[開心速遞]熊若水龔燁 供水線集中討論區（29）期待龔水放閃日常！

睇緊376，原來咁早已經開始著情侶裝

我覺得可能就係食通粉個陣傾

tree gun肯定會再講到呢句

話時話原來大家姐嗰時個樣係咁望住阿爸

其實大家姐回水嗰集已經覺得阿水對阿龔嘅感覺唔係普通朋友咁簡單

treegun要多謝佢

我估係其他時間講可能開心嘅時空傾完535果個電話嘅夜晚...

唔想刻意但係又餵食
真係好不經意的刻意

我覺得大家姐對於阿水同長毛之間一直係默默觀察食花生的狀態，仲有當初佢都看得出長毛龔鍾意阿水 上面呢張，大家姐完全係：對嗰長毛咁好，無家可歸居然帶埋佢翻屋企，真係普通朋友咁簡單？！

想淘個雙下巴天使公仔返嚟
大家覺得劇入面個隻係細、中、大邊個size呀？

大家姐真係貫徹始終咁覺得龔水係有啲嘢架

貫徹始終剝花生
我等大家姐新書用龔水做藍本架

呢個係邊集架?

究竟熊家人眼中阿水有幾差

我覺得熊家人只係嘴上不饒人啫，其實心裡面都欣賞彼此嘅好

燁來越愛你 上
同博士佢地double dating 完嗰時講

冇記錯應該係《燁來越愛你（上）》
（有錯請指正）

我仲以為係回水之後添

睇咁多次534都仲係會覺得中環嗰幕好震撼
龔水嘅表情真係做得好細膩
印象最深刻嘅阿龔講嗰句「你真係想聽真話咩？我驚你唔敢聽喎」
佢見到塊餅嘅時候呆咗陣，然後望住阿水帶啲自嘲同不屑咁笑住講呢句話，聽到呢句話我個心都嗱住嗱住
其實阿龔一直都唔敢有表示，除咗要以事業為重之外，可能都係因為279畀阿水拒絕過，雖然佢扮到好似唔care，但係某程度上呢件事喺佢心中有條刺，或者佢對呢件事一直耿耿於懷
阿龔之前講過幾次「我驚你唔敢聽喎」，280係佢睇開咗知道阿水唔鍾意自己之後笑住咁講，410係佢知道自己唔會講真話嘅時候開下玩笑咁講，454係帶啲試探咁問，但冇一次係好似534咁冇自信
平時口花花嘅阿龔喺面對自己感情嘅時候都會怯，會退縮，要一個壓抑自己感情同將所有嘢都收收埋埋嘅人鼓起勇氣表白真係唔容易，佢仲要喺畀阿水hurt過
所以佢講呢句話與其係佢覺得阿水唔敢聽，不如話係佢唔敢講，所以先會講呢句話打算兜過佢
好彩嘅係阿水性格直爽，唔畀佢就咁兜過，仲肯主動畀機會佢，如果唔係中環都好大機會BE
（呢度好佩服編劇諗到呢個劇情，冇記錯嘅話黃秀清好少寫龔水線，但係都摸透晒龔水性格，寫到個合情合理嘅表白）
kiss嗰下真係好爆估唔到少男龔咁進擊
或者阿龔（同我哋）真係等咗太耐，用言語已經表達唔到佢望穿秋水終於等到暗戀對象回應自己嘅激動同興奮，一個衝動嘅擁吻喺劇情上同情感爆發上都好震撼，配合埋bgm真係超完美，呢幕睇咁多次仲係會睇到心跳加速
kiss完之後阿水望住阿龔個樣係呆呆哋有啲開心又有啲怕羞，真係好有初戀feel
阿龔就笑得好開心，好似卸下所有面具同包袱咁，喺阿水面前坦露一切喜悅，做返真真正正嘅自己
仲要佢兩個都眼濕濕，個世界喺嗰刻就好似得返佢兩個咁，你眼中只有我，我眼中只得你
而我最鍾意嘅一個shot係最後定格scene，龔水嘅背影單純又美好，合襯之餘又見到佢哋歡喜冤家嘅影子，係最完美嘅定格呀
直頭想save做desktop pic但係cap唔到高清圖

534真係好好睇，多謝台前幕後所有人，阿蟹stanley真係做得好好，幕後運鏡剪接配樂等等全部good job
好似過咗好耐先打534感想
但係睇完第n次之後忍唔住打

唔帶眼鏡，係咪拍拖look，有愛情滋潤係唔同啲
水水: 仲乜唔帶番幅眼鏡，你咁樣會引死好多人，快啲帶番幅眼鏡

記得以前套師奶madam Stanley仲係喺蕭正楠隔離做陪襯
而家嘅Stanley演技真係拋離蕭正楠幾十條街 蕭正楠做戲真係一碌木咁完全帶動唔到我入戲
Stanley啲表情同肢體動作都到位同多變好多
希望佢第時有機會出去拍劇 都有機會擔正啦

Satok講曬我啲感想出嚟
我都覺得最後嘅背影好感動 好似見證佢地以後都會相伴相愛地走下去咁
今日再loop都係好激動好興奮
唔知隔幾耐再睇先會心情平復