我之前都冇諗過幾條扁平既雪條棍可以整到咁多野出黎
於是小弟就自己好奇動手整
又真係幾有趣
一開始諗住整個好似簡單d比較入門d既野
呢個係第一個成品
一個立體既五角星
第一次整落比想像中難好多
得一把界刀仔切哂所有雪條棍其實都唔簡單
又要每塊都度到岩岩好size
切完又要打磨下 都幾煩
都係整完既成功感都幾大
而第二次我諗住整d自己諗出黎既野
我就整左個木牌仔 上面刻左一個我鍾意既歌星名
因為都只係第二次整 手工都幾粗糙下
但係係雪條棍上面界開個字/圖案出黎既難度又超出我所想
整完之後既突破感真係好正
途中細節位遇到好多少困難都哂左好多時間改正
整完自己J幾年都掂
再之後我諗住整d實用d既物件 平時都會用到
所以就整左粒骰仔
唔好睇佢細細粒好似比上面兩個易整
但係其實難好多
要度好岩岩好正四方體真係極難
度好用白膠漿痴好 都會有誤差
之後打磨既微調 磨到我精神失常
仲有骰仔唔係起哂角 每條邊都有d 弧度
先可以令粒骰擇既時候更加公平
而近排 我諗應該唔淨止可以整物件
仲可以係上面刻字！
我就諗住整個鎖匙扣 上面刻隻字 送比朋友
呢幅係試刻字上塊雪條棍板度 諗住練習幾次就正式刻上鎖匙扣
個字只係用界刀一刀一刀咁雕 真係攰撚死我隻眼
做出黎個效了又幾滿意 就刻左落塊細板度痴上鎖匙扣
暫時淨係整左咁多 遲d應該會再整多d
如果有大佬之前有整開呢類野
希望可以比d意見小弟！
?
平平地雕刻刀可以就手d
