做左咁多年人, 識落唔少朋友, 咩階級既都有少少, 但中產/高產可能屋企教得好, 好多時覺得同佢地相處舒服, 亦多數見唔到會LABEL人, 自己圈子班高產朋友夾玩夾傾夾食就可以玩埋一齊. 反而生活中最鐘意笑人果班一般都係班無咩實力但又餓唔親果班, 心目中隨意數得出, 但不限:
低級公務員, 不學無術, 逗萬頭起薪笑人唔識諗長遠, 番工第一日己經簡設自己升二級, 用十幾二年後頂薪打飛機, 總係鐘意人地知自己係公務員, 其實大把人做幾年高過你頂薪.
市區公屋仔, 笑班坐新界置業同租樓既人, 成日真心笑九你有牛, 又講到俾佢自己簡一定唔住/買/租, 開聖人MODE認真同你討論話唔明點解要買新界咁但自己戶口連保升半價都買唔到.
自戀上車族, 買樓上車愈來愈難, 今時今日無屋企加持下買到間保升之流既樓其實都唔係容易, 但亦因為唔容易部分成功達陣既人會開始自戀, 成日問人點解唔上車, 對一班無需要既人大放感言, 點解?俾我?如果?之後, 日後50年打算運用既財技都講埋, 好驚人唔知自己有實力. OK其實人地唔想知.
低級工程撚, 食正土木工程條水阿豬阿狗入職有2萬起跳, 經常對住班乞食科/有難處既人真誠討論, 真心真意表示自己唔明點解萬幾蚊既工都有人做.
佣金撚, 一朝得志,如果問佢地點成功, 多數都係唔明D人點解要讀大學, 大學生起薪同看更一樣無咩大不了, 再用高8度既聲線同大家講應該把握機會. 同你講下窮人壞處多, 完全無營養.
大概諗到咁多