《銃夢：戰鬥天使》Alita:Battle Angel 電影討論區

唔記得左，印象中漫畫好似冇除過眼鏡

我記得好似博士鐘意布丁係質感同人腦相似定係畫面表達最初食布丁好似食人腦嘅恐怖感？
太耐唔記得哂，
如果係咁嘅話電影一定冇布丁出現啦，
隨時變三級都似

漫畫個博士後期成日派膠
膠得黎又好多金句同哲理

我又無印象有咁提過,
但個人覺得一個咁既天才會咁瘋狂咁鐘意食布甸,
令呢個天才人物既瘋狂再提升多一個層次

係
不過因為係出自90年代，
好多橋可能你已經喺好多影視，ACG作品上面睇過，所以而家睇未必會覺得神，
不過都係一部好漫畫

LO 入面博士已經變到好正派，
冇左第一部果種瘋狂邪惡嘅感覺，
而且加里又多左好多同伴，
可能責任編輯換左人，
變到有少少似近年嘅烙印戰士咁，
不過LO 睇落去都好爽嘅，人物素造都好好，
係少左第一部果種血肉橫飛，同埋睇到有少少反胃果種生死意識

女主打仗果陣沙林仲喺一條軌道電梯，由漫畫劇情，軌道電梯上去有可以控制殖民衛星利維坦山(複數)嘅地方，女主達成任務將殖民衛星飛向太陽，沙林AI發癲整爛咗軌道電梯
女主完成任務之後本來應該自爆，點知俾吸血鬼捉咗，之後投放大氣之刑咁啱跌咗洛軌道電梯殘骸嗰度

其實我都鍾意第一部夠邪惡同血肉橫飛既感覺多d

LO入面羅亞分開左幾個個體, 唔同既經歷之後思想取向又有唔同,
呢個係又想玩另一個問題啫,
LO補回返前文明既崩壞同宇宙入面唔同星球上既文化分別係唔錯, 但武鬥大會真係有D奇怪, 武鬥大會俾用槍又好奇怪

科幻版龍珠+gun-fu

打鬥同競賽都真係無得頂
迴旋揮拳諗住打中下秒俾佢斷手斷腳都仲唔放棄真係"咕喱唔刀"
係感情線太兒戲，帶你去玩同食朱古力兩件事就溝到你，咀埋你就俾個心人
最後果幕我想問下既然吹到個火星身體咁勁做咩唔一接到手就fing佢上去要慢慢拉扯
off topic咁講當睇到呢一幕就諗起amazing Spiderman 鐘樓救Gwen果幕，雖然同一套愛情片比唔公平，但係人地合理咁將個劇本推到果度先有feel，而銃夢個處理相對無咁好，無呢一幕可能仲好d，機械化男主我覺得好夠
不過見到有巴打話係忠於原著咁又可以理解
只係覺得感情方面寫少d 會更好
始終係賣戰鬥賣爽，感情線恰到好處就得如果show到男主點解對女主咁重要既話就唔同講法，但係又無，只係一個要女主保護既meatball
見到有巴打話3d好正都心郁郁想去補場

當年睇會思考
龐鐵城人腦機械身，同薩雷姆腦晶片肉身，究竟邊個先係人。腦晶片究竟係唔係［我］

原著女追男隔層紗係易追d
同埋尤浩厭惡機械身體可能因為連阿哥接駁落自己肉身既手都無埋
連"想用阿哥既手完成去沙雷姆"既夢想都幻滅就應該想自殺

就唔係電影咁講：地下無路走唯有行鋼纜

漫畫yugo(Hugo)都冇話好愛佢 只係有少少好感
但都對機械有厭惡
係加里自己單戀一見鍾情外加對愛情既憧憬先咁投入
同時係呢度表達左加里初期對自己改造人身分對有肉身人類既自卑感
或者要強調下生化人並非人造之物
佢地都係人類黎 只係意外失去左肉體
而且改造成機械義肢仲要揹一大筆債上身
所以有人為左還債又要去殺人還債
而且仲未計可能係人為失去器官或肉體 被逼負債之類既情形

如果有人睇完呢個電影版本既alita
覺得好睇既話
真係好推薦你地去睇一次原著1-7集漫畫 同外傳馬借戰記幾個番外篇既故事 外傳幾個故事都寫得幾好 係圍繞廢鐵鎮既一d人和事
Last order同火星戰記就等你地睇完原著先再講

近期睇過既水準之作

希望有續集
難得好睇既日漫改編電影

唔夠喉呀屌
好想睇第下集

真係, 好少有戲俾到呢種感覺

貪靚刀客好多戲份

佢係酒吧既恥笑樣

最後無左塊面好撚好笑

我覺得火星戰記又有返第一部果種血肉橫飛既感覺