[遊記處男作] 超悠閒長崎之旅

係水族館大概行左1.5個鐘就走，外面有幾間小食舖但係無試到

九十九島遊覽船乘り場，影相果陣無咩人，內心期待緊可以包船，但開船前5分鐘突然好多遊客湧入黎


呢架就係準備乘搭嘅珍珠皇后號，會兜過十幾座島，船程50分鐘，有中英日文廣播介紹眾導

船頭皇后好似托住自己對波咁

船內都幾大， 有三層，靠窗坐可以望到比較好嘅景色



不過沿途景色略嫌單調，都係d島啊海啊咁嘅樣...我覺得搭直升機遠睇九十九島應該仲靚

5:00pm左右返到佐世保站鳩影兩張

5:30pm準時去到一早預約左嘅牛扒餐廳アサクラ (Steak Salon)，google review成4.5分，tabelog就3.5分，評價可以話係超高
餐廳外牆幾有特色


但係好奇怪，入到去我話我有預約，佢完全無問我咩名 有d兒戲
內裡環境好細

而且佢安排我坐係正對住廚房前面，前面舊保溫玻璃仲要好污糟，所以呢次用餐坐得唔太舒服，細心d望周圍都唔太乾淨

不過無辦法，得一個滿頭白髮嘅廚師，加埋佢做侍應嘅老婆得兩個人，小店係咁上下

standard牛扒set係2500 yen一位
碗湯味道幾好，夠creamy


碟沙律就令人無咩胃口，因為望住碟野係廚師無帶手套就咁整，生果放左係我前面個保溫玻璃入面唔知幾耐

另外有碟飯，不過太淋一pat野，唔夠粒粒分明

主菜叫左碟檸檬牛扒同埋忌廉牛扒。塊扒係一鳩樣，只係一塊上面放左半塊檸檬，另一塊淋左d忌廉咁解


不過師傅煎牛扒手勢係幾堅，所以塊牛扒味道好掂，2500yen黎講算係對得住招牌
題外話，佢落單果陣完全無問我要幾成熟最後煎出黎係介乎medium~medium well之間
甜品有個動L布甸，上面有pat芒果醬

仲有杯餐後咖啡

整體黎講呢間餐廳合格，但覺得tabelog吹得太大，可能日本人都有d小店情意結掛

另一個題外話：係長崎同佐世保見過幾次有人隨地dum煙頭同吐痰，而且係日本人黎，所以話任何地方都有敗類

食煙嘅全部都係敗類，不分人種國籍

由於下一日要去好遠嘅南島原睇海豚，所以當晚就先搭一個鐘JR由佐世保去到諫早，作為一個中轉站下榻一晚
諫早好似係長崎縣第三大城市，但感覺都有d頹，一出車站就見到好大間pachinko

check in之前去超市行轉買宵夜
明治cookies and cream雪糕

同埋次次去日本必買嘅和式菓子，鹹中帶甜口感好得意

今晚住嘅係New Station Hotel Premier ，酒店工作人員好有禮貌，而且有一杯free drink同埋d免費泡泡浴專用汽泡彈；另外頂層有個大浴場，不過我無用到，因為睇相都覺得頹
當日去到發現洗衫同乾衫都係免費
間房就無咩特別，乾乾淨淨普通商務酒店樣，不過冷氣機好嘈

最特別係房入面有腳底按摩器，好爽

Day 2 完

其實係固定路線來往長崎機場同佐世保站，應該當佢係一架用van仔載客嘅直通巴士
營運者係的士/包車公司，正常搭一架的士來往長崎機場同佐世保要萬幾yen，否則就cover唔到營運成本
但佢地發覺無咩人肯用萬幾yen搭的士去佐世保，但由長崎機場出發去佐世保呢段行程依然有相當大嘅需求
所以就選擇以van仔營運，9個乘客每個收1500YEN總額大概就係一趟的士嘅收費，所以美其名叫做共享包車，名義上避免同當地巴士公司有直接營運衝突

二人行

日本食煙文化太根深蒂固，而且好多餐廳夜晚時段都准許禁煙，所以對煙味好敏感嘅人要係日本搵晚餐都幾困難
去過好多日本地區，煙民都好自律，會乖乖地係吸煙室食又有手尾
但長崎可能始終比較落後，隨街都有火車頭

另外，回程飛機坐我隔黎個架妹都除鞋將對腳放係自己凳上面，好似踎係到咁坐

9個人都有大件行李既話 擺唔擺得曬？

根據官網張相，行李空位大概係咁多

好樣衰，唔講以為佢係蝗

我8月去九州14日 當日諗住落左長崎先、之後先上去佐世保，機場落長崎有無咩建議？

機場係咪指長崎空港? 出長崎好方便，有直通巴士，而且班次幾密下，一個鐘內有三、四班，落機先買都唔怕無位
視乎你係長崎市邊一忽落車，車程應該係35~45分鐘之間，而且呢d大型直通巴士大把行李位

留名

呢間有上過嵐節目
被吹捧都可以理解

連豪斯登堡都有連登仔做

岩岩準備換衫開工

試過撞到女仔
唔知係咪絲打

其實我都上佢個網睇佢D設施都覺得有D頹但我又想去BIO PARK

好多人話夜晚仲靚，堅？8月會去，玩一日定兩日好？
估唔到豪斯登堡都有連登仔做 ...

Bio park好殘
不過長崎既水族館、企鵝館都好舊

企鵝去左睇2次 好可愛

一直都有依類日本人一離開大城市就唔難見到
係普遍人去開啲旅遊區見到就以為個個日本人都好有規矩
就算大城市我都見過有人會隨地掉垃圾
一次晨早6點係梅田見住個男人等過馬路拆個飯團包裝就咁掉落地邊行邊食,附近啲人見到都好似習以為常咁
一次凌晨係橫濱櫻木町成班MK仔圍埋飲野食煙飲完食完就掉落花叢
平時睇啲日本SNS都大把依啲片睇

你見到個踎係到坐算係咁啦
我上次飛福岡隔離個疑似空姐打橫訓係我隔離添啦

夜晚燈飾靚
拍拖好有氣氛
不過睇多一兩次就悶
玩可以玩兩日
你都玩唔晒
揀鐘意既野玩就得
8月有咩event未知
每期都有唔同主題