試想下返咗全日工 身心疲累 能夠放空咁做一件事真係好爽
我認為撩鼻屎最能夠令我放鬆
因為唔需要動用任何體力 只需要伸隻食指入鼻哥窿 撩阿撩 撩阿撩 個刻忘我到去咗另一境界 繼續撩 繼續撩 撩到越多越好 如果個晚鼻哥窿無鼻屎 我會好失望 係我眼中 鼻屎係分做幾個level:
Level 1: 微塵鼻屎-呢種鼻屎嘅體積同重量都係最小 最容易依附係鼻毛上面 基本上你用力噴一噴氣 都可以噴到佢出嚟
Level 2: 拉絲型鼻屎-呢種鼻屎呈黏狀 係鼻涕與鼻屎之間嘅狀態 係我最愛嘅鼻屎 因為要遇著未完全乾透嘅狀態真係好難得 簡直媲美芝心批上嘅拉絲
Level 3: 普通鼻屎-佢係最普遍嘅固體鼻屎 只要輕輕一挖就挖到出黎
Level 4: 鐘乳石鼻屎-呢款鼻屎呈不規則+長條形咁凝固係鼻窿入面 似係幾舊鼻屎連埋一齊 需要花些少力氣將佢成條撩出
Level 5: 便秘型鼻屎-每個人遇到呢款鼻屎都會好痛苦 因為佢經過時間嘅洗禮 佢已經深深咁鑲嵌咗係鼻膜上面 呢個時候大家要小心 一定要用水整濕佢然後再將佢撩出 如果唔係好易整損個鼻
唔講咁多 衝緊返屋企撩個靚鼻屎先 希望今晚收穫豐富
