背痛 膝頭痛 衝擊波治療

有冇人試過衝擊波治療？

背痛左3年多了，中西醫都睇過唔少。之前有開post，可以去睇下。

照過MRI, x-ray 都正常，應該係之前勞損或者整傷左，而自己又唔知，導致慢性嘅背肌筋膜發炎。

上網睇過衝擊波個原理係先對發炎位置造成微少傷害，令大腦懂得重啟修復系統，去處理發炎位置。

通常4-5次有好轉。我見有人就好啲，有人就覺得冇用。

我想問下大家覺得有冇用，做左幾多次，去邊度睇，收費如何？

感謝大家。

唔係剩係做shock wave就有效架 運動治療都係好重要

Btw 一般physio應該都有shock wave機做 收費600左近啦 唔係剩係做呢個機既

個種酸同冤，係骨入面冤出黎

難頂到仆街

退化性關節炎都放棄左咁滯

睇左成皮野都唔見得會斷尾

之前$580

衝擊波 上面講左好辛苦

再4個吸盤吸吸下 電下 好舒服

之後再開燈烘/曬下個膝頭

衝擊波開頂幾次係好痛
好似俾啲大針吉咁
但我嗰陣傷左去做衝擊波
要佢越開越大因為好痛得好爽

其實真係有用既，長期做

因為我由開頭大半個圈既膝頭都冤痛

去到後期得返1個凹位痛

但已經claim爆左份保險停左

我覺得針灸有效d, 不過大前提你要唔驚

我傷左幾次
次次都claim爆晒

其實我唔夾個背脊就唔痛嘅，但係正常夾唔會痛嘛⋯

我而家針灸加推拿，醫師話可能要半年至一年先好...

之前keep住做運動同拉筋，拉完係舒服啲，但轉頭又番黎，仲會更痛、更攰。

而家個中醫師話唔好拉住，唔好成日諗痛，一覺得緊就拉腳，拉其他位置黎分散注意，哈，又真係冇咁攰喎！

但我輕輕夾下背試下痛唔痛，又好似仲係咁痛......

我逢一、三、五去針同推拿嘅

總之就係唔夾個背脊，就唔痛，但又好似唔係康復緊咁，好似只係逃避問題咁，大家明唔明

姐係病人同醫生講：醫生我隻手揸實拳頭會痛！
醫生：咁你唔好揸實
病人覺得：係喎！舒服啲喎！

但其實係咪康復緊。。。

我唔郁會舒服啲，愈郁就愈攰愈痛，之前試過keep住做佢教個啲拉筋，話就話乳酸排掉就會唔痛，事實又唔係咁。。。

第一次聽，原來有呢種方法。

打針打一個位，消炎止痛。

不過我成個左上背咁大範圍，唔知得唔得呢。

我研究下有冇咩副作用先。

想問下你打左幾多次衝擊波？

打針打左一次就好了？ 打左幾耐，到而家有冇咩副作用？

成日啲人覺得痛就去拉 唔係次次都啱用 有研究指有部分肌肉緊張係因為個肌肉唔夠力 所以長期蹦緊 係呢個情況拉筋只係治標 治本有循序漸進嘅鍛練 當然唔係叫你用平時做gym咁hardcore Ge 方法去練 應該要搵個物理治療師 幫你練下motor control, stabilization嗰啲

Prp 比較新 啲evidence 唔係好強 我都想知多啲效果點 想問下你係類風濕關節炎定關節炎定其他？

利申 物理治療學生

我想問下 我手腕勞損(醫生話
用力會有少少痛。打衝擊波 有無用？？

斷左前十字韌帶，打衝擊波痛撚到仆街

手腕勞損咁籠統 不過多數係de Q syndrome
無用

師兄想問下如果隻腳拗柴咬得太多次
而家隻腳一打轉就會格格格聲出哂黎仲好緊
有冇得救

做過兩次就好返
第一次做腳跟痛痛痛到標眼水又縮
第二次食左強效止痛藥先做