其實係「畀」定「俾」？

今晚食乜好 2019-03-01 20:01:04

用開比

腦魔（二世） 2019-03-01 20:02:34

［畀］［俾］［比］有乜分別？

畀，俾，比，三字嘅讀音都係〔bei2〕／〔 pei²²〕。

［畀］：廣州音〔bei2〕
〔１〕給；付，付畀［交託］；賦畀［給予］。
　　　例：畀本書我。〔給我一本書。〕
　　　　　你話畀佢知。〔你告訴他／她。〕
〔２〕介詞。被；受；讓；用。
　　　例：畀人睇見。〔被人看見。〕
　　　　　畀嗰個人煩咗成日。〔受那個人干擾了整天。〕
　　　　　畀佢入嚟。〔讓他/她進來。〕
　　　　　畀墨水筆寫。〔用鋼筆寫。〕
〔３〕連詞，常與〔着〕連用，表示假設。
　　　例：畀着你係主角，你會點做？
　　　　　〔假設你是主角，你會怎做？〕

［俾］：廣州音〔bei2〕
〔１〕使，使用；讓。
　　　例：俾便考查。
　　　　　唔好俾度門關埋。〔使門不能關上。〕
　　　　　唔好俾架車停。［不耍讓汽車停駛。］

［比］：廣州音〔bei2比〕
〔１〕比嘅字義較廣，一般用喺較量或者譬喻嘅意思。
　　　比附，比較，比照，比試，比喻，比價

畀，俾，比，三個字基本上各有所指，唔係太容易混淆。
但係由於香港嘅報刊同雜誌，經常將［畀］嘅意義嘅字寫成［俾］字，所以先至有呢種混亂出現。

［俾］．意義係：「使」。
　　　《廣韻》、《爾雅》：等均言「俾，使也」。

［畀］．意思係：「給」、「付與」。
　　　《爾雅》：「畀，賜也。」
　　　《玉篇》：「畀，相付也，與也。」
　　　《說文》：「畀，相付與之。」

所以嚴格來講，我哋日常用嘅「bei2」字，正寫應該係［畀］。

但係點解我哋會用咗［俾］來代替［畀］呢？
［俾］讀音係〔bei2〕，同粵語嘅〔比、彼〕同音。
［畀］讀音同係〔bei2〕，又有讀音〔bei3〕，同粵語入面嘅〔庇］、［秘］、［臂］等同音。

由此可見，我哋常用嘅「bei2」字，同［俾］同音，但係又同［畀］同義。由於［俾］、［畀］音近，而［俾］嘅現今書面語仍然保留著，所以經常用咗［俾］來代替［畀］。

＊＊

其他［畀，俾，比］嘅同音字：

貏：貏豸［山勢漸平嘅樣貌］
崥：峽崥［山腳，山貌］
鞞：刀劍鞘［去毛並經過加工嘅獸皮，用來做刀劍嘅套］
髀：髀骨［大腿骨］，髀樞，髀肉，搏髀［拍打大腿］
　　廣東話有句：膝頭對上就係［髀］
　　脾：而呢個係讀［pei4］，脾氣，脾胃，脾臟
　　睥：而呢個係讀［pei5］，睥視，睥睨

匕：匙羹；［bei6］匕首［雙刃嘅短刀或短劍］
朼：古代祭祀入面使用嘅［大木匙］
疕：頭瘡；白疕［皮膚上起白色厚屑］

妣：考妣，先妣，祖妣［已身故嘅母親］
秕：秕稗，秕謬，秕糠，秕政，秕滓，糠秕［虛有空殼嘅穀物］
沘：沘源［河川名，喺河南省泌陽縣］
毗：毗倚［親近倚重］；毗連［相連接］

毘：同［毗］字
媲：媲美；取青媲白［用青色配白色，比喻詩文對仗工整］

彼：彼此，彼岸，彼等
柀：樹木名，即［榧］；離析；一部份

〔香港語文．廣東話資料館〕

三上悟 2019-03-01 20:03:44

我有俾/畀你屌架用邊個

101班．9 2019-03-01 20:04:30

講真呢一類字基本只係對話或者whatsapp呢一類chitchat, casual talk會用。混淆極都有限