不得不佩服TVB劇集嘅魔力,就好似熱播中嘅《荷里活有個大老千》,外間反應好,連帶入面嘅演員亦成功入屋,好似晶哥寶貝女嘅王子涵咁。今次呢個角色加深觀眾對子涵嘅認識,呢個「砵仔糕」唔止好味,仲好睇得、演得添 !
王晶監製、TVB熱播劇集《荷里活有個大老千》,自播出以來一直廣受觀眾歡迎,該劇的演員陣容鼎盛,當中包括老戲骨鄭則仕,王晶的女兒王子涵則在劇內飾演他的女兒丁小雨(砵仔糕)。王子涵自15年簽約TVB後首當女主角,觀眾不但受落,更令她成功「入屋」,她昨日出席該劇的新春飯敍時,坦言現時行街會有好多人向她大呼其劇中花名「砵仔糕」,若收視更進一步,她會大膽向爸爸提議開拍續集呢!
昨日王晶、王子涵、張慧儀、李施嬅、莊思敏,以及首度現身宣傳該劇的鄭則仕和蔡瀚億,齊齊出席新春飯敍。王子涵坦言:「唔捨得套劇咁快就播完,早排行街時,有街坊仲叫我劇中個名『砵仔糕』或『糕姐」,我覺得好似多咗班屋企人咁,就算去泰國遇到香港旅客時,都有人要求同我合照,好開心!」
曾被叫錯「大菜糕」
王子涵笑言,雖然曾有人叫錯她做「大菜糕」,但冇所謂,皆因自劇集播出後,她的人氣一直急升,早前她曾在IG開心地宣佈,她的追隨者人數已突破30K(即3萬人),令她非常興奮。王子涵期望之後可以拍更多的劇集,問她可有要求爸爸王晶開拍《荷》劇續集?王子涵說:「若然劇集平均收視再高啲,我會大膽提議爸爸,希望有日再可以見到大家。」