［古希臘神話］由宇宙渾沌到白銀時代-12主神介紹（2）

阿芙蘿黛蒂嘅情史應該有排講？

lm

Live

阿芙蘿黛蒂（Aphrodite）



大家比起Aphrodite依個名應該更加熟悉佢嘅羅馬名，維納斯（Venus）。Aphrodite就係古希臘神話中嘅愛與美之神，佢同時亦都被稱為烏拉諾斯（Uranos）嘅最後一個孩子。因為Aphrodite嘅誔生係源於克羅諾斯係弒父嘅時候切下咗烏拉諾斯嘅生殖器，生殖器掉落係Cyprus附近嘅大海中激起嘅泡沫，Aphrodite就係泡沫中誔生。

Aphrodite嘅象徵物有玫瑰花、白鴿、扇貝、海豚同鏡子。

關於Aphrodite嘅傳說同情史多不勝數，我會盡量揀幾個最有趣嘅黎講下而且遲啲都會講下點解Aphrodite會咁受人景仰甚至可能比其他希臘神更加出名

首先更係有佢嘅第一情夫戰神阿瑞斯（Ar es），其實佢兩個都幾襯，係伊利昂記（The Iliad）同樣被Athena稱為冇腦。有人話過其實阿瑞斯先係Aphrodite嘅唯一真愛


跟住就更係唔少得比Aphrodite由頭綠到尾嘅老公赫菲斯托斯（Hephaestus）。


仲有佢嘅著名愛人，掌管植物死而復生嘅神阿多尼斯（Adonis）。佢同時都係古希臘神話當中，紅玫瑰花嘅由來（亦都有傳說話係銀蓮花）。


仲有著名英雄，古羅馬嘅創始人埃涅阿斯（Aeneas）嘅老豆安塞科斯（Anchises）。佢曾經係一位牧羊人但係比Aphrodite睇下並迷惑咗然後就發生咗關係


講起Aphrodite都唔會少得提埋金蘋果嘅故事，亦都即係特洛依戰爭嘅前傳


希望大家期待下啦

由post 1 追到2，好好睇啊！
本身對希臘神話啊古希臘啊都有啲興趣，睇完即刻去圖書館搵咗啲書嚟睇
但係荷馬史詩嗰啲嘅中譯本/解析，圖書館就好似比較少，唔知樓主會唔會都有啲推介？
（抑或會推介我去睇原文？）

睇咗你第一個po之後 買咗本書睇神話


當故仔咁睇
G chi

阿芙蘿黛蒂與阿瑞斯

有人曾經話過阿瑞斯就係阿芙蘿黛蒂嘅真愛，就算佢有幾多情人佢都會返去阿瑞斯嘅身邊。 阿芙蘿黛蒂同維納斯有一樣唔同，維納斯係古羅馬嘅愛情、緣份女神而 阿芙蘿黛蒂係古希臘神話中嘅情慾女神，唔單止係愛情咁簡單。戰爭某程度上好似又真係同情慾脫唔到關係

講起阿芙蘿黛蒂其實都有啲慘，其實佢都算係一個政治婚姻嘅受害者。係荷馬嘅奧德賽遊記（The Odyssey- Homer）裡面有略略咁提過阿芙蘿黛蒂不貞嘅故事。
當阿芙蘿黛蒂一到達古希臘嘅時候，所有神都對佢嘅美貌垂涎。善妒嘅希拉為咗斷去宙斯嘅淫念就逼阿芙蘿黛蒂嫁比自己個仔，火與匠工之神赫菲斯托斯（Hephaestus）。可惜赫菲斯托斯係瘸嘅而且樣貌亦都唔討喜，對於身為古希臘神裡面最靚嘅女神黎講，依件婚事係一個極大嘅侮辱。迫於無奈，阿芙蘿黛蒂都係嫁咗比赫菲斯托斯，但係大家都太天真，因為阿芙蘿黛蒂根本就唔係一個忠貞嘅人。佢好快就同赫菲斯托斯個兄弟，英俊瀟灑又好戰嘅戰爭之神阿瑞斯（Ares）撻著咗。


有一日古太陽神赫利俄斯（Helios）（寫寫下發現Helios真係專業報串，上次哈帝斯拐走咗Persephone都係佢同狄蜜特講）見到阿瑞斯同阿芙蘿黛蒂係赫菲斯托斯張床度做愛 赫菲斯托斯冇被憤怒沖昏咗頭腦而係慢慢咁打造咗一張用金製成嘅網。佢捕下咗陷阱係佢張床到，當下一次阿芙蘿黛蒂同阿瑞斯偷情嘅嘅時候就將佢地一網打盡。當依一日來臨嘅時候，赫菲斯托斯叫埋其他神黎一齊嘲笑住佢地兩個狼狽嘅樣（好似驚全世界冇人知佢戴綠帽咁樣）



不過波賽冬等人都好同情阿瑞斯，因為阿芙蘿黛蒂嘅魅力係好難抵抗所以就勸克菲斯托斯放咗佢。羞愧嘅阿芙蘿黛蒂就逃離咗，去咗佢嘅屬地Cyprus。

其實某程度上阿芙蘿黛蒂同阿瑞斯都算係天生一對、郎才女貌，一剛一柔不過可惜阿芙蘿黛蒂唔止同阿瑞斯一個有野所以關於佢嘅故事就變到好淫亂。係伊利昂記（The Iliad）裡面阿芙蘿黛蒂係冇結婚嘅，但係佢係阿瑞斯嘅配偶。無論去到咩神話故事，大部份同阿芙蘿黛蒂一齊出現嘅都係阿瑞斯。著名嘅愛神Eros（羅馬稱號丘比特）都係阿瑞斯同阿芙蘿黛蒂嘅仔，只可以話愛神同赫菲斯托斯真係比人玩咗獲

荷馬史詩個啲真係比較少中譯本，要完整嘅可能都係英譯不過唔知上網會唔會有解說，我之前見其他好似金羊毛個啲都有，但係就會係好簡略版

屌 咪搶1001啦 留返俾人擺新post link呀嘛

支持樓主細個睇PJ睇到而家要讀古代歴史
BTW幾時到Hermes

唔好比佢停

支持支持

好L好睇! 留名支持

加油

推

新post繼續支持！

Aphrodite and Hephaestus

關於Aphrodite 同Hephaestus嘅婚姻其實就有幾個講法嘅



當美麗嘅Aphrodite一到達希臘嘅時候，佢傾國傾城嘅美貌已經今到眾男神傾倒同女神感到威脅。因為佢公然拒絕咗宙斯的求愛，所以佢就被迫嫁給了瘸腿醜陋的火神鐵匠赫菲斯托斯（Hephaestus）。但佢本身就唔係忠貞嘅老婆，她一啲都唔珍惜自己嘅美貌同貞潔，以自己嘅天生麗質誘惑眾神同人類，並同好多唔同神育有仔女，包括酒神狄俄尼修斯（Dionysus）同戰神阿瑞斯（Ares）。當Hephaestus發現妻子和阿瑞斯通姦時，依個狂怒又自卑嘅火神鑄造咗一張金網，將依對係床上尋歡嘅情人當場捉住。他仲叫埋奧林匹斯山的諸神，將依對偷情嘅男女公示於眾，當場黎睇熱鬧嘅都係奧林匹斯山上嘅男神。太陽神阿波羅見到嬌羞的Aphrodite嘅時候心裡痒痒，但係又唔好意思講出黎，佢問好朋友信使之神荷米斯（Hermes）有何感想，Hermes就好大膽咁話佢敢用神頭做擔保，可以同美麗嘅愛神捆綁係一起，即使加多三條鐵鏈同眾女神在場指責，佢都心甘情願。最後覬覦愛神好耐嘅的海神波賽冬（Poseidon）出面調解，才說服Hephaestus放了他們。

為咗答謝佢地Aphrodite都分别同Hermes 同波賽冬生咗個仔。

另一個講法係Hephaestus對Aphrodite一見鐘情，但係佢知道美麗嘅女神唔會接受佢。所以就打造咗一張王座比阿媽希拉，並且設有陷阱，禁錮咗希拉。希拉逼於無奈就答應咗將Aphrodite嫁比佢。



亦都有傳說話係希拉擔心Aphrodite會魅惑宙斯所以將佢嫁比Hephaestus，等佢檢點啲（雖然最後都係失敗咗）

不過係去到古希臘詩人荷馬（Homer ）嘅奧德賽遊記（The Odyssey）同伊利昂記（The Iliad）中Hephaestus同Aphrodite都已經冇係一齊。係伊利昂記裡面嘅Hephaestus有一位新嘅老婆叫做Charis,係美麗、創意嘅女神。

真係好好睇
post 1追到post 2加油呀唔好棄po呀

多謝支持啊

係雞係公廁嘅始祖

btw睇番以前d名畫發現美女嘅標準都好肥下，同而家嘅審美觀念唔同

仲追緊故啊

加速

阿芙蘿黛蒂與阿多尼斯

Adonis嘅美貌令到佢個名成為咗美男子、俊美嘅同義詞。佢係希臘神話中最著名嘅故事就係同Aphrodite嘅愛戀，佢都有時被稱為係Aphrodite嘅真愛。但係其實Adonis原本係中東（黎巴嫩）嘅植物之神係後來先納入咗希臘神話。



Adonis一出世嘅時候，佢嘅美貌就驚為天人。咁啱Adonis嘅阿媽因為得罪神要被詛咒，同自己父親亂倫後，逃命嘅時候變成咗一棵沒藥樹。

愛神Aphrodite對佢一見鐘情，所以就將佢交比冥后Persephone撫養。Adonis長大後，因為佢英俊嘅外貌同由細撫養到大所以冥后都愛上咗佢，唔比佢離開。兩位女神互不相讓，就請求主神宙斯（Zeus）裁決。最後就要宙斯出面調停 ，宙斯判定咗Adonis每年三分之一陪Aphrodite，三分之一陪Persephone，剩下的三分之一時間就由Adonis自己安排。但係比起陰暗嘅Persephone，Adonis更加鐘意同風情萬種嘅Aphrodite一齊。(都有傳說話Aphrodite劫持咗Adonis，令到佢自己獨居個四個月都同佢過。）





後來，Adonis外出狩獵時比Aphrodite 嘅另一個情人─戰神阿瑞斯（Ares）所送去嘅野豬所殺。愛神聞訊痛不欲生，當佢趕到嘅時候Adonis已經奄奄一息。係希臘神話中，玫瑰花同愛神係同時誕生，誕生於海中嘅Aphrodite，激起咗白色嘅浪花，因而捲成咗白玫瑰花。據說玫瑰花本來係白色，但係愛神聽到她最愛嘅Adonis有難，比野豬咬傷致死。心急嘅愛神係飛奔時被玫瑰花刺傷咗足部，鮮血染紅了白玫瑰而成咗紅玫瑰。



亦都有傳Adonis嘅鮮血滴係大地上變成咗一朵朵銀蓮花。


Adonis嘅靈魂被轉送到去冥界，因此到最後冥后Persephone都係得到咗Adonis。
但冥后深受Adonis同Aphrodite嘅愛情感動，所以準許Adonis嘅靈魂每年返陽間6個月，同愛神團聚。而係藝術嘅畫像同雕塑中，他經常被塑造成一位風度翩翩的美少年，同Aphrodite同時出現。

紅玫瑰也因此成了堅貞愛情的象徵。