有咩係男朋友錫女朋友嘅行為

男朋友小事都會嬲一餐
可能係我夜晩瞓唔著 睇多陣手機先瞓
都會話我 雖然可能係關心我 但事實我又真係唔攰
如果我無乖乖地聽話 佢就會話唔理我
之後佢自己去瞓 話我又係咁 然後態度轉差
有時比佢話完 夜晚得自己一個唔開心
第二日佢見到都會問下嘅
不過又會話係我唔啱先 好似連我唔開心都錯咁
佢啲態度搞到我成日喊
一喊佢就會同我講唔會氹我㗎

如果平時我無做錯事 男朋友都對我好好嘅
例如會買下零食 幾夜都送我返屋企

其實咁佢算唔算係錫我 著緊我呢

究竟大家覺得男朋友做啲咩先叫錫女朋友呢

覺得佢又唔係唔錫你
不過超級大男人 佢岩哂你錯哂咁
如果佢願意企係你立場到諗下
更顧及你感受既話就好

聽落佢應該大過你
控制慾強
睇你接唔接受到

會唔會係扭計咋
因為我都係會咁
其實真係扭計

你咁夜仲開post 佢味又會嬲

佢嬲啲態度真係好差 不斷話我 就算係我唔啱但我都係你個女朋友黎 會覺得點解每次都咁
嗰一刻會諗其實我都唔係咁重要
有時候真係會想佢試下從我角度諗下

大我五年
我都係想佢多啲氹下我
脾氣好啲 試下從我立場去諗
如果佢肯為我改下
我一定好樂意去改佢唔鍾意我嘅地方
其實好希望可以走到最後

因為佢都未瞓

其實真係要同佢講 溝通先會磨合到
呢啲通常受軟唔受硬
你嗲啲咁同佢講相信都會受落既
拍左幾耐

出完成日街都照奶西

我都諗過會唔會
但如果我有一次無氹到就更加嚴重
佢扭計就可以 我扭計就無理取鬧
平時我扭下 佢都會氹嘅
不過就一定會覺得我好小朋友
但一到有分對與錯時 我一定要做錯嗰個

都講過幾次啦
佢話無九成都有九成九係我問題
聽完真係心都灰埋
差唔多拍咗兩個月

阿哥 幾多歲啊
幾點訓都要比人管

我又衰嘅 生理時鐘錯曬

如果係我 我會幫女朋友 洗頭 吹頭 按摩

差啲以為自己開post

屌 好聽咪大男人 其實係自我中心
如果你難受 證明你頂唔順
大段關係裡面 成日都唔開心就算啦

就算係我唔啱但我都係你個女朋友黎
連唔啱都唔話得 你話嘈交果陣點算
女人真係唔講道理嘅生物 試下調返轉男人咁講

唔係咁講呀 有啲人見你做錯野就起勢咁屌唔識收 咁作為男女朋友有錯鬧下就冇乜問題 但係狂鬧同講得難聽就過份咗 同埋要睇下件事係咩

咁我明你講咩 而且我都好同意
無可否認 衝口而出嘅說話嘅傷害係可以永久嘅傷害
但以樓主𠴱句嘅意思推就係 錯同女朋友 係要女朋友行先 咁樣就變左對人唔對事 不過我都覺得女朋友係用黎錫嘅
利申：始終唔係當事人 當鳩噏算

睇你忍唔忍到
接唔接受到呢個人咁對你一世

一段關係係會成長既
如果佢唔改
婚後更多野佢會管你嬲你
但佢錫你既
你咪同佢傾下

我男朋友都係咁
平時無咩事就好好
一有啲野佢唔順眼唔中意 就點都係我錯咁
然後如果我駁嘴既話就會變左鬧交 鬧交既話就死都要鬧贏我

不過我都知道佢係愛我既
平時都真係對我好好 好緊張我
但脾氣性格呢啲都好難十全十美咁