今日我老婆同我講分開

佢唔係屋企 佢返咗工仲未放工 我留低左張紙仔 寫低咗啲我想講嘅說話 希望佢唔好反感

睇到好sad

之前冇比暗示/開明同你講過咩？
咁突然一下子就話離婚 你應該好愕然
我個人覺得可能係關係無左熱情 佢唔想再繼續咁落去
每一日都日復日咁 返工收工 食飯訓教 放假就行街睇戲返屋企

雖然話大家冇咩興趣 偶然比啲小驚喜送下花、突然帶佢食餐好野、去遠啲出去玩下都好
缺乏情趣真係好悶架
或者你同佢問下佢係咪已經無彎轉 如果係 去埋最後一次短途旅行 睇下擦唔擦得出火花返黎

去下西貢 南丫島 長洲 澳門 兩日一夜當旅行咁放鬆下都好
再唔係去book架露營車 燒下野食 睇下星星都唔錯
樓主加油追老婆返黎呀
兩個人過到16年都好難得 大家都唔好咁易放棄

呢半年反反覆覆都講過幾次 次次都哭哭啼啼好傷 我試過帶佢去玩 養隻貓 之後好轉到好似冇事咁 大家工作又慢慢開始忙返但係都開心咁 突然上星期有一日180度大反轉 話放低左唔諗係開心左 不過佢決定要正視個問題 而正視嘅方法就係分開

你啲意見好多都好實用 如果過到呢一關 我全部都去晒佢

同我識得嘅一個筆友差不多

佢同老公青梅竹馬到結婚6年
老公踏踏實實咁生活 返工放工成份糧比哂佢
佢就家庭主婦 無事就睇書畫畫追求遠方的詩和歌
有日唔知係邊識左個男人
同佢分享左好多生活嘅趣味同不平凡
從個刻起佢就對自己生活好不滿足
甚至乎睇唔起自己嘅老公
有日就講左同樓主老婆差不多嘅野
然後離婚收場

離婚後兩年 佢去過流浪 去過各地做義工 體驗各式各樣唔同嘅生活
期間佢前夫一直都有關心佢 慰問佢 支持佢
有日佢突然醒覺
其實簡單嘅幸福一直都係佢身邊無離開過佢
但佢差啲就永遠失去左
然後兩個又復合 結婚


希望樓主同老婆唔洗走咁多彎路啦
幸福唔在於生活方式 而係態度

溝通~真心~誠意~愛

老婆唔係淡左就換。。叫你走。。你就走咩～你冇左佢。。OR 佢冇左你會好慘。。。

最主要係你仲鐘唔鐘意你老婆

你老婆對自己有啲唔負責任⋯
你話佢冇興趣嗜好，呢樣野唔關你事⋯
佢係一個個體嚟

如果樂觀d諗
我估你老婆心態係人生就果幾十年
一直平平凡凡咁過佢會後悔
所以想離婚 然後去實現佢自己既願望
可能似樓上講咁 去下流浪、做下義工
如果佢身份仲係你老婆 佢就咩都做唔到
如果你愛佢 又願意等佢
咁不如以朋友方式支持佢想行既路
總有一日 佢都係會番黎

今次放手 可能仲可以睇穿佢係咩人
究竟有第二個 定放開佢佢更開心 ？
希望樓主振作！ 時間可以睇穿一切！

藉口，樓主快d走

佢今日再同我講得明白 佢話咁多年來就我就到冇咗自己 無愛 近呢幾年只係一個很親密嘅屋企人 佢想去搵返自己 佢唔想因為年紀大就行啲無得選擇嘅路 我唔知道佢幾時開始有呢啲感覺 我甚至乎懷疑呢啲只係佢內心做咗決定之後大腦幫佢填充出嚟嘅內容 一路以來 我每一日都好慶幸自己有個溫暖嘅屋企有個善良嘅老婆 呢啲好sweet嘅感覺我又唔覺得係自己幻想出嚟我覺得係有雙方面

佢亦話佢都好不安 唔捨得 好唔習慣要走出comfort zone .... 但從呢啲字我反而感覺到佢對沒有我的將來有盼望 所以我冇再爛纏落去 已經完了

我完全諗唔到我之後嘅人生應該點 不過應該仲有好多時間去慢慢諗 因為得我自己一個

走就走。冇話邊個冇邊唔得

.....

未玩夠，可惜

由佢囉
佢都30中都肯去為自己沖多次
你又何必阻止人呢
都未計可能有姦夫

經歷緊同樓主相似嘅嘢，只係角色掉轉

結咗婚先知男人真係可以諗得好單純，你一日唔係佢面前喊，佢都唔會睇得到你有幾難受
你唔同佢講忍讓咗幾多，佢就會繼續好幸福咁生活落去
終於為咗段關係唔好惡化落去，我好坦白咁攤開嚟講，講到攬住喊
依家一齊努力緊去改，我學識多d 講自己感受，亦唔會承擔太多；佢就學習去行動多d, 付出多d
只係想樓主知道，做被愛嗰個，你都幸福咗16 年，至於放手定挽留，就係你嘅決定

其實佢對你真的好好，夠坦白。亦證明大家真的努力過付出過。嚟緊都係一段真空期嚟，到時再組織再重新出發吧，巴打加油

上完去死lur 多次 好羨慕你地仲有機會 一定要珍惜！

你嘅形容真係好似同我嘅一樣 你嗰啲內容我哋今日對話中都出現左好多次 我承諾左好多嘢我真心係可以去做過 最後都係攬住一齊喊 不過佢喊住叫好唔捨得但要我放手 我亦冇得唔放手

的確我已經幸福左16年 被愛左16年 自己忽略咗太多 自私得太多 以為一心為家就大條道理 我唔鍾意太多用口講 我努力去俾佢我以為佢鍾意嘅生活 結果每日生活裏就係爭果一句 爭果一D計劃將來嘅對話 爭左啲溝通

加油呀 你真心改過 佢會睇到 比啲時間大家