乜 唔記住人哋打過啲乜 唔衡量自己幾大人哋幾大 打生章 唔跟章 為咗度氣唔棄糊⋯⋯ 等等搞到你成日出統 輸到甩褲 所以打牌一定要重防守 尤其是當你感覺到自己運氣唔好嘅時候
2. 成日叫糊都食唔出唔好覺得係因為自己冇運氣
打牌要Maximize自己食糊嘅機率 揀啱叫邊幾隻
台日麻唔好盲目宣布叫糊 時間許可嘅就俾啲耐性 可能可以由叫卡窿變叫三飛 另外仲要數你叫緊嘅牌有幾多隻 有啲時候可能叫對碰嘅章數仲多過你叫三飛 所以叫糊都要叫得有技術 並非100%運氣 最好就可以foresee到人哋將會打咩牌去叫
3. 成日亂上碰槓唔好懶自己摸手差
好多人就算上碰咗九章 手入面都係垃圾 相反有啲人上碰六章已經叫糊 當中就係鳴牌嘅技術 好多人鳴牌都唔會理個上碰有冇意義 幫唔幫到你 舉例 12334萬 唔會碰三萬 因為咁會令你少咗一條順 同埋25萬嘅入章可能性 總之上碰唔可以亂嚟 槓都唔可以鳩槓 否則會令你更難食糊 更少安全牌打而出統
4. 三番起糊一啲都唔憨鳩
雞糊更加注重牌效率 三番起令到新手打牌更易上手 混一色清一色好易就明 過程都輕鬆 可以有講有笑 可能到有人叫糊先會緊張少少 做大牌嘅機會提升 只要食正上家打嘅門 好容易就混/清 雞糊難估人哋要乜 但係三番起例如對對/混 只要防生章/混一色嗰一門, 147258369就可以減低出統機會
總而言之 麻雀博大精深 有技術 亦有運氣
係一個好好同朋友之間玩嘅遊戲 希望個個都可以享受到
想知日麻/台麻嘅再講
要番數速度得宜先會令你贏
，但總之出銃機率比較細[/quote]