嗰時貪靚成日化妝遮咗佢就算
呢個習慣一路維持到我出嚟返工
我本身冇乜暗瘡，係中一時爆過一輪喺額頭
之後我阿媽比左支暗瘡水我查完一兩個月就好返左10幾年
直到上年三月我停咗支避孕針就開始爆瘡，開頭喺下巴之後一路蔓延上左邊面珠，右邊面珠一路都冇事，之後用好多護膚品都係好反覆，最後去咗做矽針，做咗兩次，上個月開始發現個鼻好容易紅，間中食完飯之後成個鼻會紅晒但係半個鐘內就會退，兩個星期會有一次呢一種情況。
同埋發現面珠嘅暗瘡轉移左位置變咗T字位，鼻同下巴，尤其是鼻翼位，可以爆好多粒膿頭仔，黑頭多咗好多個鼻仲多左好多油，上網睇過啲圖有啲懷疑自己有酒渣鼻，但唔肯定。
我想問吓各位有冇人因為玫瑰痤瘡/酒渣鼻去睇顧醫生？
我見顧醫生多數人係睇佢食a酸。
我想搵個皮膚專科斷咗症先，我驚我個病唔止暗瘡咁簡單，見好多巴絲都話顧醫生生有料到又細心。
好怕嗰啲所謂專科入去望一兩眼就趕你走。可唔可以俾啲意見我？