我哋做咗個教外國人廣東話嘅網（二）

studycantonese · 2019-02-14T14:26:08+08:00

因為自上次開post之後，我哋想做嘅方向唔同咗好多，所有開一個新post講。舊post: https://lihkg.com/thread/914547/page/1 我哋個網: www.howtostudycantonese.com 大家好，我哋依家整咗個網站免費教人講廣東話。我哋每日慢慢噉更新𡁵，希望可以幫依家喺香港嘅外國人，同埋喺海外嘅香港人後代，學到去native嘅級數。我哋暫時主要係做𡁵同文法有關嘅教材，之後都會推出用廣東話寫嘅故事書同podcast，方便人學。 Q: 依家會唔會翻譯你哋嘅教材做其他語言？ A: 暫時唔會住，因為只係用英文寫，已經要用好多時間。呢段時間我哋想集中做好英文先，之後再翻譯，費事一改要改幾個唔同嘅版本。 Q: 你哋之後嘅計劃係咩？ A: 我哋下一個目標係推出廣東話podcast，幫外國人練廣東話聽力。 Q: 你哋啲嘢好難，到底有冇人睇？有冇外國人睇呢？ A: 我哋明白我哋依家嘅教材寫得比較難，因為用咗好多學術詞語。我哋試過簡化，但係簡化咗，就有好多嘢解釋唔到。喺未來，我哋會慢慢出多啲文法以外、易啲入口嘅內容。根據我哋依家嘅數據，有大概20個唔同國家嘅人用我哋個網。我相信有啲講完大家都唔信，例如波蘭，秘魯，以色列⋯⋯ Q: 你哋嘅內容全部免費，我可以點支持你哋？ A: 你可以登記LIkeCoin: https://like.co/ref/howtostudycantonese 。LikeCoin係一隻香港人做嘅coin，用嚟打賞網上寫文章嘅人。你登記咗之後可以喺我哋website每一篇文最底畀like，最多可以畀5下。你唔需要出錢，但係我哋會收倒錢。到而家為止，我哋收咗大概30蚊美金，已經補貼我哋三個月嘅hosting支出嘞。所以幫手畀多啲Like啦！最後要多謝咁多位巴打一路支持我哋大家一齊為廣東話同香港努力啦！