［中伏記錄］北海道，東北23日簡單遊記

等緊東北

Lm

麺屋　彩未
搭地鐵去到彩園站行五分鐘 食tabelog 3.84分 札幌排名no.1既拉麵
一點半去到 已經見到長長既人龍
最後排到兩點半先有得食





講下個拉麵先
麵 彈牙
湯 算係幾濃既味噌湯
叉燒 夠腍夠肥 好食


好食就一定架啦 不過我覺得唔算太特別 比唔到好大驚喜我
不過我都會推薦大家去試既


食完都差唔多三點
出返大通個邊行返d大路景點
札幌真係有好多歐陸式既歷史建築





除左兩個大型冰祭會場 舊都廳附近都有d小型冰雕睇






跟住去時計台
依d大路野我就唔多介紹啦








睇完都天黑 札幌我冇特別bookmark邊間餐廳想食
係地下街兜左幾個圈見肚餓 都係上tabelog搵下邊間湯咖哩正
最後去左依間

Soup Curry Treasure by Garaku
依間野係札幌其中一間人氣湯咖哩店GARAKU既支店 間舖都係正GARAKU對面
條龍短過GARAKU少少 不過都要等成三四十分鐘


入到去先揀要邊款湯咖哩 有雞牛海鮮等等
之後可以揀辣度
我就揀左雞髀2辛



雞髀好腍好入味 唔使用刀 就咁用叉都好易拆到肉
咖哩唔算好辣 我依d十小都唔係次次食到既人都接受到
不過札幌好多間湯咖哩店都有3.5分以上 是但搵間入都唔怕會中伏

登別冬天去靚好多
不過陣硫磺味

食飽就去行下冰祭
不過去到大通會場都成9點 得返一個鐘睇
唔講咁多 去圖




行行下就熄左燈






跟住轉場去薄野個邊


大通個邊係雪雕 薄野依邊係冰雕
細緻d同靚好多






























因為燈光同顏色問題 好難影得好䚍
屌細力d

最後係咁依兜個圈就返hostel了


Day 8完

Day 9
今朝本來諗住一早去小樽
但係因為前一晚未行哂大通會場雪祭 依一日就係雪祭last day
所以都係留左係札幌 下晝先去小樽

一去到就見到青年花式滑雪





朝早雪祭好似靚d
可能係因為依一日天氣真係好好













仲咁啱睇到刀劍神域活動 請左ReoNa同ASCA黎
ReoNa好正





不過山長水遠黎到札幌竟然唔唱歌


架妹


睇完就出發去小樽了

好似比想像中少人

冇影到人啫
不過又冇多人到行都行唔到既

邊位？

唔識
板黎

樓主係雪祭住酒店幾多錢先
仲有去薄野有冇去扑野

9500yen兩晚
唔做依d野啦 日日都行足成日攰到仆街

依兩日有test
聽日出文

一落車就去左酒店checkin先
今日住小樽dormy inn入面既capsule
dormy inn係正車站對面 一出就見到
不過對小樽黎講算唔算方便就真係見仁見智啦 因為離運河同堺町通商店街個邊都幾遠下


今日全日都係小樽鳩遊
第一站就梗係去運河啦
車站一出直行十分鐘左右就到





係運河旁邊條路仔就係雪燈廊其中一個會場
不過夜晚黎先係最靚 所以影左幾張相就行去堺町個邊




運河一帶既舖頭好多都係歷史建築改建
因為小樽係好耐之前已經發展成北海道其中一個重要港口
所以會係度見到好多西式建築

而小樽既硝子 即係玻璃工藝 非常出名
周街都會見到硝子店






係路上亦見到好多雪人



行下行下就行到堺町通 依度可以話係小樽商店集中地
餐廳 手信店 工藝品店 依度大把
白之戀人 六花亭 北菓樓 全部都可以係度搵到





當中最出名既就梗係小樽起家既LeTAO啦 單係依條街就有3間LeTAO
入面有試食區 可以試食佢地既cheesecake同芝士餅乾
行到攰既可以入去佢間cafe坐低食件cheesecake 不過真係好多人
我就剩係買枝雪糕就算
芝士味好濃 i like it


街尾間音樂盒館 無論入面定出面都超靚







好多古董






入左夜之後亮燈 真係好似去左歐洲咁



唔記得講 LeTAO上面有個細細地既觀景台
可以望哂附近既景色




之後就到重頭戲 行返去運河個邊啦

睇返啲相真係覺得冬天嘅小樽好正
樓主小樽住宿幾時book
係咪好快就畀人book曬？

10月11月左右
我唔清楚 不過越早訂越好啦梗係

5個月前...原來如此

邊有五個月

疏

小樽運河+雪燈廊既魅力
唔使講咁多 睇相

蕎麦・料理 籔半
係小樽唔知食乜
就求其tabelog左一間高分soba食


一入到去 又裝修得幾靚


叫左個天ざる 即係天婦羅冷蕎麥
個soba仲可以揀用道產小麥粉定普通小麥粉

整支craft beer先


上菜
食法係分三次食
第一次就咁食個soba
第二次係點汁食
最後係落蔥呀wasabi呀落個汁度再點黎食


評價係好食 天婦羅炸得好靚
道產soba有浸淡淡既小麥香


食完soba再加個蕎麥湯落個沾汁度飲
就係傳統冷soba食法啦



食完飯就行埋手宮線會場
不過行左一陣就夠鐘熄燈















除左會場之外 小樽街頭都有唔少作品



返酒店浸個溫泉
食埋個dormy inn特產同下晝係letao買左既布丁之後就訓了





Day 9完

Day 10
一朝早起身就黎到小樽三角市場食早餐




北のどんぶり屋 滝波食堂
依間應該係三角市場入面最出名既水產店
10點半去到 等左10分鐘左右就入得




滝波食堂係勝手丼既始祖（自稱）
望一望個價錢 比想像中平
咁就叫左個三拼普通size
佢個三拼係可以重覆既 即係例如兩份海膽一份蟹都得


一坐低就上左茶同魷魚乾
個魷魚乾送酒一流 不過我唔係日本人 唔想一起身就啤




因為小弟我唔太鐘意食海膽既關係 所以就冇要到
叫左兩份蟹一份三文魚子
另外仲叫左隻生蠔同三文魚刺身



不得不說 用料非常新鮮
生蠔海水味重 啱哂我依d重口味既人




蟹好鮮甜 依間舖都算抵食 值得推介


同場坐我後面有一家香港人嗌左成隻蟹
好想食埋一份


食完十一點左右出返黎 已經見到長長既人龍
想黎就最好早d黎啦

依一日又開始落下雪
雪中運河都別有一番風味






經過尋日之後 小樽已經變左我最鍾意既日本城市
依一日再去返本町通兜個圈



順便去埋letao takeaway試哂佢d甜品




佢個cheesecake真係好正


hea到兩點就返札幌了
bye小樽 我一定會再返黎架

好似冇乜人睇