[多字多圖] 一個人的6日東京及近郊之旅

8月個陣HK Express做左一次mega-sale
就係個陣我買左機票一個人係上個禮拜前往東京旅行

今次嚴格黎講算係真正第一次自己去旅行
因爲以往就算自己出發，係當地都會有朋友偶然接濟下
就當體驗下，攞住部相機周圍行下



5/1 9:55am起飛 ； 10/1 日本時間23:55pm回港

第一日：Outlet
第二日：鐮倉 + 江之島
第三日：築地市場 + 台場
第四日：姆明公園(あけぼの子どもの森公園) + 吉祥寺 + 新宿購物
第五日：橫濱
第六日：淺草 + 上野 + 明治神宮 + 濱松町世界貿易中心展望台

其實大部分地方香港人去東京旅行都會去
所以我呢個trip都特意去左あけぼの子どもの森公園同濱松町世界貿易中心展望台呢兩個地方。
前者係一個比較少人知道嘅地方，而後者則后容易被Sky Tree同東京鐵塔嘅光環所掩蓋。
而且我都會為介紹觀景、影相好靚嘅地點推介。

我9:55am係香港國際機場正式起飛 完全無delay
日本時間2:30pm抵達日本成田機場

我第一時間就去左寄存行李同攞之前係klook訂購嘅車票同門票

呢款Tokyo Subway Ticket好好用，基本上東京都内9成景點都可以去到
雖然可能繁複過JR，但我個人都係比較推薦呢款

辦好一切之後我就去左7-11買左兩個掛住左好耐嘅飯糰

玉子蛋無得彈！大家一定要買個試

然後就出發去第一個景點--Shisui Premium Outlet 酒酒井Outlet
成田二號客運大樓一出，就去3號巴士站排隊等上車
班次可以上網搵到


只需20分鐘就到達酒酒井Outlet
酒酒井Outlet係一個中型嘅Outlet，同大阪Rinku Outlet size相約
而呢度有比較受年輕人歡迎嘅Tommy H. / AEO / Gap / Nike 等


我上次黎個陣，價格還可以
但今次再黎覺得價錢比較一般
E.g. Nike賣好多新款，所以無特價

大家記得一定要用護照去Information Center攞下面兩本小冊子
綠色個本有好多Coupons大家可以用


買左少少野返返機場再搭Access特急出上野
然後再轉去新宿站
行上去Lumine EST食我今次係日本第一個正餐

利久牛舌！￥16XX

牛舌好煙靭，好香
個飯真心好有飯香，而且粒粒分明
最正係個湯，用牛骨同牛尾煲，0味精，好多韭黃，成個湯好清甜

食完之後比大家睇下我住所
今次我同以往一樣都係選擇airbnb

一人房算係咁，空間大，有埋電視(雖然我無用過)、洗衣機

床都算大，而且仲係電動床



唔記得左話比大家聼 我住係新宿三丁目站附近
臨近一大堆Gay bar / Gay Sauna
所以成日夜晚都見到好多gay佬出出入入

行去新宿三丁目站大概3分鐘；新宿御苑前站5分鐘；新宿JR站10分鐘内
非常方便

如果需要airbnb邀請link記得問我
互惠互利

Lm

留名

正，想去東京近郊未plan
可唔可以講下鐮倉除左睇海之外仲有咩玩？好似玩唔到一下

正，想去東京近郊未plan
可唔可以講下鐮倉除左睇海之外仲有咩玩？好似玩唔到一下

可以買周遊卷
可以去江之島
之前江之島有燈飾睇宜家唔知仲有冇

正，想去東京近郊未plan
可唔可以講下鐮倉除左睇海之外仲有咩玩？好似玩唔到一下

可以順便去埋江之島、長谷寺呢d

6/1/2017 鐮倉及江之島之行

我特意選擇呢一日去係因爲平日人流相對較少
好似鐮倉及江之島屬於假日熱門旅遊地方
除左旅客，就連日本人都會前來呢度玩

首先要去小田急新宿站買張江之島−鎌倉周遊券 ￥1470
包新宿 -- 江之島/藤澤來回 + 江之島電鐵線任搭
可以話無敵划算


我乘搭由8:18am新宿開出之列車
9:30am到達片賴江之島站



沿指示牌一直行就會行到連住江之島嘅橋


今日天色超好，藍天少雲，所以好多景都好清晰
而且可能平時說好話、做好事、存好心
居然比我清晰地見到富士山！
平時如果天色稍微差少少都見唔到
靚到以爲好似有個佈景板



沿途我都放慢腳步慢慢欣賞如此美景
心裏面都同自己講下次再黎關東地區一定要去富士山同河口湖
今日真係好好彩，除左天色好，人流亦比較少
我可以唔洗聼住一大堆廣東話同普通話


慢慢行上去，四周都係賣食物同小飾物嘅鋪頭
徒步而上，好快就去到第一個景點江島神社


行到上去就見到呢個小池
傳説話只要將自己嘅比池水洗滌過
就會財運亨通
同我地中國人平時講嘅遇水生財應該係一樣原理
我當然都入鄉隨俗放幾個銀去生下財
畢竟我都想發達
單手渣機影得好差



沿路行其事就可以行曬江島神社


之後我再一直跟住條路行，行去我係江之島最期待景點
稚児ヶ淵

稚児ヶ淵位于江之島嘅背部
由江島神社行入去都需要15-20分鐘
以下都係邊行邊睇到嘅景色，相當宜人




幾經辛苦(其實都唔係好辛苦)終于去到稚児ヶ淵


個環境好靚
遠望可以同樣清晰地睇到富士山
而且海一望無盡
好似置身係海岸綫

我即刻忍唔住行落去



呢度望富士山似乎更清晰更近
事實上其實係我zoom近左 哈哈
但都真係好清


我係個度自拍左好多相
但小弟樣衰 費時獻醜
我大概逗留左幾個字就沿路折返


途中經過龍戀之鐘嘅入口
我就無入去
畢竟龍戀之鐘其實係戀人之丘
係戀人聖地 好多日劇都係呢度取景
但我單身寡人就費時觸景傷情、徒添孤獨啦
比個入口大家望下
我有朋友去過都話個景色都ok

行返出去江之島大橋
再跟住google map行去江之島電鐵江ノ島駅
前往下一個目的地


呢一日因爲天氣比較凍
所以都有利用自動售賣機售賣嘅粟米湯取暖
一禁落黎個下好熱
飲落去都真係幾好飲，好香粟米味




離開左江之島，我就出發去一個籃球迷一定會覺得好熟悉嘅地方
鎌倉高校前

其實我無睇過呢套動漫
但見好多人都會去影相
而且影出黎效果都幾好 所以都去下

一到步其實都好多人企左係個位影相
我都當然唔執輸 即刻搵個靚位


等左一陣終于有列車經過啦！

但可惜太快 好難捕捉到個時刻
我企左15分鐘左右都影唔到似樣嘅
為免影響行程 我都係決定離開

個站真係好舒服


之後就出發去位于長谷站嘅高德院

高德院最出名嘅地方其實係裏面有一尊大佛
大佛係全日本數一數二大 僅次于奈良東大寺大佛
同東大寺大佛相比 鐮倉大佛保留左最初嘅外貌 而東大寺大佛則經過大量人工修補


其實好多神社、寺廟都會有呢個好似洗手嘅地方
但其實呢個位係用有清潔自身嘅意味
呢個行爲代表淨身，以顯示對神明嘅尊敬
日本叫做手水舍

1.先用右手攞起勺子舀水洗左手
2.再用左手拎住勺子，用淨番嘅水洗右手
3.用右手拎番住勺子，將水倒係左手然後灌入口，用作漱口
4.而最後垂直番個勺子，將淨番嘅水流番出黎，淨潔番勺子
必須特別注意，上述步驟必須使用「同一勺水」！！


如果你問我大佛如何
我會答你香港天壇大佛更爲壯觀
而且呢度只係望下大佛 就要比入場費
雖然係理所當然 但我認爲香港天壇大佛更加值得去
所以我只係逗留左一陣就走

我無去到長谷寺
因爲上網都見到好多blogs都話其實無咩特別
而且又唔係大
所以無安排到入行程

跟住落去 我一路搭到落尾
去到鎌倉站

當時其實已經2 3點
我超級肚餓
本身其實Plan左係江之島食出名Pancake店Eggs'n Things
雖然名氣無Bills大 但係好多食評網站分數都好高
但最可惜係我去到個陣已經好多人排隊
所以最後放棄左 捱住肚餓去到鎌倉先食

我呢個遲來的午餐選擇左一間係鎌倉非常有名氣嘅咖喱店
キャラウェイ


一個咖喱飯配大飯都只不過￥7_0
超級飽 就算男仔都一定夠飽！

不過呢間鋪多人到.....


我等左半個鐘終于入到去
而且令我非常詫異係
裏面全部四人枱 但店家係不允許搭枱
所以我一個人係霸曬成張枱 超級唔好意思啊
搞到我都渣渣聲食完就撇 費時阻住人地生意
如果係香港 一定將我塞去前面個三人家庭張枱
兩邊做法其實有好有唔好 視乎你偏重咩方面
我自己雖然超尷尬 但都開心唔洗同人同枱

而且等候嘅人9成都係本地人
證明呢間一定係貨真價實

我叫左個咖喱牛肉飯
店家有英文menu 可以問店員攞

會奉送一個沙律仔
無沙律醬 係用醋加鹽水
不過有少少咸 可能係中和咖喱之用

可能大家會奇怪 話牛肉點解好似無見到
原因係因爲牛肉已經煮到爛曬 融入曬係個咖喱汁入面
所以食咖喱同時你會食到好多肉絲
另外咖喱汁好"傑"身
完全唔會整到白飯好濕
入口個陣你唔會覺得濕淋淋 反而會覺得白飯係配上咖喱一齊擺入口

呢個咖喱唔係全日式咖喱
似係mix左日式同印度咖喱
因爲有少少甜味之餘 又好香香料味 而且都保留辣味
我暫時係香港未食到呢個級數嘅咖喱

江之島 無貓貓既

可以問下攞airbnb邀請條link嗎﹖

位于
終于

於

我有睇巴打高登果邊個post
覺得好好睇 加油up多啲

LM

我有睇巴打高登果邊個post
覺得好好睇 加油up多啲

你都係兩邊走人士喎

可以問下攞airbnb邀請條link嗎﹖

我聽朝send比你

咁樓主係咪gay 有冇去gay bar

哈哈 唔話你知
保留返啲幻想空間比你

留名學嘢
嚟緊五月會同老母加細佬三人行去東京
佢哋兩個乜都話無所謂搞到我唔知點好

留名

留名