孤獨精有冇得救

由高登開始做左起碼十年CDROM。今次係第一次起兩登出post，覺得自己摺到仆街

由細到大都係一個人獨來獨往，唔係話好享受一個人既環境，而係覺得冇咩群體會適合自己同埋由細個一路到中學都俾人欺凌，對人際關係既諗法好易去左負面同偏激明明讀大學之後同出黎做野面對既人都係正正常常，好多時候都會想寧願一個人算啦。然後又成日戴住個面具做人，又或者完全收埋自己既諗法

到宜家得返兩個算係close既中同間唔中會聯絡。再前排好錫我既一個親戚又走左。突然感覺自己會就咁樣一個人摺埋過一世，肯錫我同理解我既人只會愈黎愈少，然後更加消極覺得冇辦法改變，唔想做任何野。

有冇過來人明同克服倒依種心態或者屌醒下我都好

冇人覆你我覆，同你差唔多，冇乜fd搵，冇女，同事放工唔會聯絡，好彩兩老健在，已慣

不過比你好就係冇試過畀人斯凌

多朋友冇用，知己難求

我諗我係要學識去面對一個人既生活，多過逼自己去social又或者識人之類始終依啲野強求唔黎

但有時一個人自己都覺得好悶，衰在夜晚鳩痕上黎又真係好煩以前打完J就瞓倒，宜家打完J都覺得出唔倒火，想轉移精力出去做運動又整撚親左隻腳，仆街有排都好唔返愈黎愈覺得自己好撚廢。

果位親人走左之後又控制唔倒自己情緒，成日男人老狗一個人起屋企會突然間喊到停唔撚倒好似癲左咁，有幾次無啦啦行街搭車都忍唔倒喊好彩冇俾人望倒，真係好on9

我覺得我係俾果啲事影響得好深，明知過左去我仲成日諗返以前果啲野。好執著佢地做過既事同埋想睇佢地快啲仆街明明就唔係咁樣過生活

心病真係好難醫，靠自己或者靠貴人。有時自己諗返起啲柒事真係想撼頭埋牆。但諗諗下人生成六十 幾八十年，嗰啲發生咗幾個月幾日甚至只有幾分鐘嘅柒事其實好渺小。

有時自己睇自己太大太重要，轉牛角尖，自己好慘，搞到自己視野好狹隘，但轉念諗其實自己只係世界中一點塵，其實一切都唔係咁重要。

跑步好撚悶，個人就唔鍾意跑。不過跑過10k，完成咗又幾開心。做吓gym都好，只要唔好怕第一次去，做做吓就唔怕比人望

除左運動之外 巴打會唔會有其他興趣啊 ？
我覺得有啲野忙可以避免自己成日諗返起之前
同埋專注一樣野都可以有種進步緊既感覺 ！！

另外 我覺得其實世界上好多毒撚同我地一樣
不過佢地太毒 所以發現唔到佢地
所以巴打唔係自己一個架

有興趣可以睇下 我覺得幾得意

https://www.ted.com/talks/susan_cain_the_power_of_introverts

點解要救 其實應該享受
同人相處覺得好麻煩 有時自己想去邊就去邊做咩就做咩幾好呀

以前去過次gym玩跑步機，俾隔離班友臭到我跑一步都即刻走好撚憎人地啲臭汗味，寧願出街跑或者留起屋企做避開人地，但街路唔平又跑到隻腳收左皮我又唔想成日做重訓，練完會更加想打J打左出黎又會勁攰，唔打又好撚難頂

夏天就話有得游水游冬泳真係唔得。之前想試下行返山，但腳痛天勉強唔倒變左冇咩運動可以做，收工龜縮起屋企打機

睇過依條片以前讀U果陣好得閒，會成日諗好多依啲野去暸解自己既處境，最尾發覺會諗到壞腦，又改善唔倒咩野，所以算數

但出黎做野之後有好多問題冇得唔面對，成個人就開始好焦慮，個心態好唔安定又唔想屋企人擔心

原本幾鐘意影相同埋玩下耳機野，但一黎冇咁多錢燒二黎份人唔知幾時變得好自卑，唔想影自己，去旅行都唔想同人影影完好多風景相都唔會去執相睇返

有諗過研究下佛學啲野，但又好似冇咩依方面既緣份，自己睇完都係唔撚明又唔想搵人交流

宜家睇緊有冇機會進修同順便r張master沙紙，但轉個頭諗，屌讀左咁撚多年書已經好撚攰，仲要逼自己收工再踩返落個坑到我又唔似果班叻既毒撚咁自修日文N1，冇咁既目標同熱誠日日收工覺得自己成條鹹魚咁

之前果排就係一收工就起勢去跑。一路睇風景追住日落跑真係好開心好撚正如果冇整親隻腳既話。

或者我係想搵返以前果種安心咁生活既感覺由細到大都係一個人咁捱架啦，點樣宜家會諗得咁多同咁唔定。

有冇諗過養吓狗/貓

好想養貓但同緊屋企人住又唔養得住。一黎未有能力搬出去一個人住，二黎唔知自己處理倒唔倒寵物依件事。有時去下貓cafe或者街貓黎撩我我反而唔知點相處頂多撚佢兩下咁

如果你同緊屋企人住已經覺得孤獨，咁勸你唔好自己一個住，驚你有抑鬱

如果有小動物淨係撚佢幾吓都覺得好開心，佢嗲一嗲你又會覺得好溫暖希望你有機會就養吓

巴打自己有冇啲咩興趣噤？

巴打有冇諗過打開自己識多啲朋友

前面講左真係諗唔倒仲有咩興趣，格硬再搵就唯有講睇書囉以前會特登出中央圖書館同濕鳩cafe度搵下書hea下，突然有一排唔想再掂書，同埋覺得件事有啲on99就算數。

其實以前定下心留起屋企可以衰瞇書追成套小說，但真係做唔返件事好多書未開就擺撚晒起床底封塵，遲下想放晒佢算，唔會想睇

價值觀好難改，成日覺得以前自己係衰啲on99既野俾人欺凌，我就會諗點樣搵同改自己既on9位去同人相處，好在意其他人會唔會突然好似以前果啲中學班垃圾咁玩鳩你，同埋敏感到成撚日懷疑人地諗緊自己有乜地方衰跟本被害妄想症，明明冇人咁再對待自己，又要成日起度提醒自己咪撚做on9仔學前面果位師兄話齋，將自己同其他人諗得太重要

出黎做野之後雖然多左圈子，但又覺得同周圍所有人唔夾，逼自己去埋堆結果又好撚唔開心覺得好晒時間即使最close果啲fd都係間唔中先會wts傾同約出黎

同樓主差唔多 有被欺凌經驗
對於人呢樣野都睇到化哂 唔信D咩人際關係
得一兩個中同間唔時傾下計食下飯。

由中學識事開始 已經開始咩都靠自己 做個自私嘅獨行者
出到黎做野更加係