愛情係咪有報應?出軌係咪有因果報應? 入黎分享下

上網見到篇文章講：
一個人曾經背叛過另一半/出軌，佢既下一任就會以相同方式黎對返佢，係報應。
一個人對另一半好好既人，被人傷害過/背叛過，佢唔去做返相同既事的話，佢終會遇到個對佢超好既人，黎填補上一任既壞。

大家覺得愛情係咪有因果報應？有無例子分享下？

我有個男性朋友拍拖時，同其他女仔曖昧、錫，點知有日佢發現佢女朋友都背住佢同第個男人曖昧/錫。
又聽過有個女仔拍緊拖時搵sp，佢男朋友唔知，幾個月後佢個男朋友無啦啦去咗叫ptgf，但個男仔自己都解釋唔到點解自己會叫。
仲有個男性朋友佢女朋友對佢超好超專一，但佢成日嫌女朋友悶，飛咗佢女朋友。
後來佢定性，對下一任好專一，但點知被下一任嫌棄，飛咗佢。

而我，
曾經有個男仔追咗我幾年，對我所有野都好上心，但我都拒絕，扮唔知，只想做朋友，無理佢。
後來遇到一個我好鐘意既男仔，我追咗佢幾年，對佢好上心，而佢對我都不啾不啋，扮傻。
我自己覺得係報應，我曾經咁樣無視一個人既愛，後來有另一個人無視我既愛。

有時我係到諗，愛情係咪有因果報應？

有
一定有
而且係「若然未報 時辰未到」
準到爆

利申 原本唔信
報應黎到果下冇得唔信

有

有咩經歷?分享一下

分享下啦

諗太多喇依個世界有報應既話又唔見班賣港賊收皮我之前都係收綠帽，結果條仆街依家咪又係有新仔仲好開心tim

可能佢新仔未背叛佢姐?

我覺得有。身邊有朋友收兵，勸佢唔好咁對人勸咗好多次，雖然佢當時覺得一個願打一個願挨，但到佢習慣咗人地嘅好嘅時候，嗰個人都唔再等佢，再花時間喺佢道，佢依加日日喊生喊死我都廢事diu佢

唔會, 大學見得多

我5個ex有4個都係帽我
但4個同我散左之後都結到婚

我都聽過一個女友為咗第三者，好恨心地飛咗男友，
諗住幸福地同第三者一齊，無幾耐後發現第三者原來有正印，
於是佢即刻飛咗第三者、搵返前度，點知前度好恨心地拒絕佢！佢而家無人要了

會唔會結咗婚反而係對佢地既報應

無報應亦無因果
只係令人好過啲

算喇過左去，聽到ex既野都冇咩感覺，who fking care不過我覺得出唔出軌我覺得同自制力有關，正常人都會俾靚仔靚女/身材正既吸了引住，所以自制力差既人好易就會出軌。
而咁岩依個世界大部份人自制力都係差，所以先有咁多綠帽事件出現，但一般年紀越大既人自制力會好啲，所以我地聽得最多綠帽事件都係18-30歲。
所以我覺得同報應冇咩關係，只不過係個人既自制力未夠強

因果報應係比受傷害者既心靈安慰
ex連續兩次都係派帽分手，都唔見佢條仆街有咩報應
與其等karma，倒不如自己做出黎，等佢知道冇咗你就係報應

我覺得係，啱啱1月被飛，11月嗰陣覺得淡咗，好多嘢頂唔順對方，好想提出分，但最後無提出分手，估唔到1月會被分手。原來唔係淨係我覺得想分手，但被飛後先掛住佢。

唔知關唔關題目事，但好想分享出黎。
我仲好掛住你呀！！！

冇
所謂因果報應只係受傷一方嘅自我安慰

通常被人飛時反而唔想分手 因為唔甘心

有時會諗 會唔會係佢地個另一半背叛咗佢地 未被發現 或者 個另一半好惡頂，已經係報應。

信

信，我已經承受緊我既報應。
唔知我現任未來成為我前任之後，佢又會唔會有報應，會有一個不停講大話既女朋友呢

有

咁我還撚夠未 都咁多年 年少無知既錯點解要還到呢家

分享下？