好啦講返點解我咁憎佢，利申戴返頭盔唔會做犯法嘢，我仲要等畢咗業揾返好工養老母。近呢兩年佢又飲返酒，成日被害妄想症話人對佢唔好，話想拎佢著數，明明佢賭到破產住公屋，明明佢啲親戚朋友成日救濟佢，對佢好嘅嘢關心佢嘅佢一件都唔撚記住，佢唔會記住人哋對佢嘅恩，佢剩係記住自己對人嘅小恩小惠，例如佢成日買埋啲垃圾食物上嚟話畀我哋食，根本冇人食佢又要晒錢買。
佢成日飲醉上嚟嘈，係咁大聲講電話。我有時day off留喺屋企做自己嘢，成日見我做緊assignment睇緊reading又係咁同我講啲人對佢唔好，然後又大大聲屌，每次都歷時至少一個鐘。我畀佢嘈到就精神崩潰，明明呢個係我屋企，佢就當呢度係唔使錢嘅party room，成日買酒上嚟飲又發酒癲，佢仲要奉旨唔除鞋，日撚日上嚟日撚日都嘈，又踩到周圍污糟晒。又成日瞓我老母張床，搞到成間房成陣酒除。有次我同老母去旅行個幾禮拜，佢死都話要上嚟瞓，我哋阻止唔到。結果一落機夜晚返嚟屋企臭過屎坑，成地黑晒勁多塵，心諗當呢度免費酒店奉指有工人幫你執？明明有部吸塵機都唔開又叫朋友上嚟食飯唔除鞋周圍踩痴撚線。
佢最乞人憎係成日講到自己偉人咁，又話我係你老豆最錫你呢個女，又話自己唔食都要畀你食。大佬呀你冇養過我哋咁濟呀，未離婚嗰陣靠綜援，離咗之後又係老母出返嚟做嘢養我哋咋。講咗十九幾萬次叫佢戒酒戒賭唔撚聽，繼續我行我素覺得冇錯覺得自己開心就得，但佢從來唔會喺人哋角度出發，佢唔知自己會搞到人。
其實好想換門鎖，但係佢之前自殺過，唔想做到咁盡。但我真係成世人畀佢害死，畀佢搞到我成廿歲人都唔敢拍拖，好驚遇到好似佢咁嘅人。呢啲嘢又揾唔到朋友傾訴，因為大學識得嘅朋友全部都好有錢又幸福家庭，冇人明白理解。sorry for too long，我知臨新年先講啲咁嘅嘢唔係幾好，但真係好想圍下爐取下暖咁
唯有叫佢定時食藥控制病情 再唔得要叫社康精神科護士跟跟佢 
但其實佢唔飲酒就控制到病情，佢而家keep住有睇精神科但醫生都話佢好咗好多，係啲酒精搞到佢咁
如果一早離婚我童年會開心好多。呢刻我正係想佢條仆街快撚啲死，死咗我都唔會流半滴眼淚
