［緣份］有冇試過好想搵返一個人

唔係 佢仲未入黎

放心講比我知你點睇啦巴打 兩三個月前可能我會唔識諗覺得你淋熄我把火
但我依家唔會 最緊要係想睇清楚事實
當然事實係可能仲有機會

但可以點樣唔好為佢生活
有時我都會諗自己係咪失去左自我 但同時我又覺得佢帶比我既改變 係好過本身既自己 我係真心地想放棄原先既自己 然後改變成咁

其實我好似變得好似佢
變左另一個佢
但我忘記左 當初我地一齊好開心既時候 其實都唔係兩個完全一樣既人

我同你一樣 又係4，5個月左右 好多時好多事都想搵佢同佢講
但我知冇可能 加上佢已經有咗新仔
呢幾日發現佢unblk咗我ig 我真係好想搵翻佢同request follow佢
不過我知咁做冇意義 佢亦好大機會唔會accept 我嘅request
但係我真係好想問佢點解要unblk我 仲要淨係unblk ig
我真係好掛住佢 我好努力想放低佢但係我發現我做唔到
我一直忍住唔去搵佢唔去打擾佢真係好辛苦
但係見到佢而家好似好開心好幸福咁我就知我冇理由咁做
何況佢可能已經忘記/放低哂我

我明白未必咁容易 始終佢啱啱unblock你
但都想同你講 既然佢有新仔 就當比個理由自己都抖抖 呢段時間辛苦你喇
你等到既 就等到佢同依家呢個分手 到時再算
但好多時 可能等到一半你會就遇到更好更適合既人

我自己就好好彩無block對方(touch wood) 到依家都仲好留意對方story
但佢都好似有啲跡象係有新男朋友
或者追求者
我真係唔清楚

我唔係巴打 我想搵嘅人係一個男仔
要澄清返 因為我怕佢會唔知道係我
首先我覺得你宜家每一個舉動改變
只為為咗變成佢心目中滿意嘅對象
但你越係咁做...只會更加無咗原本嘅性格
不如諗吓最初佢又點解會願意同你一齊？
分手原因唔一定係出於你身上
所以唔好再迫自己變成第二個佢 希望你明

我可能聽得明... 但我唔識點唔逼自己

你分析得好啱 我好似係變成緊一個佢滿意既對象
但係我覺得原本既性格已經令我失去得夠多
雖然我都好中意以前既自己 但我依家真係更加中意依家成為緊既自己
縱使可能我仲未習慣 所以會好似無左原本既我咁 加上心情呀情緒等等 做返原先既自己唔係咁易

我曾經係英國見到一個人好面熟，
之後一直都大概記得佢個樣 好想見到佢，
但其實係陌生人 完全唔識大家。

之後係香港又撞到2次，
最後係東京同一班巴士去機場....
所以我忍唔住好大擔係人地屋企人面前抄佢牌

不過傾左陣就冇再friend
但起碼我識到佢 好開心！

勿相認

你唔需要去學識 因為無嘢比得上時間
坦白講只要你自己都鍾意自己就可以
唔需要分係以前定宜家
因為最熟悉自己嘅人係你本人
仲有你唔需要不斷提醒自己放低...
因為最簡單自然嘅方法就係等時間去幫你

多謝你
我會好好思考下你呢番說話

好想搵返一個人係會點？有咩心情同行為？
世界那麼大，點解要搵返？

成日心思思text唔text佢好。
不過又好難搵理由或者機會。但係原來只要厚面皮啲就得。
因為之前冇好好咁追過，同埋唔甘心。

大海撈針咁 因為連唯一聯絡方法都無埋
因為見到佢開過post搵自己
發現原來當初所有嘢對方仲記得同遵守承諾

搵唔到呀，果陣佢讀讀下書就返左澳洲

你信唔信緣份？有緣應該會再撞到
有時候就係咁...你愈想搵一個人就愈係搵唔到
當你已經開始唔記得 佢就突然出現返

久唔久就記起有呢個人同佢個名，但其實都已經唔係好記得個樣，更唔好講話隔左成廿年，就算見到都唔認得

原來大家都係大海撈針
只係搵緊一個曾經係記憶存在過嘅人

希望有一日大家都搵得到

其實好多時係搵得番 只係自己無勇氣去搵
小學暗戀左個女仔三年幾 個陣純粹係朋友 兩小無猜咁 玩得好埋 佢都知我中意佢
到升左中學 大家都唔同學校 中間有段時間完全搵唔到佢
到升左上高中先搵番佢facebook 但已經唔敢搵佢了
太耐無聯絡 唔知佢變成點 唔知佢出左pool未 唔知佢會唔會覺得我好煩
而家大學畢埋業出左黎做野 有時見到佢update facebook都會諗起佢
男仔最難忘既未必係初戀 而係佢第一個暗戀 而最後又得唔到既女仔

之前暗戀左一個男仔，仲未表白佢就已經轉工無再有聯繫

無見兩年再遇返，佢竟然第一眼就認到我，好想去馬但唔知點做好

大家咁話

好多時候就係咁樣 得唔到就係最深刻
但最少你仲可以知道佢近況...
趁宜家新年 當舊同學敘舊咁搵下佢
等自己唔好再不停循環後悔落去

無見兩年都遇得返 仲要佢都認得你
好明顯你同佢之間就有緣
唔想再等再令自己後悔多兩年就試咗先
衰咗又無咩大不了 但未試過就咩都無 加油

如果你真係見到 知道係我
可唔可以講一聲你近況
我淨係想知道你最近點樣就夠
我睇到你之前個post真係一直諗到宜家

當初自己決定離開一個人 (個陣曖昧緊)
因為我發現自己心底根本唔鍾意佢
過左一排仲係會諗起佢 因為覺得自己有愧於人
雖然都付出過真心 但始終都傷害左人
所以我最後有搵返人 但佢已經唔care lu
講一大輪野 或者對方已經let go哂
同以前既佢真係完全2個人 冷淡好多
雖然有d心酸 但我良心好似好過d