點解要隱瞞？點解唔可以坦白？

拍左拖年幾 一直都好信任佢
佢話番shift好攰收工就番屋企訓教做gym 得閒陪阿媽 一星期約我2-3日出街食飯 大時大節都一齊過
點知上個禮拜發現佢一直都keep住同個識左十年嘅女性朋友whatsapp
唔睇都冇事 一睇...
發現我男朋友同我拍拖尼一年間不停偷偷地同條女出街 著到好靚咁去食高級餐廳 送禮物俾佢 接送條女 仲同條女講 傻豬今日全日都可以陪你
癡線 佢話條女都有一個拍左五年拖嘅男朋友
但係佢居然都仲可以同我男朋友出街講曖昧嘢

俾我發現左之後我男朋友話隱瞞我係想我唔開心 如果佢一開始坦白根本唔會演變到尼個地步 前提係佢從來冇介紹過佢果個朋友俾我識

佢話無做d對我唔住嘅事 只係瞞住我出街
我真係好失望好傷心就算原諒左佢 我個心都有條刺
佢已經打破左我對佢一直以黎嘅信任

奉勸各位情侶唔好以為可以瞞到一世 如果你真係愛佢有咩就坦白講啦

我數三聲 你同我收聲

放下負得唔得姐

佢做初一你做十五

咁似我ex
又係話唔想我知道 就係唔想我唔開心
俾我發現左 我問佢點解要咁樣對我
佢話知錯 佢眼都紅哂咁樣同我講唔會有下次
同我講話下次同''佢朋友''出街既時候 會同我講

但最後 都係帽事
唔好咁傻豬信埋咩唔想你唔開心 根本滿口謊言
講真 乜野朋友出街要攬攬錫錫？又要打扮到成隻雀咁去見佢？你同我出街錫唔夠？同我攬唔夠？又唔見你同我出街個陣打扮得好好睇睇？
點都講唔通啦 簡單係狗屁一通 唔想我開心？我看佢都係想無縫接軌咋下話？

收聲

分手啦 he’s just not that into you

我而家唔知佢地有冇做d越軌行為
佢同我講 要有嘢發生早係十年前已經發生 要呃你點都唔會俾你發現到 而家你見到姐係代表我係為左你

個個都話佢好識講嘢 可能我太天真太蠢啦

點會冇 話冇你自己都唔信啦下話

原來咁多男人都係做呢d行為講呢d說話。差d我真係以為講緊我前男朋友。 其實做出呢種行為，真正嘅原因並唔係咩唔想人誤會唔想人擔心，只係想自己爽滿足自己欲望，再深一層諗，即係並唔係好愛你，所以又點會諗你感受，前男朋友都講過:咁簡單嘅事，男人點會做唔到，只係唔愛你唔願意去做啫，我同你拍拖之後一定會好好對你，做到你要求。。
呢個係事實，必需要承認，希望你努力捱過去。。。

好想信佢冇嘢但係個心根本釋懷唔到
佢話時間會證明一切 甚至應承可以唔同個朋友聯絡
但係我想講就算佢應承我都可以偷偷地去見佢
不過我打算去會一會個女仔 佢話介紹我地識

咁痴線

咁小事, 你做乜發咁大牌氣喎

我已經唔再信愛情

佢話咁樣就可以證明一切 大家只係朋友...
唯有俾次機會佢證明

咁有唔好咁灰
我相信世界會有好人
正如我
見到果下我以為自己係第三者 係咪自己做得唔好

介紹你識都冇用，你去到只有一個結果:佢地兩個極力否認，係你誤會。
因為佢地倆個都知對對方有好感，有共識係唔見得光嘅感情，所以唔忍瞞。
你而家要做嘅事唔係去會，而係叫你男朋友同你講真話，就算幾難聽，你都要聽。咁先係真正出路

會忍瞞

佢話已經坦白左 佢從冇帶過女朋友見過佢媽咪我係第一個 如果有嘢佢唔會留低尼d證據俾我見到
如果佢有做越軌行為我情願佢坦白一切 但佢死都話無

有個你唔識嘅女性朋友唔係問題，嗌人傻豬就真係好過份
或者佢地曾經識你之前有段感情
不過共識無一齊到過咗去掛

講真咁都忍得屎都食得啦

有無人可以指點迷津啊