我媽媽有被害妄想症

自從舊年開始，我地一家人搬入公屋，租金少左，父母既負擔都大大減少，當我地全家人都好開心，以為真係要開始過上好少少既生活，但係惡夢先慢慢開始。

唔知道由邊一日起，媽媽開始話成日聞到啲臭味，我地全家人一開始都不以為然，話唔覺得臭啊之類。

咁既日子經歷左一段時間，媽媽開始將矛頭指向我地全家，話我老豆出面有女人，話我係比人洗腦，所以全家都想噴啲毒氣比佢，我第一次聽到真係好傷心，同佢嗌⬅️大交，後來佢又扮冇事同我講嘢，然後又開始不停重複屈屋企人噴佢，出面既人噴佢。

仲要經常做好奇怪既動作，不停換衫洗衫，有時會係屋企窗台大叫（佢話爸爸包既二奶追到樓下攞家用，所以要係窗台講比佢聽），經常性怒啤街上既人（覺得佢地噴佢），覺得全香港人都識佢（全香港都知佢臭），對住屋企人吹氣（因為佢覺得我地噴緊啲臭氣比佢所以要吹走佢）

直到頭先，全家訓左，係屋企不停開燈關燈，仲要開門出去睇係咪有人裝佢，跟著我原本準備訓覺，佢無啦啦走黎同我講話原來我真係俾人洗左腦

其實我真係好辛苦，我今年要考dse，你唔鍾意理我唔緊要，我自己理我自己，但可唔可以唔好搞我？全家都比你搞到癲曬，屋企人因為你而喊，你就冷酷咁完全面無表情，我真係好憎你，即時你有病，唔怪得你，但我都好討厭你。

希望有冇一啲專業人士可以教下我同屋企人應該點應對有思覺失調既屋企人同埋有冇推薦既心理醫生可以治療被害妄想症，順便可以講大約價錢。

媽咪有無受咩刺激或信任何宗教？有無返工？有無先兆

刺激就唔覺有，宗教冇，有返工，唔覺有先兆，純粹係一開始話啲衫好臭啊，我地不以為然，然後發展到依家咁

帶佢睇急症，叫果度醫生轉介佢去精神科
最好就即刻捉到佢入院
唔得都排個門診期
然後你地母子關係都多數破裂
做定心理準備
一係由佢，一係捉佢入院

要帶佢睇醫生入醫院 真心

問題佢唔覺得自己有病 同埋我就係唔想破裂，加上佢有正常返工，未去到極度嚴重既地步，希望有彎轉

雖然我幫唔到手
不過照顧有病既父母真係唔易
我知你考dse好大壓力
你會唔會有其他兄弟姊妹幫手分擔
或者同媽咪講等你考完我地再解決？

我依家搵緊心理醫生但唔知有咩推薦

問下啲同事 工作上有無異樣？

我媽媽曾經試過
試過懷疑到日日訓係張床到喊又口噏噏
請私家偵探 又唔俾呀爸翻工
嗰陣既佢好恐怖
帶你媽去睇精神科
不過嗰陣我懷疑我呀媽係俾鬼搞多啲
因為睇完冇用 佢額頭有啲黑氣 我唔識講
不過理智啲 帶佢去睇精神科
咁落去 斬埋你呀爸都有可能

有兄弟姐妹，但佢地都好盡力幫佢，但都比佢一一拒絕曬，都好唔開心，喊曬口咁。
冇用，佢根本唔care唔成績，佢只係覺得我地害緊佢

重點係我呀媽都係搬左屋先出事！
唉 我明 壓力會好大
點都好 帶左佢去睇醫生先！

屋企人懷疑有精神病，家屬一定好難受同大壓力，巴打可以試下搵精神健康綜合社區中心

為有需要的精神病康復者、懷疑有精神健康問題的人士、他們的家人／照顧者及居住當區的居民，由單一非政府機構提供由及早預防以至危機管理的一站式、地區為本和便捷的社區精神健康支援服務。
https://www.swd.gov.hk/tc/index/site_pubsvc/page_rehab/sub_listofserv/id_supportcom/id_iccmw/

祖上有無類似疾病？你媽媽本身同你老豆關係點架？

你點帶佢去睇，之前屋企人帶佢見社工，個社工冇撚用既，淨係識叫佢食藥啦食藥啦，之前見過醫生出過藥但佢唔肯食（佢覺得自己冇病，食得多哩啲藥會死）

佢已經痴撚左線，及早醫治吧

重點係點氹佢睇醫生

巴打參考下

【明報專訊】病識感低，是思覺失調的特點。病人不覺得自己患病，認為不需要醫治，更對自己的妄想和幻覺深信不疑，無論家人如何解釋、勸說，病人只會認為別人不明白，不信任他，令家人十分頭痛。

與病人爭拗，只會令雙方關係惡化；放棄爭拗，表達關心，才有望得到病人關注，踏出求醫第一步。

深信幻覺是真實

一般人求醫都是因為擔心自己有病或是希望得到治療。但思覺失調的病人很多時候並不覺得自己有病，這正正是思覺失調的特點，也就是缺乏病識感。據統計，思覺失調的流行病率約3%。當病人開始發病時，產生妄想（覺得不存在的事情是真實的）和幻覺 （不存在的感覺是真實的）。病人像活在另一個世界，即使身邊朋友和家人努力勸說引導，病人對自己的妄想和幻覺仍然深信不疑。病者覺得只是別人不明白，不信任他，而不是他自己有問題。這些想法和感覺，再加上因思覺失調而影響認知功能，都會影響到病人的情緒、行為和生活，例如失眠、焦慮、恐慌，工作學習能力倒退，又因為誤會別人的意圖而破壞人際關係。眼見病人不斷經歷因病而導致精神和生活上的煎熬，家人自然焦慮萬分。但卻怎麼勸也勸不動病者去求助，因為病者覺得這不是病而是他不被接受和明白，很多時候這就是引起家人間不和的主因。

大學生受「聲音」威脅 不肯出房

父母爭吵 無計可施

陳女士的女兒小晴剛上大學，小晴本來學習勤奮自覺，但最近一直躲在房間裏，只出來吃飯或去洗手間。一開始，陳女士以為女兒只是非常努力地溫習，但當這情况持續超過一個月，有時候聽到女兒自言自語，說什麼害怕呀，要小心呀，半夜不睡把音樂放得很大聲。有一次陳女士敲門想進女兒的房間看看，問問她到底是怎麼回事，女兒卻大發脾氣，說這都是她的事，不用陳女士管。陳女士開始不知所措，又想知道女兒究竟有什麼事，又怕和女兒有爭執。她想和丈夫商量，但他早出晚歸，而且覺得小晴長大了，在家也安全，就由她吧，有事女兒自己也會找幫忙。夫妻間為這事也吵了幾次，可是情况卻愈來愈嚴重，有時候小晴一整天都不出房間，飯菜也只能放在房門口。陳女士覺得很無助，亦不敢問學校，又怕問她的親戚，會影響丈夫和女兒的面子。這幾個月陳女士也因為擔心女兒，睡不好吃不好。

表姊開導 傾訴困擾

有一天，陳女士的妹妹來看她，問了很久，陳女士才把憂慮說出來。她們商量了一下，覺得問題不輕，最重要是可以找一個和小晴說得上話的人，了解她的情况。她們想起小晴表姊一向和她很要好，當天晚上就把表姊找來，了解之後發現，原來小晴覺得有一個權力很大的機構串通她同學監視她的一舉一動，要逼她退學，她還會聽到不同的男人聲音來威脅她。小晴覺得很害怕，不敢出門，而且晚上經常睡不着，感覺很焦慮。表姊耐心地表達了她們的擔心，小晴也明白，認同長期如此不是辦法，更會影響她的健康。最後通過學校社工轉介看了醫生，得到幫助。

家人首要表達關心 爭取信任

因為對思覺失調這個病有不同理解或因為害怕被標籤，家人間或會因而產生矛盾。有些家人覺得也許這只是性格或壓力問題，不用小題大做；有些家人則害怕有精神病會影響病人的前途，因而諱疾忌醫。另一方面，家人擔心在求醫問題上，和病人有太多爭執，影響彼此感情。由此可見，思覺失調不但影響病人，全家人也同時承受很多壓力，經歷着因病而產生的痛苦。

其實，家人不必在病者是否有病，或病者想法是否真實的問題上和病者爭執。在這時候病者最需要的是家人的關心，所以只要坦誠和病者分享自己的擔憂，讓他感受到這是出於關心，病者會更容易接受家人的建議和幫助。最重要的是，雖然病者不一定有完整的病識感，卻仍然體會到自己情緒的變化和其他生活方面的問題。

對於病人而言，家人是感情上的依靠，家人之間的信任是最難能可貴。雖然彼此可能對一些事情有不同看法，亦應盡量找到彼此共通之處，再作討論，而且也不必太快做決斷。有需要可以尋求專業人士幫助，有關思覺失調和家人可如何照顧病者的詳細資料可查詢香港大學愛思覺網站www.ipep.hk。

唔係我帶佢去 佢有病到驚動哂啲親戚帶佢去
我呀媽係死都唔肯 覺得自己冇病
最後佢懷疑我呀爸懷疑到有自殺傾向
好嚴重 叫你啲親朋戚友迫佢食藥 呀婆迫唔迫到？
再咁落去會好大件事

捉佢入去精神病院強迫性咁治療佢先啦，就咁睇醫生唔食藥係無用

冇聽過有，本身我老豆以前係濫賭既，好似仲有搵女人，但係我小學開始就已經改曬，冇做衰嘢，一直做好本分，病發前都ok ge 雖然有時會攞搵女人既舊事出黎吵

我呀媽都差唔多 隔離屋噴佢 有人跟蹤佢
順佢意又唔得 逆佢意又唔得
冇計 只可以老豆24小時睇住佢

佢成日覺得有個好大權利既人想整死佢
不過我地都冇同佢嗌交，次次我媽媽話佢出面有女人我老豆都冇同佢吵（頭幾次有），我都有時直接忽視佢，唔同佢吵

唔知親戚果邊逼唔逼到

唔會氹到
要強制迫佢去 揾啲年紀大少少既屋企人
夾硬帶佢去
食唔食藥遲啲再算
要俾佢知自己真係有精神病先！揾個專業啲既醫生話佢知佢有病
因為之前有個親戚又係咁 仲要再嚴重啲
嚴重到要call白車 啲救護員捉佢入醫院
迫佢食藥
個親戚又係死話自己冇病

我地唔識佢啲同事，同埋應該佢唔會同同事有交流，因為佢覺得佢地想噴佢掛