你要記住,真係要記住,一段感情係得來不易,更何況係一齊咗幾年。
拍拖去到兩,三年或以上嘅你地,會唔會覺得另一半喺某啲地方係take it for granted?
又或者會唔會覺得有啲地方磨合唔到,開始攰?
人生若只如初見。
當你喺一段關係好低落嘅時候,
忽然間有個人行過黎扶你,
你唔會理佢意圖或者係邊個,因為你嗰下真係好辛苦,好想搵人分擔。咁當然,佢肯扶你起碼代表佢會關心你。
你或者當時會覺得佢係一個好人,最起碼佢會陪住係你身邊,聽你訴苦,漸漸令你覺得佢俾到另一半俾唔到嘅野你。
頃刻你開始依賴住佢,其實你未必好了解佢,但當時嘅你就覺得同佢好投契好岩傾。
你開始將佢同你嘅另一半比較,不斷將佢優點放大,然後就踩底你另一半。嗰下,你覺得佢好過你嘅伴侶。
面對一個你”認為”係好好人,你不自覺地放下戒心,於是開始同佢分享心事,俾佢了解你嘅內心世界同埋另一半。慢慢地,你嘅寄托變成好感,你同自己講你應該同佢發展。
於是同緊另一半冷戰嘅你鼓起勇氣一口氣講哂你有幾委屈,然後一句對唔住,分手。
每段關係點都經歷過熱戀期,唔洗多講。
高峰過後,點都會跌返去穩定期,更甚係冷淡。
如果你一直都知你嘅另一半係仆街唔會改,咁由佢,可能扶你嗰個真係Mr.Right
但如果你知道另一半會改,屌你老母唔該你醒醒,唔好貪一時快樂而愛上其他人。一段關係行咗幾年,
好多問題其實都浮上水面。
但一齊過幾年嘅時間証明到你地係磨合到。
每段冷戰期其實大家都將美好嘅回憶拋諸腦後,
或者有一日你會想回頭,但一切可能太遲。
你可能會話俾過好多次機會對方。但問返自己到底嗌對方改正嘅時候自己有無改過?
如果你唔改正自己,其實以後每一段感情你都會犯返同樣嘅錯,同樣嘅理由而分手。
如果你嘅另一半真心想改而你又感覺到嘅話,不如俾多次機會對方,就當係最後一次?
成長未必係不斷換另一半,成長可以係兩個人不斷互相提點。
希望各位回頭是岸