金鶴拉麵食評

聽講呢間店係抄座銀，於是過黎睇下可以抄得幾足。一入店內，無論裝修同格局都跟座銀有九成相似

入到黎當然係食招牌(定山寨？)既鷄白湯拉麵，價錢為$98另加一。

金鶴鷄白湯拉麵


下圖為座銀鷄白湯拉麵


碗麵放低幾分鐘，再望一望就知唔多妥。湯面冇起膠狀，證明湯頭冇想像中既濃，雞既成分亦相對較少。試一啖個湯，簡直同茶餐廳既忌廉湯有得揮雞味就唔突出，但個湯就好有咸味，應該落左唔少調味，唔似座銀creamy得黎唔會遮蓋雞湯味，亦冇打泡處理。

配料方面，係比座銀多，叉燒、雞肉同蛋都有。麵條方面處理得比較差，入口一d彈牙感都冇，而且同座銀一樣冇得加麵底，胃口大就要注意。叉燒一般般，冇火炙既焦香，雞肉雖然聲稱低溫處理，但入口明顯唔夠滑。

睇返openrice，呢間金鶴既好評仲多過座銀好明顯，唔係過江龍，短短開業既短時間就有咁既成績，絕對係五毛打手之作

最後只能說一分價錢一分貨，貴有貴道理，想試鷄白湯拉麵都係去返座銀，係金鶴絕對食唔出座銀既味道。

食完有冇好口乾好想飲水?

岩岩食完一定會有，只係短暫既口渴，未至於飲完水之後都仲係口渴。

聽聞佢鰻魚飯做得好過拉麵

湯底我見住打到有泡先俾客人喎 食過兩次都好好味不過幅圖既牛蒡炸燶左小小 苦苦地 但好脆
btw 鰻魚飯似乎岀色啲係生鰻魚即燒 , 好稔微脆無骨

食過 味道係有啲似忌廉湯 但有打泡 好creamy
咸左少少係真 但有雞味 湯底已經好夠濃
雞肉好滑 服務都好好
最後係個廁所好靚好乾淨

座銀咸到腎病呀屌
金鶴我食過兩次，無論環境、員工態度、性價比、味道都屌打座銀
起碼金鶴啲炸牛榜絲唔會好似座銀咁有油憶味

金鶴請咁多打手

味道屌打座銀一睇就知五毛打手，忌廉湯拉麵都吹捧

炸牛蒡

食過一次，唔會返轉頭。
行過土瓜灣又開咗間金鶴，天橋底陰暗內街，真係大膽

諗多咗on9仔
唔同意見就話人打手
利申我係食中環間座銀

講環境佐敦店開係垃圾站隔離，裝修又抄足座銀，員工態度又麻麻，埋單走人又唔理你，座銀d師傅同員工都講返句thank you ありがとうございました啦。金鶴雞白湯十足十茶餐廳碗忌廉湯，重味精又冇雞味，分分鐘罐頭開既忌廉湯仲好飲。講黎講去，咪又係平d，仲要唔係特別平，吹到上天咁，好打極有限

未食金鶴唔評味道住
屌你吹到環境同態度都屌打
經過金鶴都知逼過座銀
同埋食左成年座銀每一個waiter都好好禮貌
做打手俾啲誠意ok?

淨係講服務，座銀係少有既我認為絕對值得比加一既鋪頭（雖然本身好貴）

dklm上次食燒到燶晒
成口燶味

我覺得唔錯，不過我食鰻魚飯，真係挑哂啲骨出嚟同埋好厚肉 同埋個廁所好有日本feel，唔知以為去咗高級酒店

利申做緊飲食業
見到openrice食評同上面嘅留言吱一聲笑出黎

個麵真係好垃圾湯底都還可以

你當我唔好彩
上次呀嬸態度差到永不encore座銀
btw未試就屌 公平咩？

兩間都食過 依間個鰻魚飯係幾高質
但個麵一定係座銀贏