今日係比較FREE既一日
因為尋日我就去左河口湖,朋友去左滑雪,所以今日就去撚雀
首先就去左毒撚聖地 秋葉原先
比著係3年前既我,應該可以係老秋行幾日,但依家已經無太多既興趣了
全部人最後都叫左依個黎食 咖哩炸豬扒飯
之後就搵我地既第一個CAFE
去依個位於秋葉原既CAFE唔係去食野
而係去撚雀,貓頭鷹之森係淺草都有分店,我地就揀左黎秋葉原依間
我地就無book到位,點知上到去,多人都死,佢就幫我地即場book下一個鐘,咁我地就ON99咁行左陣街,再上番去.
價錢就係890yen包一杯野飲,限時一個鐘
入場前就先消毒雙手,再有人講解點去摸D貓頭鷹,之後就可以比你周圍去睇/去影/去同佢地玩.
個場地好細,大約半個中學既課室咁,一個時段就有20人左右,雖然有D迫,但大家都有空間去同貓頭鷹玩
<貓頭鷹CAFÉ>
有D係唔摸得,不過我地行好埋同佢自拍都係無事既
幫佢地戴左頂聖誕帽
好萌,有個橙色既眼圈
好型,好大隻,原來場入面既隻隻都係幾歲左右,不過體型已經唔會再大.
佢地間唔到都有打下交,不過有工作人員係度,都算安全
另外都有人不斷清潔,想去既唔洗擔心有異味.
其實過左一個鐘,佢地都唔會趕,但係我地都影夠相,同佢地都玩左好耐
所以就去左第二個景點
我之前都有去過東京,但係六本木都係第一次去.上六本木hill影夜景我都期待左好耐,不過果日竟然落雨(10日係得果一日有落雨),就上唔到六本木hill最高露天既Sky Deck展望台,好失望
<六本木HILL>
都算不過不失,能見度好低,同大陸D霧差唔多
係六本木hills個展望台係唔同日子會有唔同既SHOW睇
有D立體投影係玻璃度,而果陣咁岩就係"你是名字",所以吸引左好多人係度睇
仲有秒速五厘米添
有新海誠製作既動畫精品賣
果日有好多人,排左好耐隊先落到去
之後就冒雨去搵麵屋武藏 虎嘯
麵條好特別 肉都好食
之後去左涉谷睇青之洞窟
無乜影相 無乜特別 可能太大雨所以無乜心情睇
shopping左陣就番左去訓了
<第四日完>
如果大家想睇更多貓頭鷹相可以講
想拎黎做wallpaper
撘單問下，東京站個旅遊中心朝早一開係咪都已經會多人到仆街
