基本Q&A
Q: 使唔使刷首抽？
A: 教學可以直接skip，快起上嚟可以2-3分鐘一次
有心機嘅話最好刷個靚首抽開局，始終3星比1/2星都有一定優勢
Q: 刷咩好？
A:
https://wiki.dengekionline.com/kotobuki-tog/リセマラ
跟返wiki盡力刷SS rank就岩，不過最重要當然係有愛啦
一至兩隻3星起手完全可行，見過唔少人甚至刷到三隻3星先收手
Q: 唔識日文，睇唔明啲角色名
A: Google+自己鳩拼，非官方英文名
壽飛行隊
春風飛行隊
怪盜團曉
擊鐵一家(黑手黨)
金絲雀自警團
Q: 點組隊？
A: 角色有4種，回避/機動/攻擊/輔助，擺位基本上跟哩張圖就岩
唔好擺kylie係前排之後又屌鳩佢廢，真係唔關佢事
比較特別係機動，可前可後，前期無論唔夠邊邊都可以搵佢地補位
但越後面就越會feel到某啲機動先適合前排(例如3星 chika)，某啲比較適合後排，不過係後話
另外唔好用系統個推薦組隊，佢完全無視角色技能組，單純跟戰力去鳩組
Q: 推圖卡關，戰力升唔到點算好？
A: 有心機嘅可以試下手動開技先，仲係過唔到可以留意下之前點死，望望敵方配置嘗試調整陣容
不過你懶得搞咁多都無咩所謂，因為解決方法實際上好簡單
一字記之曰︰肝，而肝分兩個部分，就係囡囡同戰機
囡囡嘅話，提升戰力嘅方法有︰
抽3星 升Lv/突破/升星/升技
戰機嘅話，提升戰力嘅方法有︰整新機(專屬機有5%全能力buff)/強化架機/裝booster(20lv開放)/強化booster
肝嘅部分比較複雜，廢事搞到Q&A成堆字就唔講太詳細，具體嘅地方有唔明歡迎係post度問
Q: 有邊啲1/2星角色好用？1/2星係咪無人權？
A:哩個真係答你唔到，隻game岩岩開無耐，大部分野都未清楚
2星嘅話可以參考下上面wiki首抽榜嘅B rank，1星/其他2星就真係要等人/靠大家去分析同研究
Q: 乜野係募集/寄付？
A: 簡單啲講即係行乞，你有咩裝(突破用)想要都可以向同盟/路人乞返嚟
兩邊可以募集唔同嘅野，我建議金裝哩啲稀有野可以向路人要，綠裝哩類可以搵返同盟大家互相幫助下
具體步驟: 右上角開Chatroom>右下角click募集>揀自己想要嘅裝>左上角揀同盟/公開channel，另外都可以係裝備>入手方法>募集
每次募集最多5粒鐘，每樣野最多可以募集5件，一日最多募集兩次
最重要嘅係，募集結束之後要去返Chatroom，
click多次募集去結束哩次募集(順便睇下收到幾多件，同埋邊個比你)
唔結束嘅話係開始唔到下一次募集
既然人地會比野你，自己都唔可以自私啦，有野多就好心啲送返比人，順便賺下名聲做任買野etc
寄付嘅方法係開chatroom，上面果幾個剩係tick「行動」，就可以篩走晒堆垃圾睇到其他人要乜野，然後揀寄付就ok
Q: 戰鬥畫面點轉3D？
A: Click左下角條女個樣
Q: 專屬塗裝係邊？
A: 格納庫，只有果個角色嘅專屬機先可以上專屬塗裝，以kylie為例，佢個專屬塗裝就係for隼一嘅
另外春風飛行隊係一個例外，佢地1、2星版本專屬機都係97式，去到3星版本會換晒做隼三
但係，即使換左專屬機，佢地3星版本送嘅塗裝依然係97式嘅商會塗裝，極其on9
隼三嘅塗裝入手方法只有儲夠名聲之後買
至於set塗裝方法，戰鬥機>右上角塗裝
