大家入黎講下自己屋企野 （2）

話咁快post 二了
我係明仔
大家好。
我會post 番上個post 所有故事係度
大家可以慢慢睇
黎緊係表妹野

極速留名！

留名

留名睇文

極速留名！

洗唔洗咁撚快
希望慘人唔好入黎啦
好驚呀

極速留名！

洗唔洗咁撚快
希望慘人唔好入黎啦
好驚呀

痴線真係好撚煩，但其實好好笑

睇完新年比人整爛野個post
見倒多數都係老母 同佢d朋友 on9
就好少見倒係老豆
我真係好有感觸
等我慢慢講一單一單黎
1. 濕疹風波 ：
話說細細個呢我就有濕疹呢個問題，仲係幾撚閪利果隻，咁果時仲係小學，我學校就有個叫PTA ge 組織，係專比家長加入傾下子女問題，好撚惡ga, 唔講以為係 PTU。好啦咁我老母就係果個PTA 度識撚左十幾個家長，就係咁我童年ge惡夢就由呢到開始。佢係個PTA度問 點樣可以醫濕疹，點知其中一個家長話： 「去游水係最好ge 方法。」之後其他家長竟然附和，話係呀「我都聽過，好似真係得！」第二日我老母二話不說就的撚左我去操水班，一星期2次，每次3個鍾，游得唔好仲要個教練屌完再同老母講，老母再屌。（當時我已經一星期補5日習，每日4個鍾，三點放學到7點，次後再去游水，不過呢個遲d再講。）好啦游撚左一年，當然係冇料到啦，但佢仍然係會信d家長。最後到左去睇沈x明皮膚專科，佢睇完，見到d 「啦」，呆左呆，講左句，嘩太太，你小朋友幾躩嚴重wor，仲要唔係一兩日ge事啦，做咩唔早d 睇，我老母： ，我老母答唔出，仲用反問番個醫生，咁想問仲洗唔洗游下水幫助下呢？個醫生話：下，游水冇用wor，我聽到呢句，個心痛到，當時即刻流左幾滴馬尿。最後醫生開左後藥膏，1星期後，冇哂事 後續。。。

推

2. 補習
相信大家對中學補習都知唔少，但又知唔知小學補習係點呢。
冇錯，又係pta。小學時，我老母係我小二時就問左句，點先可以入到好中學呢，就係咁問一問，我小學童年就咁冇左。有個家長就答佢，唔撚洗諗啦，去補習社。比番個背景大家知道下先，我小一係科科9字頭全級頭十。去到小二，就係因為個on9家長講一講，我就入左間補習社，逢一至五三點放學補到7點包一餐飯，考試期間ot，到九黠。一個月＄3500，我老母同佢d家長朋友話好抵。睇到呢到，大家覺得點？好辛苦？屌啦，講下一樣我呢世都記得ge 野比大家知，有一次，我番完學，發燒，打比我老母，問佢，可唔可以唔補一日習，佢答我，唔得，比左錢ge，去補。我而家諗番起，好心酸，好淒涼。一補就補左5年，佢同佢家長就每年都講一講，多得補習社炸！唔係邊有咁好成績？到我入左間好ge中學，佢都話，多得補習社炸！唔係邊有咁好成績？ 我心入面諗，都on9，我係入面鳩做，唔通又話你知比你打咩？（講起打，係第三件事。）後續。。。

3. 體罰
話說細細個時都幾曳，咁佢就問pta，冇錯又係pta。佢問： 點先可以令我乖呢？因為當時唔知邊條撚頭家長同我老母講話曳係入唔撚到好中學，我老母梗係驚到瀨屎啦，所以咪問lor，一問，就令我成世人都有一個永不忘記ge童年陰影。有條撚屌答佢，唔洗諗，一定係打。佢地仲集體買「tun」條，話平d wor 。就係咁每次我一比人寫手冊，成績差小小，就比佢打到仆街。仲好記得有一次，我排隊上班房果陣傾計比個仆街老師寫我手冊，佢係咁寫，排隊和同學「liu」天，請家長留意，首先我唔明可以點留意啦，我老母一睇，二話不說打左我手掌十下。腫哂。呢晚係我做左22年最唔開心的一晚，我訓到痛醒左。我左去廚房，當時我唔高，要跳下跳下咁開上隔的冰廂，我想拎舊冰fu 下隻手。我跳時失敗左幾次，每次我隻手掂到但開唔到時，好痛，我望下隻手，原來打到腫起左，好勁。我d眼淚係咁流，到我拎到舊冰，我拎緊入房時，行入房途中，我老母咁o岩去柯夜尿，佢望望我做咩咁夜都唔訓，原來去拎冰，佢笑左笑，講左句，幾叻仔呀，識自己拎冰fu手，哈哈。我心入面好唔開心，d眼淚係咁流。當時小3，比人打左3年了。
－
去到小五，我都仲係咁曳，比老師寫，比老母打。佢冇諗過有時我已經比班教畜針對緊，係唔係都寫，我老母就係唔係都打。
足之去到小五，我老母因為我成績好，學校安排左送我check 資優，一check，有結果了，條友話我真係比一般小朋友叻，音樂方面更加好，係有少少資優。但點知呢次checklng冇令我開心，反而，我嬲我老母一世。個個人話，不過咁呢位家長，佢可能會比較曳，佢自己係控制唔到ge，因為佢有輕量果度活躍症，佢咁細個係冇咁大自制能力控制自己的，佢去到中學青春期左右大小小就冇事。所以唔好打佢，要好好講道理，因為算打完佢都係控制唔到佢自己。佢：哦

我好嬲，我知道原來我控制唔到自己，一直改唔到乖，因為每年我都諗點解每次比人打完我都話會乖但做唔到。我直到今日，每每諗番起比人打，我都好唔開心。我唔明點解佢d垃圾家長朋友講一聲要打，佢可以打左個仔6年，就算咁多年都冇變乖，佢都要照打？
直到今日，我同佢關係咁差都係因為咁，兩個阿哥都同我講唔好咁差對老母，佢地又黠會明我感受？
近排，有一次我老母同我嗌交，我地講番哂d往事出黎，我忍唔住講呢件事屌柒佢，我一路講一路喊，佢冇聲出，因為完全駁唔撚到我，佢最後喊住話，你唔怪得我，當時我壓力大，番完工番黎見倒你本手冊梗係嬲啦，又打慣左。我而家同你講番聲對唔住lor。咁。我即刻回應，我話，唔撚柒洗你講對唔住，我要你呢世都內疚，呢世都知你咁對你個仔。我唔撚會接受你對唔住。
呢次係我第一次同佢反哂出黎話佢知我原來好多野記到而家，因為我有輕量果度活躍症原因，原來我係好易開心ge人，所以當時到中6，我都唔會表現到我冇童年陰影係外表，但其實冇乜人知我內心係好多野記得。
太多野係腦入面，寫唔哂的，大家有中間野想問可以問，我會答

4. 老母家長朋友 比我係咁屌
話說而家自己都算讀得幾好啦 仲諗緊轉校
我老母d家長朋友即刻由教我老母教仔
變做
叫我老母叫我教佢個仔
哈哈哈！ 我屌你老母！ 仲唔風水輪流轉！？
我老母同我講 叫我答一答佢個frd 問題
一望個whatsapp name，嘩，佢咪以前叫我補習同有份一齊團購 tun 條果個臭閪？
我當刻好撚嬲，當我正想嬲屌我老母果個moment，我停左停，諗左諗
有野玩
我話
好啦 send 黎 比我盡幫啦
我老母好開心，一黎以我同佢交情 我好少可會咁好幫佢拖
二黎 佢好開心可以係frd 面前曬下命 有個叻仔
傻啦邊有咁好死呢我
個問題大致上係：
你好 xxx，我想問一下如想送我個仔去外國，可以去邊間？ 要點樣幫佢呢？佢英文唔好，可以點呢？
大約啦 我都唔係好記得
咁我梗係慢慢玩啦
首先我知佢唔識英文 我就用英文 串都佢柒一柒，但佢又唔知我講乜春 ，要佢自己查下字典先知我串緊佢，但我字裹行間又唔係串都冇哂野講果隻
之後好野
果條臭閪同我老母講叫我唔好再用英文
我老母就話我唔尊重佢朋友
我就話，下佢而家要我幫手，仲要我打佢文字？ 仲有，我唔太識中文wor ，咪叫佢查字典lor，
咁我老母梗係嬲，佢比佢朋友話wor
咁屌左一陣，我扮哂野，唉好啦好啦，打中文啦，但下次我有野要你買你要幫ga！ 佢話好，哈 on9
我心諗梗係啦佢d 咁ge 臭閪洗撚我尊重
其實用中文仲好玩
咁之後 我就用中文覆
問佢個仔係香港點
得知原來小學後入左間垃圾，仲留左幾年班
而家dse 十幾分
英文2
hehe 我就食住個勢，話點教我黠會識呀，我細個我老母都係你教佢吏我炸wor，打wor，你係咪冇打佢好耐呀？咁不如試下打番啦，我都係咁教到而家咁ge ，打到佢仆街咪ok lor
黠知佢以為我認真緊
就話唔係講教仔，係講幫佢入美國大學
我心諗真係咁撚厚面皮咁撚樣串都唔撚知
我就再答佢
冇ga wor 試下果d 4 5 線大學lor
不過ilets 起馬要6.5先 去到wor
佢就問點算
我就即刻答 試下去番間補習社lor 我細個都係你教我老母帶我去ge
佢果下知我玩野
話我冇心幫
hehe 當然啦你條柒閪我點會幫呢
我就最後答番句 我點會冇心呀，不過真係好難wor 你個仔咁撚廢 （婉轉咁講）
之後隔幾日我老母屌柒我話我冇心幫佢個frd
我扮死狗話 唉我都唔知點幫
佢吹我唔脹啦梗係
佢仲同我老母講叫我要學下尊重長輩
我就串番佢，我話你幫我同佢講我而家係美國唔係好識d咩尊重長輩，叫佢帶埋佢個仔黎話我知
當然我老母冇咁做 佢whatsapp 仲block 左我
之後聽我老母講早排佢個仔真係黎左
點知第一個term 收左warning letter 話讀3科fail 左兩科，可能要去番讀high school or 番香港 （冇visa 比人趕出校）
慘慘啦21歲讀high school

新po LM

5. 好老豆事件 之 搵錢之達人

打左咁多老母對我唔好ge 野，大家一定好撚好奇 點解會冇乜點講過老豆呢？
其實我老豆係一個超級好爸爸
等我而家講一兩單正野你地咁撚過癮呀拿
以下呢單係一單背景資料故事
其實我屋企唔係一開始就順風順水咁有錢
因為其實我老豆就自己開公司
我老豆係一個小學讀完書就出去行船ge人
因為佢屋企好窮 根本養唔到佢 佢又係長子對落仲有兩個細佬同妹
而我老母就屋企有d 錢 所以讀哂成個中學
識英文 （可以有錢進收英文，以前有錢人先有機會）
所以我老母就係打大公司工 做經理
呢單野我決定由香港金融風暴講起
當時你知細公司一定好撚慘
我老豆間野差唔多支持唔住
就走去問我老母借錢
點知我老母就同佢講唔借
借完比佢自己就冇哂e依靠 同埋而家都係靠佢份糧 養3個仔 （所以我唔撚明仲補咩習）
我老豆冇怨佢
點知中間仲要比佢partner 呃公司錢走埋佬
自己仲死頂
最後好後在有個人借左20萬比佢
佢一路死頂頂頂頂
捱過左
但佢冇嬌傲
佢叫我老母退休
話佢捱左4－5年啦
等佢黎養成家
我老母當仁不讓
一野退落黎 （當時都係撞正阿婆死，佢話想冷靜下，話太大傷害wor ，抖左一兩個月啦，我老豆就咁叫佢啦 ）
之後點呢
所有野全家支出都係我老豆比
仲要比家用老母
我老豆真係冇得頂
直到而家 屋企d樓大半都係佢供多
我地3兄第去外國讀書佢比哂 （大約每人一層首期啦果度 ）
仲有我老母果邊阿婆死前阿公死前醫藥有份夾
死後我老豆 幫手搞埋
佢自己果邊兩個細佬妹唔撚掂每年初一十五比舊錢佢玩
呀麻住我地層樓
睇到呢到 大家記住我老豆自係小學畢業咋！
直到而家，我地一家人有事傾計，因為我同兩個哥都會唔小心講左兩句英文，我老豆都唔明，我老母會串鳩佢，你英文咁屎點會識呀！但我老豆而家5十幾歲人仲走去學下英文希望同我地傾得好d。。（屌打到呢到喊左出黎）
我老母仲有時會講，你老豆你估一直到咁風光咩
以前呀 都係靠你老母我係度頂住炸
大家，我老母已經退左休十幾年。。佢4張幾就退左休
我老豆仲供緊3個仔外國讀書，每日7點起身就番工做到夜晚十點。
佢就每個月收錢同埋閪家長朋友玩下食下去下旅行咁lor
大家，睇到呢度唔知有咩感覺，我就好大感受。我覺得我老豆係一個傳期，冇讀過書，叫做白手興家，捱過金融風暴，挺起成頭家。
佢好偉大，我愛佢。
我而家係外國打番屋企，第一件事，一定問我老豆好嗎，唔會問我老母，因為佢係唔會唔好
btw 有次我老母串我老豆冇讀過書
我一野屌埋去
話老豆冇讀過書都係咁供哂我地讀書呀
你呢，日日冇所事事係度同班c9朋友玩 on9
佢冇聲出
話係老豆叫佢退休 唔係自發
我話，好笑啦，人叫你退就退，真係要好大勇氣先做到ga
佢冇聲出好似眼濕濕又唔別我講咁
因為我老豆真係做好野做到多到佢都數唔撚哂
最後點收尾呢
我老豆講左句 喂，唔好咁話你老母！

第一個故完
第二個係講我老豆點對我好。（學校話）
後續。。
大家睇完希望比d 回應 or感想

係時間打多個老豆故啦！
6. 好老豆事件 之 學校風雲

話說因為我都唔係乖個堆ga 啦
咁去到中一時，已經比其中一個老師針對左
而我亦唔係小野 所以有時串到佢就在所難免啦
記得有一次，個時間係我仲係中一
佢問我做咩傾計
我話你講書咁差
我唔識咪問下同學lor
佢冇聲出 紅到面哂
就係咁佢就開始針對我
呢d 都係交代一下姐
因為中二我又見倒你條閪婆
老豆故事就在這開始了！
冇錯我又係有佢堂，不過唔同科，變撚左教地埋。（即係i.h.)
佢上堂真係好撚悶
又第一堂
真係冇法了，要訓了。
點知訓訓下
佢大屌一聲xxx同學（我個名）
你又傾計
我當堂嚇閪醒左
都唔知咩事
靜係好撚嬲
佢話： 你傾完未，成堂淨係聽到你把聲
xxx （隔離位） 已經唔係好想理你啦wor
我：
真係好嬲 一黎我訓訓下比佢嚇醒 二黎我屌佢老母屈鳩我
有乜理由屈個盲ge偷睇國家機密？
我即刻大屌： 我屌你老母呀 我訓緊教點傾計呀
成班同學呆左。。（我都覺得over左了 ）
佢呀紅到面哂，即刻講你同我落黎我要打比你家長
去到呢個位
又要交代屌屌野了，話說小學因為我已經比人打慣電話比家長關係
我老豆已經慣左了
咁個日，我記得佢車完我番學，我臨落車之際，
佢交代左一樣野，就係
佢： 拿呀仔，今日就算點都好，有老師要搵我地，叫佢搵你老母，唔好打比我，我有個好重要ge位要開，要傾生意
我： ok！
去番我同個老師到
佢帶左我去教員室入面 入面場上有個公用電話
係佢準備要打電話時
我諗起老豆ge 吩咐，就同個閪婆講，老豆叫你唔好打比佢，要打打比阿媽wor
點知個老師實在太醒了，佢就話：「哦，你驚老豆多過驚老母下馬，好！ 我一定要打比你老豆！ 」
我：
佢開左hand free, 唔知點解，可能要比全教員室知佢勁掛
嘟。。嘟。。嘟。。
喂 （聲音有點冷淡）（我老豆聽左電話）
閪婆：「喂，黃生下馬，我係呀xxx 老師，你個仔岩岩上堂對住我講粗口呀！ 」
停了一會。。
我老豆：「講粗口？唔係入醫院咪撚打黎啦我屌你老母！ 」
啪！嘟嘟嘟。
收左線。
成個教員室靜哂
坐電話隔離個老師掩埋個咀係咁忍笑
個閪婆：
我：叫你打比阿媽啦
佢好細聲咁同我講：「um.. 你老豆話冇咩野。你落番去上堂先，我再搵你。」
最後我比人記左小過 （對我黎講小過？哈哈哈 我小學記過多個食飯呀！ ）
最後番到屋企，再同老豆講番成件事
我老豆話： 乜個老師咁撚on9，仲要屈我個仔？屌！
我：
老母仲話我老豆縱我wor，hehe 我理佢
好老豆事件 之 學校風雲 第一章完
番完學再打多章比咁多位巴打睇咁撚過癮呀拿
希望大家比d feedback 同留言支持
我先有動力打多d 我ge故事比大家知！

7. 好老豆事件 之 學校風雲2
打埋呢個老豆故，就會打番個老母故

話說去到中3，老豆d生意開始好了。
有留意上面故ge 爸c 都知道我都幾曳。
咁我老豆其實冇野驚，佢覺得係學校傾下計，玩下係對細路黎講好正常（我都覺得係 ）
最緊要係唔好學壞 好似黑社會呀 吸煙呀 吸毒呀咁
因為雖然係band 1 school，但地方都係大角咀好雜下
所以佢有比較另類方法教我
就係寧願每日車完我番學都比100 蚊我去草錢買我鍾意ge野
都唔好去群果班人
這是我和爸爸的承「lok」（又唔記得點打 ）
咁我係有做到的
但樹大真係招風
我小3已經著住對woven 踢波（果時woven 係算潮物）
但我係唔知 因為見靚又有錢就買
就係咁就比班高form 睇上左
佢地開始問我「借錢」
好話唔好聽班死窮mk 點會有錢還
但耐何我根本唔識反抗
因為佢地神高神大屌佢老母 完全淆底我認
所以就成日「借」左比佢地
好啦咁借借下，咁我都要買野ga
有一日
落車前，我老豆照平日咁比錢我
我就問可唔可以比多d
佢就問： 點解呀，100 好多啦wor
我話：唉唔夠呀，有班高form 成日借我錢唔還呀
我老豆靜左一靜
佢話：「得啦。你番學先。我會搞掂。」
講一講我老豆d野先，佢行船，但做左生意後好肥，但真係好惡
因為好話唔好聽，佢都算係地盤出入睇住d 工人。
好啦，話咁快就放學了。
我去操場好似平日咁踢下波打下波咁。
個死mk 又黎了。
點知我望到遠遠地方有個肥佬行入學校正門
冇錯，係我老豆。
佢後面隨行有兩個大隻佬 HEHE
再講下我ge 情況
個mk 後面其實仲有一兩個弱雞mk
佢地一行3人咁黎哈我
個鏡頭再去番我老豆度，老豆行入正門
個校工隨即上前同我老豆講：「先生，要登記wor！ 」
我老豆：「我係唔會登記。」
就行左入學校
我係學校 中間
老豆一眼已經睇到我
佢問左我一句：就係佢？
我：
佢一手cool住條mk 頸
就話：「你唔夠錢洗咩？好肚餓？洗唔洗請你食m記？」
個mk：
我後面兩條mk 想上前幫拖
點知果兩個水喉佬仲勁，一手禁左佢係地下，「係唔係做嫁兩呀！」
最後我老豆 成功拎番d 錢，再一野好型咁講左佢：唔好再搞我個仔。
再同我講：「咪再借錢比人，佢再借你叫佢問我借。」
我：
果幾個mk 自從果次後，我就好少見佢係我面前出現啦

好老豆事件 之 學校風雲 第二章 完

希望大家比d feedback 同留言支持
我先有動力打多d 我ge故事比大家知！

睇之前，你話我仆街都係咁話啦，入面可能會有錯字，sorry 中文差，對唔住，但一定唔會係5p字，只可能係唔識寫or 唔記得果個字姐。希望大家唔好再屌呢樣野，相信大家係為睇經歷而唔係睇我打字ge
enjoy～

8. 老母 之 「你睇下呀xxx啦！」

唔知大家對呢句野會唔會好耳熟呢？
我就憎撚到呢句野死
呢句野通常係有人想玩比較就會用出黎
真係好撚煩
冇錯，又係pta
我老母偏偏係我小學時就會用黎同其他仔比較
通常對決會係每星期ge pta 例會上舉行
對決都是例行公事，我都習慣了
但你知啦，人比人，永遠都係比撚死人。
所以就算我小學成績有幾撚好都好啦！
我老母永遠都會輸。
我決定講其中一樣我輸撚硬ge 野
乖！
老母：「你睇下呀689 幾乖呀，你學下人啦唉，再係咁睇下你第時點入好中學呀你！ 」
我：「佢好似有少少自閉價wor。。平時上堂都唔識出聲 」
呢d 例牌對話一講就講左成個小學。
但好老實，唔知大家有咩感覺，其實有時呢一句野講完
我係會諗好耐 同埋係會唔開心一陣 （可能因為我易開心）
但最後佢都係要比下去
我好想知究竟點解要有呢種風氣
答案又係pta
但當務之急，唔係諗呢樣野，係諗點樣整死呢班垃圾家長
最後當然唔成功啦
就係咁我就成個童年係咁比人比黎比去。
真係好撚黑人憎。

時間去番而家，我開始識反抗，
有一次，出街傾開
講起以前佢pta 其中一個家長個仔。
佢以前係對決入面ge 長勝將軍
因為佢好乖仔價
細個我老母成撚日同我講叫我學下佢ge
佢而家係道做7仔。
我忍唔住吱一聲笑左出黎
點知我老母即刻屌我
話：「 你而家好叻咩？笑我d朋友，人地有咩得罪你呀！」
當時佢開左認真mode，同我準備死過咁款

我本身都冇野，去到呢個位即刻嬲到噴火，一定要屌撚番佢上天花板咁撚過癮呀！
我即刻講
你細個果時將我同人比，成日話咩你睇下邊個果個咁，你唔諗下我感受？
而家你就識保護人地個仔？
以前呢？你搵我黎拎威就唔再講，我次次唔夠人好你就屌柒我？
你冇撚野下馬？
係呀，我而家就係話鳩你d朋友咁撚過癮呀，咁又點撚樣呀？
佢：
我： 咪撚再比我見到你d 朋友呀，唔係每見一個認得玩過呢味野ge 我屌一個

老母 之 「你睇下呀xxx啦！」 完

希望大家比d feedback 同留言支持
我先有動力打多d 我ge故事比大家知！

9. 老母 之 「波鞋，唉，咪又係你老母比錢。」

話說我其實都幾鍾意買波鞋
仲要都買得幾貴下
但大家唔好以為我係老豆老母比錢
大家都知我同老母關係唔好
佢係好鍾意話我好撚大洗咁
都係我自己賺錢買 至於點搵咁多？
我係靠自己出去教琴 再加買完番黎再炒。
慢慢自己一對對咁搵番黎
我同過自己講中六之後，我唔會再比人話我洗老母錢（因為我真係好憎佢咁話我。）
但憎佢還憎佢，其實我有一樣野更憎。
冇錯，又係pta。
我唔明點解小學個pta 組織到而家都仲係度。
佢地仲非常見得好密。
好啦咁有一次，我老母就叫我去出值佢個d乜柒pta 聚餐，我梗係打撚死都話唔去啦
但佢就講到話我唔比面佢
話阿媽叫你陪一次都唔去。
仲有佢話d auntie （即係班死閪婆 ）好掛住我
一定要見倒我
我本身都係堅持唔去
點知我老豆開到聲話叫我去一次咁多
唉，唯有係咁啦
我心諗：唔好比我聽到d 仆街評頭品足ge說話你班閪婆！
一去到
「hello helo hahaha」（又係d好行ge打招呼。）
心諗快撚d食完快d走屌
一路食飯 唔係講往事wor
係咩呢
哈哈 又係玩對決呀
成班閪婆係咁講自己個仔邊間果間大學邊科邊系咁
我心諗叻啦叻啦屌你老母
呀好奇怪 全部都係女人一個男人都冇wor
好啦講完呢d 我都慣撚哂
開始入我地呢個故事ge 主題
我去完洗手間番入去
其中一個閪婆就話：「喂，xxx （我個名），你對鞋好靚wor！一定好貴啦。」
我話：「ok啦，哈哈。」
心諗關你條撚婆閪事咩。
點知另一個閪婆加左句係令我成為全晚焦點！佢話：「車！咪又係你阿媽呀黃太比錢，爸閉！」 <-- 佢個樣係咁，唔負責任得黎又想笑我
成班閪婆：「哈哈哈哈，咁又係！」
我老母開心到死：
我就嬲撚到噴火，即刻保持斯文得黎人地要澄清番！
我話啦：「唔好意思，我自己教琴草番黎ga 呀auntie florance。」
點知佢好似不甘視弱咁，再補到句：「咪又係你parents 資助你！爸閉！」
成班閪婆：「哈哈哈哈，都係啦！」
我忍唔住啦屌你老母
我話，我一句說話唔會講兩次，我係自己比錢，冇用過我阿媽錢，唔該你講野前負責任。
咁樣可能冇咩霸氣，冇拍枱呀點點點
但已經搞到成場好薑了。
之後佢再講多句wor ，仲唔撚識收wor：「車，auntie 我講下笑姐，乜你變到咁惡死ga！」
嘩我屌，我屌，我真係好嬲
我即刻話：「係呀係呀乜都係我阿媽比錢，你而家好快d打比你阿媽叫你黎比錢啦，你d野都係你阿媽比錢。」
最後就咁完場
番緊屋企時，我老母收到message
係group message
冇錯又係pta。
個條閪婆話 呀黃太個仔而家真係惡呀！講兩句就嬲！
我老母仲話我好唔尊重佢個朋友。
我果刻真係忍唔到啦！
我係機場度大聲到全場都聽到
話 我以後都唔會再同你班家長食飯！我再講多次，所有我而家身上ge 野都係我自己草錢買，你一蚊都冇出過。
我老母：
連我阿爸都呆一呆，因為我真係好少發咁大皮氣
最後我接完呀哥機一句野都冇講過。
但我就幾開心，可以串到佢班朋友仆街！
而我老豆阿哥都話我冇錯hehe

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

10. 好老豆事件 之 大戰補習社死閪婆老闆娘
大家有睇開都知因為個on9 pta
我就入左間地獄補習社5年。
而今次呢單野，就正正發生係小五ge 其中一日。
話說個日我夜晚就有個表演
我要早少少走
咁我個補習就由3點至7點
我大約要6點走
果日我老母就叫左我老豆準時6點去補習社車我走
亦叫左我同羅太（果條閪婆）講聲我又早走
好啦咁我放左學咪照去補習社
但我見唔倒個條閪婆就同左個條補習老師講左聲
點知佢就話，哦，我話唔到事ga，你要同羅太講wor 呢d
咁冇法啦 我講就講左
終於到6點，我要走啦
我一出門口就見倒羅太
點知佢以為我偷走扮野
唔比我走
我心諗 哈哈哈你地今次死啦！
點解，我要交代小小野
我老豆係一個好撚守時ge人，更加好撚憎等人，有次我老母要佢等左10分鍾佢都屌左佢成1個鍾！
但當時我又未有手機，點算呢點算呢
我可以好撚肯定老豆已經到左
但我點講條閪婆都唔比我走hehe
話打比我老母確認下，點知佢又唔係真係打，係度玩野
時間慢慢過
我已經想像到我老豆有幾撚嬲
一黎 我趕住表演 要彩排
二黎 佢好憎等人
三黎 我後來得知原來佢打埋電話上去都冇人聽
就係6點幾差唔多答4 倒啦
有人係我地補習社果層 開左門
係我老豆
佢一野拍拍拍 開門 好大聲咁講！ （佢已經見倒我係入面仲做緊野）
一開門佢嬲撚到係咁屌我話我做咩仲唔撚柒落黎！（hehe原來佢以為我唔記得左呀 。）
傻啦我先冇咁大頭蝦
我心諗你班閪婆教畜仲唔仆街今次
我即刻扮唔開心話：「佢地話唔信我有表演。。唔比我走。。我有話要早走ga 」
我老豆更加嬲！
佢即刻大聲叫 邊撚個唔比我個仔走！
羅太係後面隨隨現身
不甘視弱咁反駁！：「係我唔比ge！我點知你個仔會唔會講大話ga！梗係唔比啦！」
我老豆：「
我屌你老母呀，而家我比錢你賺呀，洗唔撚洗你批準我個仔幾撚時走呀，幾撚時輪到你話時呀！你條淊家產仲要聲大大？你知唔知我等左幾耐？你知唔知我個仔個表演幾撚重要？下！？」
全間補習社靜哂。。
我：
我老豆：
閪婆同教畜： ＞ 重＞
就係咁我老豆一野帶走左我
我開心左成個月呀
件事就係咁
後話：我老母係我地番左屋企後係咁屌我老豆，話我唔尊重人，同埋冇理我二哥感受，因為我二哥仲係入面做緊野
點知我老豆仲嬲緊：我屌你老母呀，屈我個仔講大話，仲要我係下面等左佢咁耐！再講我打比消防暑告發佢唔合消防條例呀條仆街！」
我老母：

老豆大戰補習社死閪婆老闆娘 完

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

我又想分享下

生存左20年先知
爸爸媽媽都係再婚
原來我仲有個同母異父既家姐
仲有個出唔到世既二哥

11. 番外 - 哥哥篇
好啦講左咁撚多我老母同我老豆ge 野
大家都係咁問埋我呀哥係點
其實我係好撚自豪有呢兩個阿哥ge
等我慢慢講啦
我地3兄弟 我最細
我同二哥係孖生，但唔撚同樣
大哥大我地4年定5年 （唔記得 ）
我地三個感情超好
所以我細個比老母打我大哥試過同老母講唔好打
打左細佬都冇用，仲打黎做咩？不過大哥當時咪又係得中學，我老母仲係信緊。。。冇錯，又係pta。
大哥原來有叫過佢唔好打鳩我，我都係近排先得知
岩岩知果時喊死了
好啦廢話講完
入正題
我地3兄弟 3個無論邊方面都係好唔撚同，
我：有d小聰明，會做運動，音樂方面不錯，講野識tum人開心，夠圓滑，得人鍾意
二哥： 唔叻，會做運動，好撚臭皮氣，好撚好打，好撚捱得，好撚直接！
大哥： 讀書最撚叻，諗野快，好唔捱得，唔多做運動，好多病痛，好多計仔

其賓咁樣叫我講真係唔知點講好
所以我決定講下我對佢兩個最深刻ge 野啦
二哥先
話說我二哥唔多叻
成個小學除左冇比人打之外，佢就同我差唔多
冇錯又係pta 屌
佢同我一樣成個小學都係補習補左5年
但最後呢
佢都係入左間垃圾學校
（所以我到而家都係唔知間補習社幫左d 咩，我老母真係好撚on9信埋d垃圾家長教路 ）
佢小學好似好乖，但其實同佢熟就知
只不過係我太曳
唔係佢好乖
但佢又係中中等等咁
所以冇咩人會話佢曳咁lor！
講起佢真係入到中學即刻忠於本性。
就好似我上面對佢ge 描寫
佢係中學入面ge 手球隊
佢學校手球亦係數一數二 （專出港隊）
所以你話佢有幾耐勁
加上佢又唔知點解學埋泰拳
同埋佢ge臭皮氣真係好撚似我老豆咁撚勁
真係一個幾猛ge人
但佢有一樣野係差小小，就係比較矮
好啦講到呢到 佢ge 故事開始了
話說我就話比人叫家長黎學校多姐因為犯事
我二哥真係什少。
係我中4果年
突然，我上上下堂 有個校工沖左入我班房
話 xxx 同學 （我） 快d 汁埋書包，你老豆要帶你走！
我：
心諗仆街我又做錯咩屌。。
點知一落到去我老豆好緊張
同我講
行啦行啦細佬，你二哥學校打黎話佢入撚左醫院呀！
我話：「下。。佢wor，佢點會呀，咁撚大隻。。」
一入到醫院，見倒我哥，冇乜事，係眼神有d 惡，同逢左幾針姐，我心諗好小事姐，我成日都玩到咁啦。
成家人都鬆一口氣
但問題係做咩要入院呢！？
隔左陣，見倒有另一個同我二哥同一件校服ge 學生坐住輪椅比人推左出黎。我都心諗佢又整親
點知原來唔係！
個老師見我地黎哂
開始話我地知點解我二哥要入院
原來，岩岩係二哥體育堂佢換衫時，比個籃球隊（岩岩我話比人推出黎果個）玩佢個頭，話佢矮仔。
我二哥本身應該都冇乜野
但之後我聽到話條友拍佢塊面我就明白哂
呢度有要交代小小野了
我老豆由細到大教我地一樣野
男仔，點都好，打邊都得，唔可以比人打塊面！
講番當時，個條高佬拍佢個頭，話佢矮仔之餘，仲話叫佢隻抽，我阿哥本身唔想理，點知個條友拍佢塊面咁撚過癮
我阿哥一轉身一個泰識掃腿（我聽我二哥講好似係咁叫），一野踢落條友條撚到。條友即刻訓底左，都未夠，阿哥仲要行過去補多兩拳，次後兩3個人拉先拉得開佢。
故事到呢到，大過就小不免啦
我老豆仲要話，打得唔錯，不過下次唔好踢人細佬啦呀x（我二哥個名）
我二哥：嗯
佢又醫院到番到屋企個眼神仲係咁
直到食飯買左佢最鍾意ge乳鴿先開心番
呢單野真係好深刻
聽講果條友之後連行都唔敢行近我二哥身

想知更多ge爸打可以再問
仲有單想講不過講埋大哥先
仲有單係講2哥vs on9 老母

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

12. 番外篇 － 大哥
要點講我大哥呢
我諗只可以講比爸打們聽佢有幾撚叻了
由細到大過睇過就識了 睇書勁快 仲要唔會唔記得
平時係唔番學，老豆吹佢唔脹因為成績好，佢話要係屋企自修下就比佢自己黎
小學已經入左多年頂級名校九龍塘小學
中學更入左間頂尖band 1 中學（不過唔知點解要入中文中學）
會考27定28分 （好似臨考先溫左一晚）
可以入番佢母校繼續讀 a level（係好叻因為，係真係收勁少勁少人）
我自己就唔係好知a level 有幾難因為我係dse
咁佢a level 個年就勤力左d
見佢每日都睇下書咁 （以前係日日打緊巨商，話要賺錢，我唔識玩，唔好問我點賺 ，我係玩信長的）
最後a level 出黎成績 中文中化西屎地理 全a 數學b （睇到呢到 我問親個個都話好撚勁，我唔知有幾難，所以唔講）
上面d 野都唔係我最想講
以下係我最覺得佢勁ge 地方
大家好似唔見我講佢英文
冇錯
因為佢係中文中學原因，亦因為佢由細到大唔鍾意英文，佢英文拎左f 定唔知e。
入唔到佢最想入ge 港大／中大
入左去浸大
入到去讀左半年
有一日，佢同老豆講佢要quit ，去美國讀唔想留係浸大
老豆問點解
佢話佢覺得浸大唔係佢ge level
d人太廢 （大家唔好覺得佢串，對家人冇必要吞吞吐吐）
最好老豆比佢走，因為果時屋企係已經有d 錢了。
但問題就黎啦
佢英文咁撚廢，又點去美國呀？
冇錯，係真係太廢
所以佢係入唔到 大學
要去community college 的。
大家可能心諗：真係好on9，有大學唔到去讀cc
睇埋落去吧嚇死你
冇記錯佢去美國前就去考ilets，一考 5.5
所以就要入cc
去到美國果邊
佢讀左兩年cc
頭一年佢唔開心到想自殺
因為連叫個m記都比人笑
因為英文差
聽又聽得慢
但佢死頂
聽佢講
佢每日聽美國news ，睇美國drama ，係咁睇英文書
佢讀左兩年後
拎gpa 3.9
入左全美國頭20 ge大學 做transfer student. （當中 university of minnesota 比半額資肋ge scholar 佢都唔要）
都未完
係果邊頭20ge 大學再拎GPA 3.8 入左全美國頭十ge 大學讀master
而家讀完出黎
美國政府一d 好重要ge 部門 請佢做野
而家佢一路做一路等緊phd offer （ 學校係全美國頭5間大學）
佢就係我大哥

有好多名唔出得，畢竟係我大哥ge 野唔可以出太多ge
我諗咁樣都夠了解佢
但講到呢度，佢仲係覺得，我地老豆先係最強！

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

13. 番外 - 二哥篇 之 大戰煩老母

話說大家有睇上面二哥d 故都知佢係好撚臭皮氣！

時間番番去中學時期。
記得當時都仲係中四定中五
哈哈，果時仲係興打信長，唔係lol。
因為我同二哥就係唔同中學，所以唔係一齊番屋企。
我認，我係好鍾意「lan」街 ／ 打波，所以成日都好遲番屋企，成日都miss 左餐晚飯。
就係果段時間ge 某一日，二哥 vs 老母ge 故事就發生了。
交代番小小我二哥同我老母ge 野先。
我二哥話就話好撚臭皮氣，但其實佢係屋企係好少同老母老豆嗌交，
一黎佢夠乖，屋企唔會話好似驚我咁驚佢學壞，佢係比較早成熟ge
二黎我二哥不嬲就自己故自己，你講多兩句佢就覺煩，會黎你料，所以唔好話老母，連我老豆話佢，都係一句起兩句止。講多句都唔會，但神奇地方係，你講一講，佢真係一世都唔會再錯果一樣野。所以兩老都唔會「鵝」佢。
再講一講我老母，佢係果種只要佢想你做一樣野，你要即刻做到比佢。例如： 佢想搵你幫手，係唔會等你做埋手頭上d野，佢會一直煩你煩到你幫佢為止。
去到呢個位，我想幫我二哥改個假名先，咁會睇得寫真d，比大家明個感覺
就叫佢 「阿暗」 啦
鏡頭去番當日ge屋企。
我本身都係想打波，點知我屌你老母，落雨，冇計啦唉，唯有番去打信長係啦。
每每7點倒，就開飯。
係呢道，我想問大家係咩時間比人煩先會最撚燥！？
冇錯就係打緊機果時
哈哈，屌你老母好好彩我7點就岩岩好打撚完。好好彩。
點解咁講？原因就會係今次呢個故事入面見倒。
我打完機就準備出去食飯，心諗，今次仲唔比我做番次乖乖仔！
我阿哥平時都好撚準時開飯，佢係會計撚好哂時間，打完就唔會遲食飯，因為佢係唔比人話得果隻，點知，果場信長唔知點樣4打5，即係佢果隊小咁個
佢打左好耐都未完。
哈哈，佢死硬啦。。
我老母係呢個世界最煩ge人
但永遠都係只會煩我 唔會煩二哥，上面大家可以知個原因
時間已經去到7點01分。我老母好撚快咁拎哂d 送呀飯呀上枱。
佢慢慢咁行過去二哥間房，
以下情節我想大家用心feel 下，想像下。

「角角角」我老母how我二哥房門，講
我老母：「暗呀。暗。出黎食飯啦。 」
我二哥：「得，比10分鍾我。」
我老母行番去sofa
15秒後，又行過去「角角角」「角角角」「角角角」
我老母：「暗呀，暗，暗呀，出黎食飯，等緊你啦。」
我二哥（有d感覺）：「我5分鍾內出黎。」
我老母又行番去sofa
30秒後，「角角角」「角角角」「角角角」「角角角」
我老母：「暗呀暗，你出得黎未呀！等左你好耐啦！」
講完佢又行番去sofa
但我二哥今次冇出聲
我果時已經笑到仆街 （因為平時比人煩果個係我，我好撚有feel ）
但之後晝面令笑唔撚出！
大家有睇上面二哥第一個故，應該知，佢係學校ge手球校隊，仲係好勁果隻，差唔多入港隊
就係我老母打算再行前 角角角 我二哥門時
我老母 一企起身
我二哥就開左房門
我諗當時我老母一定心諗：哈哈哈 仲唔煩撚死你咁過癮！
當時我二哥同老母距離大約隔兩三米到啦。
點知我阿哥冇行出去
佢好慢好慢咁拎起佢電腦枱上ge一隻杯。
突然，好有姿勢（我諗係手球動作掛）一野扔出去！
果個速度係連我隻眼都睇唔撚切
隻杯係我老母頭隔離飛過
撞左係場上面
之後碎哂，幅場仲要凹左。。。
我老母當時嚇到仆街個樣：
我二哥：
我：
之後我二哥再講左句：「再煩我，扔中ge 就係你個頭。」
最後佢都冇食飯，出左去自己食。
番到黎都冇出聲仲嬲緊
我係佢出左去之後入左去佢房偷睇，佢原來輸撚左
最後，都係要我老豆打番屋企先tum 得番佢。
佢仲要問我老豆，臨番黎前可唔可以買半隻乳鴿比佢做宵夜
但最後都係買唔到
不過我二哥冇事。

我老母到而家都成日提撚住佢 差d殺左自己老母。
我二哥：i don't even give a fuck.

二哥篇 之 大戰煩老母 完

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

14. 番外 - 二哥篇 之 大戰on9親戚

見大家係咁講話我二哥好鍾意食乳鴿 好得意
又叫佢做乳鴿仔
其實大家唔知啦
乳鴿同佢 其實真係有一段故仔
話說唔知大家屋企新年又有咩傳統呢？
講番我屋企小小野先
話說我家族都算好大下
咁我地有個習慣
就係每年新年都會spend 一日全個家族
一齊去一間香港好出名ge 中餐館食飯聚下
因為個間野就係出名在佢ge 乳鴿
我地就慢慢叫左你個活動做 「食乳鴿」！
而我地成家發現我二哥鍾意食乳鴿 都係因為呢個習慣
好啦故事開始前又講一講我二哥
佢其實都幾唔講究食野呢方面
乜都可以一餐
唯獨是乳鴿就特別喜愛
咁就講起有一年 ge 乳鴿日（好似係我地中3 定中4果年啦）
我地好似每年咁去食乳鴿啦！
食呀食 食呀食
好快d 乳鴿就食哂
戲玉就黎啦
我二哥唔夠皮
佢冇問過d 親戚 就同個waiter 落單
「唔該比多一隻乳鴿我，要「腦水」（唔記得點寫）果隻。」
本來都冇乜野
點知我有一個寒酸親戚細細聲講左句：「無大無細，話叫就叫，有冇問個我地呀？」
我二哥聽到，但冇理佢
點知個個閪婆個老公，再講多句：「佢地d細路點知我地要夾錢姐呀！ 」
我二哥黎料了。
佢一下拎住隻乳鴿腳，一野用佢指住兩個閪親戚，大屌一句：「我而家係要食多隻，你係唔係唔撚比我食呀！？ 」
成場大約有3至4圍啦，呆哂靜哂
佢兩個閪親戚：
我老豆都呆左，但都急急講左句緩和氣氛：「哦，細路仔咪比佢食lor，入我數啦入我數啦！ 」
個兩條垃圾親戚之後塊面黑撚到
你地知啦我二哥一嬲就唔係人咁品
加上果兩條撚屌每年係咁講自己個仔係外國點叻點叻，我二哥都唔撚like 佢好耐，佢細個仲試過笑我二哥讀唔撚到書tim
好啦，之後佢地兩個梗係冇聲出啦
但我二哥就唔同啦
佢係咁口up up 同我 大哥講：「屌你老母夠膽唔比我食野？你估我係你個仔？飲氣水都要問過老豆老母？on9！ 」
我大哥：「係啦係啦，食啦唔好嘈啦。 」
我二哥全程一路食隻乳鴿，一路睥撚住個條閪婆
我：
自此之後，每年食乳鴿，我老豆都叫多一兩隻，話事睥wor
同埋個兩條撚屌都驚左我二哥咁款，唔敢同佢拜年

番外 - 二哥篇 之 大戰on9親戚 完。

希望大家比d feedback 同留言支持
我先有動力
打多d 我ge故事比大家睇咁撚過癮呀拿！

pta咪即係家長教師會

https://lihkg.com/thread/104655/page/35
其實好多野我係reply 度講左
所以想明白多d 的話可以睇番上一個post
呢條就係link
enjoy～