究竟係幾時變到眼中只有錢...除左錢之外,香港人係咪乜都冇?

做護士/輔助醫療: 因為起薪高,轉出私家更上一層樓
做醫生:未來既月球人星球人,穩定 career path
做員佐級紀律部隊: 鐵飯碗,學歷學求低,起薪高
做督察級紀律部隊: 鐵飯碗,人工高,福利正
做公務員: 起薪同調薪機制穩贏大部分私人工
做IT:buzzword造勢,大把人帶緊風向吹奏令人工開始漲
唔再吹奏ibank:因為人工返唔到去海嘯前
唔再吹奏construction:因為開始收皮
去日本:近又平,用錢換返快樂,一齊補足返心靈既空虛感
死左人:哎呀,業主層樓點算? 估值肯定跌勁多
正正經經做實事搵錢: 你都ON9既,打份死人工只會做一世奴隸,都係炒樓炒股好過
上進: 有錢咁解
唔上進: 冇錢咁解
發展科研/高科技: 不了,賺唔到快錢,又唔保證賺大錢

有咩緊要過錢？冇錢你乜都做唔到

係首先要有錢

不嬲香港既核心價值係搵錢為上
都唔知幾時比左個錯覺大家以為係民主自由

錢都無呀屌鳩你

發展科技先搵到快錢喎師兄

發財立品
無財邊有品

無錢學人講興趣講夢想?

香港除左錢真係咩都冇

錢重要係人都知
但問題香港好似除左錢就乜都無

判斷一個人既價値永遠係睇有幾錢同賺幾錢

我知
但係完全唔理其他factor就真係好恐怖
你想像下,一個人完全為錢而活既話,佢除左錢之外仲有乜野?
有女又係因為錢,有樓有車又係因為錢
我承認無錢真係冇咩可能會有樓有車
但係咁樣既人生真係快樂咩? 淨係識用物質麻醉自己

有咩事第一時間就係講錢,gathering既話題都係圍繞住錢
同錢冇咩太大關係既野就唔值得關注?

你試下同班老屎忽講
香港搞科技真係搵到快錢既一早就搞左,唔洗等依家

就係無人搞先至有空間 不過缺少創造力就真既

巴打中point
所以香港人其實係精神貧窮
只識用錢撻人,因為唔用呢招,香港人=nothing

其實有錢先至有資格講錢有咩用
無錢根本無資格講 人地當你係loser

你點解釋外國可以無錢講興趣/夢想?

有冇學過maslow hierarchy of needs?
事實上香港大部分人連滿足safety needs都有困難嘅情況下仲同你講自由民主正義咩

民主當飯食咩
有錢有地位

美國top10大公司差唔多間間都tech
香港top10 應該都同地產有關

今時今日仲攞外國打飛機
唔係弱智就係唔睇新聞

無錢當你loser
咁有錢又係咪winner?

點解呢d factor都可以作為判斷loser/winner既標準?
姐係我住公屋,不過係隱形富戶,所以我都係winner?
有人做醫生,但係窮撚出身,仲係租/供緊私樓,每月猛猛緊,所以佢係loser?

雖然極度可悲
但係事實上就係咁
香港9成人都只會追求物質上嘅滿足