肥仔減肥，請各位大隻佬指點一下

本人170cm高，78kg
飲食:
早餐：兩隻蛋，一條蕉
午餐：焗豬扒飯
Tea：兩隻雞蛋
飯餐：一至兩碗菜、極少量飯
全日只飲水，每日2000c水以上

一星期做3次gym，每次做前會跑5至8分鐘步熱身，重訓以上半身訓練爲主，8-12爲一組，總共16-20組4種動作，每次做完會飲25-30克既奶粉
一星期會做一次45-90分鐘的帶氧運動，例如跑步、游水。

目標：減脂增肌

1. 想問咁既飲食習慣會唔會唔夠/太多營養
2.如果唔夠，應該要食咩？點改善個飲食餐單
3.重訓個方法有咩問題？應該點改善
4.如果有其他問題，請大大屌9小弟

午餐焗豬太肥不了

我 15% 體脂 , lunch 都好耐無食粉麵飯了

dont skip leg day

想減肥嘅做重訓最好練埋大腿
一量肌肉大舊消耗多啲
二來淨係練上身唔練下身會好柒，你減都係為左靚架啫

唔好答我咩怕腳粗嗰啲，我會即刻屌你同屌你老母

明白，但飲食方面有冇問題

佢呢個schedule 我覺得一日入面有一餐正常食係ok
唔係會好難堅持落去
佢依家目的係減肥，唔係要操到好fit做健美先生/運動員，所以要現實啲，唔洗太執著呢一半餐
除非樓主好急要減啦

利申：曾經一日三餐正常食+一星期做三四次重訓同帶氧，半年減左10-15kg

我覺得可以平均返係其他兩餐，
食其他仲實際，又飽肚

都係一個方法
睇樓主鍾意儲埋一炮過定平均分配啦

起我底睇FAQ

😍😍😍

點樣平均？早餐同午餐？

早餐同晚餐食返多啲，中午唔好食焗豬咁肥，焗豬成千幾卡，改食茄汁豬扒飯都少幾百卡，仲未計脂肪

好

會唔會每次重訓完都做埋帶氧會有效d呀？

其實只要戒飲品+正常運動 可以好快瘦

做完重訓做定做前做

最一般都係會話做完重訓做帶氧
不過, 帶返個頭盔先, 而家資訊發達, 有好多唔同嘅減肥方法, 最緊要係你自己搵到你覺得最有效, 而又能夠持之以恆嘅方法

睇你目標係邊樣
緊要個樣做先，因為之後個項既質量會下跌

哩個我算有少少經驗，高你少少，之前80kg，2個月到72kg。
肥底增肌冇L用，自己每日望係睇唔出身型變化，瘦佐or瘦底先考慮增肌。冇錯增肌係可以加快代謝率，體重唔點變但體型變好，但體重落得慢，心態keep唔住（心態keep住先係最緊要）。同埋做完gym會俾自己錯覺今日好work hard，食多d冇問題幫助肌肉修復，然後可能增到少少肌但減脂基本fail。
我自己建議可以將gym時間變跑步/游水，一個星期3-4日5-10k，第一個禮拜唔會有效果，仲係適應期，但第二個禮拜開始就會見到明顯減磅，開始覺得有回報。好似打機咁，變成解任務咁收集幾多km，獎勵減幾多kg。聽過好多人減脂fail就係因為心太大想同時減脂增肌一步到位，然後因為成個月體重冇點變而放棄，除非你係專業做開健身淨關注體脂唔關注體重對哩d有心理準備。

飲食方面最緊要，食得唔好做幾多都冇用，三分練七分食，焗豬趴飯不了。我之前menu係早餐一碗麥皮或者間唔中落街食個任意早餐，中午7仔沙律（sauce千祈唔好落，最多落一半），夜晚自己煮d菜or雞胸肉（推薦好食又唔肥既煮法：菜水滾，過冷河，擰乾，落少少豉油同少少砂糖；雞胸肉用生粉+豉油醃一醃幾分鐘，落水滾or煎），唔食澱粉或者用低脂蕎麥麵代替。中間如果肚餓，用番茄仔or青瓜仔or baby carrot代替。哩d食法會好dry，所以每個禮拜會俾自己放肆一次，想食乜食乜，唔理任何健康脂肪乜L嘢，想食就食食幾多都得，下個禮拜繼續。最緊要係keep住個心態。

真心咩 我之前其實都試過咁 但減唔到

咩叫肥底增肌無用

冇用意思係，你肌肉俾肥肉包住，都係肥，顯唔出黎，好似d相撲手其實肌肉好L勁，勁過大部份操到好大隻果d，只係皮下脂肪包住。從肥仔變佐一個好有力既肥仔。
肌肉係一定build到，肌力都一定增加，基礎代謝都一定會變高，同樣體重身型一定會好，長久都一定係好，但係，短期你睇唔出變化，尤其自己每日望住自己，係察覺唔到自己變fit佐，心態好易放棄。所以我自己會建議，先減見效快，再增肌（重要事情講三次，減肥最緊要係轉變個心態同埋keep到，開頭最緊要係俾自己睇到效果先有動力
同埋最緊要係，增肌要食多d嘢，減脂要食少d嘢，唔係熟頭熟路識得balance揀嘢食控制飲食，就唔好心太高玩高端操作，分開做會輕鬆好多

減肥唔練下身？