[回憶]一人一個遺憾，你會想同佢講咩

呢個post 有太多遺憾...巴打唔好真係無機會先諗

痛著說聲timing
巴打 努力爭取自己想要既嘢

唔好等 去做
唔好比自己後悔咩都無做過
就算結果係得同唔得都好

一齊左陣搞到冇左個幾年嘅朋友 到依家覺得好唔抵 幾年黎r爛左自己塊面皮幾次 夠啦 個答案佢一早比左我

我明呀 我都一齊左一個月
其實佢都比左個答案我
我都R爛左自己幾次
只係我一相情愿放唔低佢
依家朋友都無得做

佢依家拍拖啦 話自己好幸福
年底想結婚生BB
我係時候要面對

無，我唔夠膽

咩令你唔夠膽先
當年係你提分手先？

一齊過呢關呀bro

以前會諗，究竟當時應唔應該表白呢，自己係咪真心覺得唔後悔呢？因為表白左的確係得唔到我想要既結果，令到自己再面對你時覺得好辛苦，原本我話就算你拒絕我，我都可以當無事發生，對唔住，原來係我做唔到，於是你見到我突然決斷同你疏遠，失去一個好朋友。

不過如果唔係你拒絕我，我依家就唔會有一個幸福家庭，找到自己既幸福。

近年見你終於搵到一個女朋友，雖然初初我會覺得唔開心，好似以前咁覺得自己放唔低，但依家我會真心祝福你，希望你幸福快樂。

希望在明天丫嘛

絲打你辛苦果段時間係點捱過架？
分享嚟聽吓
相信好多巴絲都想試下唔同方法

如果有下世
你會唔會依舊同我再開始？

咁...你呢...

我自己搵左其他興趣去玩，投入左另一個圈子識左好多人，又投入好多時間起新既興趣上面，用好忙黎做籍口，慢慢就大家都無搵大家，由經常約出黎唱k食飯睇戲既好朋友變成一年先見一次既普通朋友。

後來我起新既圈子認識到男友，好快就結左婚又生仔生女。

有時都會諗返起同佢唱k睇戲既攪笑嘢，然後就只有懷念既感覺。

all in 700 until 400

如果唔涉及自爆 介唔介意分享下有咩興趣
同埋點樣幫自己入到新圈子

我有時諗返起往事，無論個畫面係點，都好難開心
唔知係咪真係要好耐好耐
甚至乎有咗自己既家庭同小朋友
先會可以夠成熟去對待呢

我突然間開始跑步，仲加入左跑步訓練班
要好多時間練跑，識左一大班鐘意跑步既人，當你投入時間入去玩運動，有共同經歷，一齊訓練，只要你正正常常，都會你容易融入到個新圈子。

要決心離開本來既圈子，先可以搵到新既對象。如果一直留起佢既身邊，你只會永遠覺得佢最好，離唔開佢。

對唔住 嚟唔切孝順你

感謝絲打

要決心離開本來既圈子，先可以搵到新既對象。
深表認同

絲打 保重呀
要學識疼錫自己

大家都得 要努力

試下試下 一路試下
咁樣回頭一睇 就行咗好遠

輕推一下

一直都無忘記過當初點認識你
所有有關你的點點滴滴
當初日日傾
到出街 到一齊
所有所有我都唔會忘記
我知你離開了
你已經move on 了
但你一直係我心目中都佔左好重要既位置
我知道我呢一世 無論識左其它人
你係我心中都係我最想最想行到最後既人
我愛你
希望下世可以同你做到夫妻
畢竟對你的愛一直是最認真 和 最純粹的