燒烤微波爐拎嚟烤雞翼效果好唔好？

本身屋企冇微波爐，想買個可以整到KFC果啲香烤雞翼咁嘅，有冇用開嘅人推薦下牌子、型號？

無q用

直接買個焗爐算啦

屋企太細 焗爐同微波爐只能二選一
大部分時間都係用微波爐多 淨係想要做到香烤雞翼嘅程度 真係咁都唔得 ？

其實焗爐有用過微波爐
焗爐可以煮好多野食
然後你啲隔夜麵包pizza焗一焗就新既一樣
微波爐反而用途仲少

我應該都唔會拎嚟整麵包果啲食（自己本身唔鍾意食）亦都唔會拎嚟整曲奇
而且微波爐叮熱啲嘢食快好多（焗爐又要預熱，煮嘢起碼要半個鐘）
所以對我嚟講，微波爐嘅作用大過焗爐

有d微波爐有焗爐功能加嘛

買蒸加焗，有埋健康（空氣）炸

panasonic

有冇邊隻好用推薦？

岩岩上左p記官網睇佢部sc100w，又好似真係幾有用喎，拎嚟焗牛扒、豬扒、雞翼
同埋可以翻熱啲食物（微波爐唯一嘅用途），不過應該比叮叮耐啲
但我諗真啲，我用微波爐都係貪佢節省左自己嘅翻熱嘅時間，但係呢部機係連煮嘢食嘅時間都慳返，放入部機裡面就唔洗理佢了
我開始同意上面位巴打話焗爐有用過微波爐

不過要成2000銀

牛扒煎先好食
健康炸雞翼都可以，但係同真炸有分別
蒸好過叮
叮係乾晒死晒，蒸先好
set 時間蒸魚、燉蛋都好用
最重要係平時食飯有人遲左
可以放入去雙層 keep 溫度

我兩部都有，9成9用 蒸焗
早餐焗多士麵包唔駛預熱，6分鐘 180 度一定脆
叮只會熱飲／牛油（唔會解凍）

我睇中果時 ＄3k，買果時 ＄2k3

西餐有啲煮法牛扒會煎完再放入焗爐焗
我好少食炸嘢（腸胃唔好），淨係想佢烤到KFC果種香烤雞翼出嚟，呢樣做唔做到 ？

想問下部機會唔會用完出好多水，上網睇有人話有呢個問題（不過話哂都蒸嘢，都合理嘅）
同埋有冇預約煮嘢呢個功能？我岩岩上淘寶，有啲機係可以瞓之前預約例如8個鐘後煮嘢，跟住瞓醒就有得食，如果連呢個都有埋，簡直係我呢啲懶人嘅一大福音

試過一次，得得地，麵包糠一定脆
視乎係炸幾耐先夠效果

會，蒸野一定有水嫁
但係，我晚蒸餸早焗包，唔抹水，冇咩問題

預約焗／蒸唔會試
生野放係入面咁耐，一定變。。。

你刷牙前花幾分鐘整完放入去
刷完牙就有得食啦
我朝朝都係咁 ...

我係先擺蛋都放埋入去高溫煎 ...
幾分鐘後放埋麵包

thanks 巴打
應該都買呢部了 跟住落嚟係去搵下邊到買平啲

上網睇下有冇同類形新野先啦

微波爐用黎加熱架喎
焗爐先煮到野食架

新式打手post
得㗎喇會買

買部水波爐囉，蒸、炸、焗、叮都得

我見最平都好似係呢部 其他果啲要3000蚊以上

水波爐有冇邊部好？

好似得我一個叫佢買p記果隻
你意思我係打手？

不外乎東芝同樂聲

我最近買咗部東芝

用完覺得好唔好用？
聽講蒸嘢係用蒸焗爐好啲，而焗嘢就係用水波爐好啲
你用水波爐煮嘢會唔會整好耐？

我諗佢講笑嘅姐 唔洗咁介懷
就係你講得好、詳盡 佢先會話你係打手

壞波爐壞左都無買過部

同你一樣想搵多功能
但原來
而家啲爐咁撚貴
幾千銀