大約6 個至18 個月到都唔夠就散左
我係現任男朋友嘅初戀，我大佢幾年
但其他人睇唔出我地係姊弟戀，畢竟佢個樣成熟得多
佢好痴情，因為由細到大佢都一直暗戀我
係4 年前一次偶遇，又比我遇見番佢
然後佢追我，我又接受左
雖然同佢係青梅竹馬，但真正係埋一齊嘅時間只有3 年
其間都有因D 小事鬧交，但最後都係佢氹番我
佢對我好好，所以亦有打算拉埋天窗，因為我都就快步入結婚年齡
-
就係近一年，唔知咩事佢脾氣好暴躁
可能因為工作上嘅壓力，成日同我嘈
就連我剪短左把頭髮佢都唔鍾意
佢話鍾意長頭髮嘅女仔，好有陽光女神feel，咁就鬧左一場大交
可能情侶關係拖得太耐，我有叫佢快D 同我結婚生B
佢又話過多幾年，事業要緊
-
就係某個新年，佢向公司請左幾日假，我就同佢一齊番左佢鄉下
但佢成日掛住訓教，打麻雀，又唔多同我玩
而佢表哥成日撩我玩，所以同時亦認識左佢表哥
佢表哥同我好岩傾，我有將同男朋友嘅感情事話比佢知
佢亦好有耐性咁同我傾訴，久而久之我對佢產生左少少好感
有一次趁全屋人訓曬教，男朋友飲醉左死左上房訓教
我同佢表哥都飲左少少酒，係個客廳到發生左關係
（鄉下屋企有兩層，上面係房，下面係客廳）
-
嗰陣時凌晨3 點幾，完事後我好攰，佢問我有冇下次，我冇理到佢
到左第2 日，我當咩事都冇發生過，以為佢會尷尬，點知冇
仲單獨帶我去周圍玩（男朋友都好信得過佢）
到左夜晚佢帶我遊車河，又話帶我上山睇風景，個風景係真係幾靚
情到濃時佢kiss 左我一啖，問我可唔可以，之後我同佢就車震左
依家諗番起其實都幾刺激
亦因為安全期嘅關係，事後我都冇乜點，又冇乜悔意
畢竟你情我願
然後我同佢講夜啦快d 番去，唔係就冇下次
（我都唔知點解我會衝口而出講左依句）
-
之後番左香港，表哥wechat 我問我可唔可以帶佢去香港玩
我話ok，點知去左時鐘（男朋友唔知佢表哥黎左香港）
期間我同佢瘋狂開房，但其實我又冇乜鍾意過佢
純粹搵佢解決一下性需要
咁我都有性需要嘅，況且我又唔係隨隨便便嘅女性
所以我一直都覺得冇乜問題，同佢做嗰陣亦冇乜悔意（但依家有d）
我亦打算同男朋友結左婚之後唔再搵佢
-
過左唔知幾多個世紀，男朋友終於肯向我求婚
當時我真係好開心好激動，加上我真係好愛佢，所以就即刻應承左
但之後我冷靜番，諗番起我對佢唔住嘅事，開始有d 悔意
唔係我就唔會打依篇嘢
不過當時嘅我就諗，錯就錯啦，繼續錯落去，唔理啦
而佢表哥好理智，亦好讚成我地結婚
過左咁耐，男朋友一直都唔知，就當我打左依篇野當作總結
推到佢未婚夫知道立即撇甩條臭雞！
？
