我係一個花藝師 呢排襯未係時候開始做花束
開個post講解下揀花既需知 文長 希望幫到各位買左花同未買花既巴打
我買咩色既玫瑰比女朋友好？
佢好似隻隻色都鐘意咁
市面上玫瑰有好選擇同唔同顏色 仲有好多唔同嘅原產地揀
唔同顏色或者數量嘅玫瑰有唔同嘅花語 講白d就係指有唔同意思 唔可以求其 因為你可能唔知你另一半care定唔care!
每年都有唔少男仔問我有關花語既問題 真心覺得佢地好細心 基本上google都可以搵到 為免影響大家睇 我直接copy放係post底比大家睇
雖然理論上依家啲後生女仔好少會理背後嘅花語 只要成束花配襯得靚 夠大體就會開心 但係如果你送完花仲可以吹兩嘴背後嘅含意 一定會好lum!
特別注意 因為黃色代表道歉 所以唔係做錯事 最好避免選擇黃玫瑰了
我地喺情人節賣得最多就係紅玫瑰 粉紅玫瑰 白玫瑰 如果唔肯定女朋友鍾意咩色 呢幾隻色就最穩陣
如果女朋友比較前衛 鍾意可以選擇較特別的染色玫瑰 例如好多人問藍色, 雙色同彩色玫瑰
玫瑰主要來自強國/越南/肯亞/日本/荷蘭/美國 最平係強國玫瑰
當然一分錢一分貨 外地進口嘅玫瑰超大朵 可以放到兩星期 而且非常香
而我就冇話特別用邊個國家嘅款 但除非客人預算好有限 如果唔係會避免強國貨 費事未過情人節就殘哂啦
來自肯雅同強國既分別
咩叫襯花？
襯花十級重要! 因為佢地可以提升成束花嘅格調 製造層次感
如果一束花中間有一/兩種花材係較偏門 你女朋友冇見過的
就會覺得呢束花好有特別 覺得你好有taste
然後就會放上ig放閃呃like
試想下呢紮花冇哂d陪襯會有幾dry 紮花係送比你另一半 唔係送比老處女上司 太dry唔係咁好
點解有d花六七舊水就有交易 有d賣到幾千蚊 情人節食水真係咁深？
情人節 花同禮物係兩個item黎 諗起都幾肉赤架
其實呢段時間玫瑰嘅來貨真的好貴 而且香港人普遍只認識玫瑰 同時佢亦係情人節嘅代表 所以呢段時間玫瑰花價錢較高
如果想送一扎$1000以下嘅花 可以去花墟揀啲普普通通嘅 仔細d揀都會有意外收獲 平靚正既款
你亦可以到你心儀嘅花店選擇玫瑰以外既花 或者玫瑰數量較少嘅花 用唔同嘅配搭 例如繡球花或桔梗都好靚
繡球花
桔梗
最後比多一個貼士大家：
如果你女朋友有鼻敏感 要避免揀一d花蕊外露嘅品種 例如百合同鬱金香
如果想佢加你分 可以揀一束可以散發清香嘅花 淺色的玫瑰花 例如白玫瑰 淺粉紅玫瑰 麝香 風信子同牡丹 都係好清香既花種
前題係你女朋友冇鼻敏感
我應該點提女朋友/幫老婆保養紮花？
基本上較好嘅花種可以維持到一至兩星期
但一定要keep住養水
同埋唔好放係風口位
如果唔係好快會謝
我想送花嚟喺情人節溝女 好唔好？
千祈唔好
一個女仔收到唔係男朋友送嘅花係好尷尬嘅
始終花都係一種比較隆重嘅禮物 我早兩年試過送貨嗰陣 紮花比條女彈回頭 成紮花就咁浪費左 最後我拎左返自己屋企
如果你想喺情人節示愛 不妨再花d心思 自己整d小禮物仲好
我仲未訂花 而家仲趕唔趕得切？
有心唔怕遲
就算係14/2 都可以喺花墟嘅花店買到現成嘅款
但想要靚少少嘅話就要襯早
一般花店都喺9至10號截單
我自己10號截單
每年11至13號都基本上與世隔絕不斷整花
我好想睇下14/2唔同office既戰況 點先可以做花仔？
其實不外乎係識人
我身邊朋友都經常自薦幫我做花仔
但係我地鐘意用相熟嘅貨車司機多d
因為可以一車過去到唔同地區
我都會教d花仔點樣確保我嘅花係路程上唔會出問題
步兵通常唔會請到好多位 一年幾個咁樣
有冇女人買花比自己？
有就有嘅 但係唔多 基本上都係商業地址黎 我未親自去過 所以詳情係點我都唔知
有問題想問我儘量答 希望幫到大家
屋企廚房好細 希望大家討論返花
如果你女朋友知道你連登ac
唔方便問問題嘅(被發現就唔驚喜了）
或者你有緊急而深入嘅問題想一路恭喜人發財一路問嘅
或者你覺得篇文寫得好好 又未買花想買既 可以tg我 大家交流下
https://t.me/llkkjjiioo
預祝大家情人節開開心心
最後放返個花語同唔同朵數意思比大家：
紅色：熱戀、真誠的愛、真心真意
粉紅色：明豔照人、感動、愛的宣言
藍色：敦厚、善良
白色：純潔、天真的愛
紫色：夢幻、浪漫、珍貴獨特
香檳色：只鍾情你一個
橙色：青春氣息、初戀的心情
黑色：你是惡魔，你是我所有
１ 朵玫瑰代表 －一見鍾情、你是我的唯一、唯一的愛、對你情有獨鍾、心中只有你
２ 朵玫瑰代表 －－你儂我儂、心心相印、世界只有我和你 ( 妳 ) 、眼中世界只有我倆
３ 朵玫瑰代表 －－我愛你、山盟海誓 、甜蜜戀情愛在心底
４ 朵玫瑰代表 －－ 至死不渝、誓言、承諾、海誓山盟
５ 朵玫瑰代表 －－ 由衷欣賞、無怨無悔
６ 朵玫瑰代表 －－ 互敬、互愛、互諒、順心如意、順利、永結同心、願你一切順利
７ 朵玫瑰代表 －－ 偷偷地愛著你、天天想你、相逢知心、求婚、祝福、喜相逢、祝你幸運 、無盡的祝福
８ 朵玫瑰代表 －－ 謝謝你的關懷扶持及鼓勵、珍貴彌補、歉意、彌補、深深歉意、請原諒我
９ 朵玫瑰代表 －－天長地久、長相廝守、長相守、堅定、彼此相愛久長 、堅定之愛、永久的擁有
１０ 朵玫瑰代表 －－ 十全十美、無懈可擊、完美的你、完美的愛情
１１ 朵玫瑰代表 －－只在乎你一人、最愛、最愛的你、雙雙對對、一心一意、今生最愛還是你
１２ 朵玫瑰代表 －－ 對你的愛與日俱增、比翼雙飛、求婚、圓滿組合、心心相印 、每日思念對方
１３ 朵玫瑰代表 －－ 友誼長存、暗戀的人
１４ 朵玫瑰代表 －－ 驕傲
１５ 朵玫瑰代表 －－ 對你感到歉意 I'M SORRY
１６ 朵玫瑰代表 －－ 多變不安的愛情
１７ 朵玫瑰代表 －－ 絕望無可挽回的愛、好聚好散、讓我們的愛到此為止
１８ 朵玫瑰代表 －－ 真誠與坦白
１９ 朵玫瑰代表 －－ 忍耐與期待
２０ 朵玫瑰代表 －－ 我僅一顆赤誠的心、兩情相悅、一生一世、永遠愛你、此情不渝
99支代表我好有錢
999支代表我好L有錢
希望唔好too long didn't read
