我先話說果陣我仲讀緊中一，
好記得有個weekend，
全家人都返咗大陸兩日一夜探親，
所以得返我一個係屋企。
果晚同學們係msn問我想唔想開多線煲通宵電話粥，
而果陣仲係未有人人有手提電話嘅年代（至少我未有
），所以好自然打我屋企電話，
咁我地就開始傾傾傾傾到淩晨1點。
由於小弟屋企電話係無線果隻，
所以傾左4個幾鐘已經冇乜電。
我同佢地講我想拎部電話去差電先，
轉頭3點再打返俾我。
如是者我就拎返出廳差電，
但等等下唔小心瞓著咗。
瞓到濛濛鬆鬆之際電話就響，
但由於唔想起身所以冇聽，
而電話響左兩三下就冇響，
果刻我好好奇點解咁快cut線，
但由於太眼訓所以冇理。
去到星期一返學，
啲同學問我做乜咁冇雷瞓咗，又話傾電話之類。
我
同學
「唔係啊因為沖緊涼聽唔到電話」「唔係喎有人聽然後話你瞓左㗎喎？」「下，冇理由，果晚我屋企都冇人，你地係咪打錯電話？」 「應該冇喎，對方一拎起個電話係個男人聽，我地仲問：唔該我想揾（小弟全朵）吖，對方就答你已經瞓左，我地先收線嘅」
事後睇返同學個來電顯示，又真係冇打錯，
我再問屋企人係咪有人set左飛線之類，全部人話冇
究竟個男人係邊個
點解又會知我瞓左教
利申：真人真事
