佐助愈大個就愈柒...(有圖)

香磷俾佐助殺都仲咁愛佢
呢樣真係好唔 make sense
嗰期佐助完全走火入魔

雛田一直冧嗚仔完全冇伏筆
係培因嗰場對戰先突然彈出嚟話愛佢

不過咁多人設最正都係雛田花火兩姊妹
黑長直又斯文，夠哂貼地

天天好難出
始終玩暗器
去到中期 已經變左嘍囉

其實寫得最好 最可惜既角色係 小李
角色設定 完全係可以成為中後期 小boss級別

但係去到中期 火影變左
哥斯拉怪獸大戰
鬥血繼限界

作者buff左好多角色
但唯獨就無再buff 小李

雛田個伏筆 好早就出左喎

見到嗚仔怕羞？
唔記得啦，唔想重睇

其實睇到尾就覺得成套火影都係圍住寫輪眼去寫

係
寫輪眼本身第一階段
已經勁到癲
相反 白眼 正傳就功能單一 弱化得好緊要
到中期大戰 已經係接近無乜用咁濟
係劇場版先buff返白眼可以進階做轉生眼

白睇一進化就幾何級數
轉生眼好似同輪迴眼同級？

樓主應該係用寄生蟲果個忍者

小南 長門 彌彥 自來也
最後小南死果段真係喊到仆街

岸鳩根本唔識寫感情線

白眼去到轉生眼 話就話可以秒天秒地秒空氣
不過係劇場版既設定
究竟係咪真係同輪迴眼同級
自己諗

BTW 睇完龍珠 布羅尼後
就會知道 劇場版既角 係Buff+10000%

屌 本身弱雞到連比達正常狀態都打唔
之後可以BUFF到 連超級撒亞神狀態都唔夠打
金菲利都變沙包

細個睇親叮噹大長篇大雄都變救世主啦，又幾奇

大雄變救世主唔出奇
因為有萬能金手指 - 叮噹

嗚仔先柒

其實佐助好慘 比作者強逼娶港女櫻
佐助n年都唔返一次屋企就知咩事

D頭髮畫畫下無左光暗

如果佐助大咗要靚仔就會同鼬一樣樣
覺得傅人傳嗚門同佐助都柒咗勁多

咁我幫佢p走條法令紋，一樣樣㗎

鳴人做火影守護木葉係明
佢係外面周圍調查同消滅危險守護木葉係暗

係未搞清楚鼬嘅事前佢想消滅木葉
之後了解鼬即使死都要守護木葉
所以佢最後都繼承鼬嘅意志
以自己能力去守護鼬同自己一樣珍視嘅一切
就係木葉同家族

而且輪迴眼太多人想要
佢留係木葉只係會比更多危機比木葉
佢仇家又咁多
而家有女有老婆 留係佢地身邊會令佢地更危險
因為珍惜佢地 寧願唔見都唔想比人有機可乘
等於鼬寧願做罪人 都唔想傷害木葉一樣

係漫畫度櫻其實有出席高層會議
所以十幾年黎都係有見面
只係佢個女唔知所以先覺得老豆唔愛佢地

櫻開頭真係好港女好煩
淨係因為佐助靚仔所以就話中意人
不過之後佢發現自己靠鳴仔追翻佐助冇用而且太自私
走去學醫療忍術慢慢變強
去到後面連人格分裂嘅櫻都冇再出現
望住佢櫻一直企係鳴仔同佐助後面
最後企平排做新三忍其實都幾佩服
冇家族光環 行嘅路比同期辛苦
但練到白豪 做到醫忍 怪力仲勁過綱手
佢只係一直諗住想同鳴仔一齊救翻佐助
唔再係靠人 佢係想參與到

戰後櫻有設立兒童心理病小組
想幫助受戰爭影響嘅小朋友
因為佢唔想佐助呢種悲劇再出現
呢種愛已經係由只愛外到愛埋內啦

卡卡西都有講 櫻唔係當佐助係玩具 唔係想佔有佢 係真係想救翻佢
如果有條女中意你十年中間幾年你中二病到郁手殺佢
都為你一直變強想救翻你
最係比一個家你永遠等你翻屋企
唔係港女 係蠢女人

不過the last真係好柒好尷尬